Kronika II, 32:17 - BAIBLO ALOO NGMAMI KLƆUKLƆU Ɔ

¹⁷ Asiria matsɛ ɔ bɔ Yawɛ, Israel Mawu ɔ ahlua ngɛ womi ɔ nɛ e ngma ba ha Hezekia a mi ke, “Je ma amɛ a mawu ɔmɛ nyɛ we nɛ a je a ma amɛ kɛ je ye dɛ mi. Hezekia Mawu ɔ hu be nyɛe ma je e ma a kɛ je ye dɛ mi.”

Kronika II, 32:17 ပူးပေါင်းရင်းမြစ်များ

Matsɛmɛ II, 19:11

Mo nitsɛ o nu níhi nɛ Asiria matsɛmɛ ɔmɛ pee zugba amɛ, bɔ nɛ a kpata a hɛ mi butuu. Nɛ moo lɛɛ o susuɔ kaa o maa ye o he lo?

Matsɛmɛ II, 19:12

Benɛ nɛnɛmɛ kpata Gozan, Haran, kɛ Rezef ma amɛ a hɛ mi, nɛ a gbe Beteden bi nɛ ngɛ Telasar a, anɛ a mawu ɔmɛ nyɛ a yi wami he lo?

Matsɛmɛ II, 19:14

Hezekia he womi ɔ ngɛ tsɔli ɔmɛ a dɛ nɛ e kane. Lɔ ɔ se ɔ, e ho Yawɛ we ɔ mi ya nɛ e ya bli womi ɔ mi ngɛ Yawɛ hɛ mi,

Matsɛmɛ II, 19:22

Mɛnɔ he fɛu o ye ɔ? Mɛnɔ ahlua o bɔ ɔ? Mɛnɔ nɔ nɛ o wo nya nɔ ngɛ ɔ? Mɛnɔ o bui ɔ? Pi Israel Mawu klɔuklɔu ɔ lo?

Matsɛmɛ II, 19:28

Akɛnɛ o kɛ mi tuɔ munyu basabasa, nɛ i nu o he nɔ womi hu he he je ɔ, ma ngɔ gbowe kɛ wo o gugwɔ mi, ma wo o nya mi dade; nɛ ma kpale mo kɛ maa gu blɔ nɛ o gu nɔ kɛ ba a nɔ.”

Matsɛmɛ II, 19:9

Kɛkɛ nɛ gbi ko ba su Asiria matsɛ ɔ kaa Sudan matsɛ, Tirhaka hia ta kɛ nyɛɛ Egipt tabo ɔ hɛ mi kɛ ma nɛ e ba tua lɛ. Benɛ Asiria matsɛ ɔ nu sane nɛ ɔ, e ngma womi nɛ e tsɔ kɛ ya ha Yuda matsɛ, Hezekia.

Kronika II, 32:14

Mɛni be lɛ je ma nɛ ɔmɛ tsuo a mawu ɔmɛ eko nyɛ́ kpɔ a zugba kɛ je wa dɛ mi hyɛ? Lɛɛ mɛni haa nɛ nyɛɛ lɛɛ nyɛ susuɔ kaa nyɛ Mawu ɔ ma nyɛ he nyɛ yi wami ɔ?

Kronika II, 32:16

Senakerib tsɔli ɔmɛ nitsɛmɛ hu tu munyuhi babauu kɛ si Yawɛ Mawu, kɛ e tsɔlɔ Hezekia.

Nehemia 6:5

Jehanɛ, Sanbalat tsɔ kɛ ba si enuɔne. Tsɔlɔ ɔ hɛɛ sɛ gbi nɛ a ngma ngɛ womi nɛ a sɔu we nya mi kɛ ba.

Yesaya 10:15

Se nɔ́ nɛ Yawɛ ngɛ bie ji, “Anɛ gbiɛ ma nyɛ maa fĩa ke e kle pe nɔmlɔ nɛ ngɔ lɛ kɛ ngɛ ní tsue ɔ lo? Anɛ sau ma nyɛ maa wo e he ha nɔ nɛ ngɛ lɛ gblae ɔ lo? Tsa pi dɛma tso nɛ hɛɛɔ nɔmlɔ; nɔmlɔ mohu nɛ hɛɛɔ dɛma tso. To tsɔmi tso ɔ, lɛ nitsɛ e fɔ we e he; nɔ ko nɛ fɔɔ lɛ.”

Yesaya 37:14

Matsɛ Hezekia he womi ɔ ngɛ tsɔli ɔmɛ a dɛ, nɛ e kane. Lɔ ɔ se ɔ, e ho Yawɛ we ɔ ya, nɛ e ya bli womi ɔ mi gbajaa ngɔ pue si ngɛ Yawɛ hɛ mi,

Kpojemi 13:6

E bɔni musu bɔmi munyuhi tumi kɛ si Mawu, Mawu biɛ ɔ, Mawu hi he ɔ, kɛ nihi tsuo nɛ ngɛ hiɔwe ɔ.

Samuel I, 17:26

David bi nyumu ɔmɛ nɛ daa si ngɛ e kasa nya a ke, “Nɔ nɛ maa gbe Filisti no nɛ ɔ, nɛ́ e ma je Israel kɛ je ahlua bɔmi nɛ ɔ mi ɔ, mɛni a maa pee ha lɛ? Mɛnɔ ji kikɛmɛ a Filisti no mɔmlɔtɔtsɛ nɛ ɔ, nɛ e ngɛ Mawu hɛ kalɔ ɔ tabo ɔmɛ ahlua bɔe kikɛ nɛ ɔ?”

Samuel I, 17:36

I gbe jatahi kɛ osisiblisihi hyɛ, nɛ ja nɔuu ma pee kikɛmɛ a Filisti no mɔmlɔtɔtsɛ nɛ ɔ, ejakaa e bɔ Mawu hɛ kalɔ ɔ tabo ɔmɛ ahlua.”