Kronika II, 32:23 - BAIBLO ALOO NGMAMI KLƆUKLƆU Ɔ

²³ Nihi babauu ba Yerusalem, ba sã bɔ ha Yawɛ, nɛ a ke Matsɛ Hezekia hu níhi nɛ a he jua wa. Nɛ kɛ je jamɛ a be ɔ kɛ yaa a, je ma amɛ tsuo buɔ Hezekia saminya.

Kronika II, 32:23 ပူးပေါင်းရင်းမြစ်များ

Matsɛmɛ I, 10:10

Enɛ ɔ se ɔ, Sheba manyɛ ɔ ke Matsɛ Salomo ní nɛ ɔmɛ nɛ e hɛɛ kɛ ba a: sika tsu kilo akpe eywiɛ, tsopa kɛ e he via babauu, kɛ tɛ nɛ he jua wa. Tsopa kɛ e he via nɛ Sheba manyɛ ɔ ba ke Matsɛ Salomo ɔ, Salomo na we eko nɛ hiɛ kaa ja hyɛ.

Matsɛmɛ I, 10:25

Nɔ tsuaa nɔ kɛ nike ní nɛ ɔmɛ eko baa: sika hiɔ, sika tsu níhi, tade, ta hwumi níhi, tsopa kɛ e he via, okpɔngɔ, kɛ teji okpɔngɔ. Nɔ́ nɛ ɔ ya nɔ daa jeha.

Matsɛmɛ I, 4:21

Nɛ Salomo ye tsɛ ngɛ ma amɛ tsuo a nɔ, kɛ je Yufrate pa a nya kɛ ya si Filisti bi ɔmɛ a zugba a, kɛ ya pue Egipt bi ɔmɛ a huzu ɔ nya tɔɔ. Je ma nɛ ɔmɛ wo tó ha lɛ, nɛ a sɔmɔ lɛ e wami be ɔ tsuo.

Matsɛmɛ II, 19:30

Yuda we ɔ, ni nɛmɛ nɛ a yi ma na wami ɔ, a ma plɔke kaa tsohi; a ma tsɛ̃ sipoku kɛ ya zu mi ekohu, nɛ a maa wo yiblii.

Kronika I, 29:25

Yawɛ wo Salomo nɔ gojoo; e ha nɛ e na biɛ ngɛ Israel tsuo, nɛ e hɛ mi ba nyami pe Israel matsɛmɛ ɔmɛ tsuo nɛ sɛ e hlami ɔ.

Kronika II, 1:1

Matsɛ David bi Salomo tsɛ yemi ɔ ya nɔ wawɛɛ nitsɛ. Yawɛ, e Mawu ɔ gbaa lɛ, nɛ e pee lɛ nɔmlɔ ngua.

Kronika II, 17:11

Filisti bi ɔmɛ a ti ni komɛ ba ke Yehoshafat ní, nɛ a kɛ sika hiɔ babauu wo tó ha lɛ. Arabia bi ɔmɛ hu ba ha lɛ agbosu akpe kpaago kɛ e nya lafa kpaago, kɛ akpakpo akpe kpaago kɛ e nya lafa kpaago.

Kronika II, 17:5

Enɛ ɔ he je ɔ, Yawɛ ha nɛ e matsɛ yemi ɔ da si, nɛ Yuda ma a tsuo wo tó ha lɛ. E na ní kpɔtɔɔ, nɛ e hɛ mi ba nyami.

Kronika II, 9:24

Nɔ tsuaa nɔ kɛ nike ní nɛ ɔmɛ ba haa Salomo: sika hiɔ, sika tsu níhi, tade, ta hwumi níhi, tsopa kɛ e he via, okpɔngɔ, kɛ teji okpɔngɔ. A peeɔ nɔ́ nɛ ɔ daa jeha.

Ezra 7:27

Ezra la kɛ je Mawu yi ke, “Á je Yawɛ, wa nɛmɛ a Mawu ɔ yi. Lɛ nɛ e kɛ susumi kpakpa wo matsɛ ɔ yi mi kaa e pee nɔ́ ko kaa kikɛ nɛ ɔ kɛ wo Mawu we ɔ nɛ ngɛ Yerusalem ɔ hɛ mi nyami.

La 68:29

Yawɛ, o we ɔ nɛ ngɛ Yerusalem he je ɔ, matsɛmɛ ngɔɔ nike ní kɛ ba haa mo.

La 72:10

Matsɛmɛ nɛ je Spania, kɛ zugbahi nɛ wo bɔle mɛ ɔ a nɔ ɔ, á tsu to kɛ ba ha lɛ, nɛ Sheba, kɛ Seba matsɛmɛ ɔmɛ nɛ a ba ke lɛ ní!

La 76:11

Nyɛɛ wo Yawɛ, nyɛ Mawu ɔ si, nɛ nyɛɛ ye siwo ɔmɛ a nɔ. Nyɛ nihi tsuo nɛ nyɛ bɔle Nyɔmtsɛ ɔ, nɔ nɛ he ngɛ gbeye ɔ, nyɛɛ ngɔ nike ní ba ha lɛ.

Mateo 2:11

A sɛ we ɔ mi, nɛ benɛ a na bimwɔyo ɔ, kɛ e nyɛ Maria a, a kpla si nɛ a ja bimwɔyo ɔ. A pɛne a kotoku ɔmɛ a nya, nɛ a ke lɛ ní: sika tsu, mimɛ, kɛ mire.