Kronika II, 32:21 - BAIBLO ALOO NGMAMI KLƆUKLƆU Ɔ

²¹ Yawɛ tsɔ bɔfo ko nɛ e ba gbe Asiria ta buli ɔmɛ, kɛ asafoatsɛmɛ ɔmɛ tsuo ngɛ a sito he ɔ, nɛ Asiria matsɛ ɔ kɛ zo kpale kɛ ho e ma mi ya. Ligbi ko, benɛ a ngɛ e jami he ɔ, e binyumu ɔmɛ ekomɛ ya gbe lɛ kɛ klaate.

Kronika II, 32:21 ပူးပေါင်းရင်းမြစ်များ

Samuel II, 24:16

Benɛ Mawu bɔfo ɔ maa ho Yerusalem hɛ mi kpatami ya a, Yawɛ tsake e yi mi nɛ e to kaa e maa gbla ni ɔmɛ a tue ɔ, nɛ e de bɔfo ɔ nɛ ngɛ ma a hɛ mi kpatae ɔ ke, “E hiɛ. Mo kpa!” Jamɛ a be ɔ, Yawɛ bɔfo ɔ ngɛ Yebus no, Arauna ngma gbeemi he ɔ kasa nya.

Matsɛmɛ II, 19:20

Kɛkɛ nɛ Amoz binyumu Yesaya tsɔ ke a ya de Hezekia ke, “Yawɛ, Israel Mawu ɔ ke, kue nɛ o fa ha lɛ ngɛ Asiria matsɛ, Senakerib he ɔ, e nu.

Kronika II, 32:20

Kɛkɛ nɛ Matsɛ Hezekia kɛ gbalɔ Yesaya, Amoz binyumu ɔ fa kue ha Mawu.

Kronika II, 32:22

Bɔ nɛ Yawɛ pee kɛ kpɔ Matsɛ Hezekia, kɛ Yerusalem ma mi bi ɔmɛ kɛ je Asiria matsɛ, Senakerib, kɛ a he nyɛli kpa amɛ a dɛ mi ji nɛ ɔ nɛ. Yawɛ ha nɛ Hezekia kɛ e ma a, kɛ ma amɛ nɛ bɔle mɛ ɔ hi si ngɛ tue mi jɔmi mi.

Hiob 9:4

Mawu ɔ, e le ní, nɛ e he wa. Mɛnɔ lɛ te si kɛ si Mawu hyɛ nɛ e hi ha lɛ?

La 132:18

Ma ha zo maa gbe e he nyɛli ɔmɛ kpɔtɔɔ, se e tsɛ yemi ɔ maa bɔ, nɛ e ma he biɛ saminya.”

La 18:50

Mawu haa nɛ David yeɔ kunimi daa. Matsɛ ɔ nɛ lɛ, Mawu ɔ pɔ nu ɔ, e naa lɛ mɔbɔ daa; lɛ, kɛ e bimɛ, kɛ e nina tsuo.

La 44:15

Daa nɛ, ke ye he nyɛli na mi kikɛ nɛ ɔ, yaka jɛmi tɛ̃ a nya mi; ye he guɛ sɔuu a hii gbee, nɛ zo gbeɔ mi kpɔtɔɔ.

La 76:12

Ganɔhi nɛ woɔ a he nɔ ɔ, e baa mɛ si; e woɔ matsɛmɛ nguanguahi hu a he gbeye.

La 76:5

He nyɛli ɔmɛ a ta buli katsɛmɛ ɔmɛ nyɛ we nɛ a da ta a nya kulaa. A gbo kɛ pueɔ si kaa nihi nɛ hwɔ mahe nɛ a kpakpaa a he níhi tsuo.

La 76:6

Benɛ mo Yakob Mawu ɔ wo gbi ɔ, okpɔngɔ ɔmɛ, kɛ okpɔngɔ nɔ hili ɔmɛ tsuo gbo kɛ pue si.

La 76:7

Niinɛ, o he ngɛ gbeye! Ke o mi mi fu ɔ, mɛnɔ ma nyɛ o hɛ mi maa da?

Abɛ Womi 11:2

Hɛ mi si puemi nyɛɛɔ he nɔ womi se. Nɔ nɛ baa e he si ɔ, e le nɔ́.

Abɛ Womi 16:18

Nɔ nɛ woɔ e he nɔ ɔ, e hɛ mi kpataa; nɔ nɛ tsɔɔ e he ɔ, e blɔ nya jeɔ e dɛ.

Yesaya 10:8

E fĩaa nɛ e deɔ ke, “Anɛ ye tatsɛmɛ ɔmɛ ɔ, pi matsɛmɛ ji mɛ tsuo lo?

Yesaya 14:25

Ma kpata Asiria bi ɔmɛ a hɛ mi ngɛ ye ma Israel zugba a nɔ, nɛ ma naa a nɔ ngɛ ye yo ɔmɛ a nɔ. Ma je ye ma a kuɛ kɛ je kuɛpã tso nɛ Asiria bi ɔmɛ kɛ wo lɛ ɔ mi; nɛ tlomi nɛ a ha ye ma a tloo ɔ hu, ma je ngɛ a nɔ.

Yesaya 36:9

O ngɛ blɔ hyɛe nɛ Egipt ba ha mo ta zugba lɛhi kɛ okpɔngɔ ta buli, be mi nɛ ye nyɔmtsɛ ɔ we asafoatsɛ nyafii pe kulaa a po o be lɛ nyɛe.

Yesaya 37:21

Kɛkɛ nɛ Amoz binyumu Yesaya tsɔ ke a ya de Hezekia ke, “Yawɛ, Israel Mawu ɔ ke, kue nɛ o fa ha lɛ ngɛ Asiria matsɛ, Senakerib he ɔ, e nu.”

Yesaya 42:8

“Ye biɛ ji Yawɛ; imi pɛ ji Mawu. I be ye hɛ mi nyami ɔ ngɔe kɛ ha mawu kpahi, nɛ ye yi jemi ɔ hu i be ngɔe kɛ ha amagahi.

Yeremia 21:2

“Babilonia matsɛ, Nebukadnezar ba tua wɔ. Lɔ ɔ he ɔ, i kpa mo pɛɛ nɛ o bi Yawɛ ga womi ha wɔ kaa alini Yawɛ ma tsu nyakpɛ ni ha wɔ, nɛ e ma ha nɛ Nebukadnezar maa kpale e se lo.”

Daniel 3:28

Kɛkɛ nɛ Nebukadnezar de ke, “A je Shadrak, Meshak kɛ Abednego mɛ a Mawu ɔ yi! E tsɔ e bɔfo ɔ kɛ ba je nimli nɛ ɔmɛ nɛ a sɔmɔɔ lɛ, nɛ a ngɔ a hɛ ngɔ fɔ e nɔ ɔ. A kua ye mlaa amɛ a nɔ yemi, nɛ a ngɔ a wami ngɔ ha. A pee enɛ ɔ, ejakaa a sume kaa a ma kpla si nɛ a sɔmɔ mawu kpa ko, pe a Mawu ɔ pɛ.

Daniel 6:22

Ye Mawu ɔ tsɔ e bɔfo ɔ, nɛ e ba má jata amɛ a nya, nɛ a yi mi awi. Mawu pee nɔ́ nɛ ɔ, ejakaa e le kaa i pee we nɔ́ ko nɔ́ ko nɛ dɛ; e le kaa mo nɛnɛ hu, i tɔ we o nɔ.”

Ni Tsumi 12:23

Amlɔ nɔuu ɔ, Nyɔmtsɛ ɔ bɔfo ɔ fia Herode nɔ́. Gɔgɔ ye lɛ, nɛ e gbo; ejakaa e wui Mawu hɛ mi nyami.