Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kronika II, 31:2 - BAIBLO ALOO NGMAMI KLƆUKLƆU Ɔ

2 Matsɛ Hezekia kpale dla ní tsumi kɛ ha osɔfo ɔmɛ, kɛ Levi bi ɔmɛ, nɔ tsuaa nɔ kɛ e ní tsumi pɔtɛɛ. Ní tsumi slɔɔto ɔmɛ ji nɛ ɔmɛ nɛ: sami bɔ sami, tue mi jɔmi bɔ sami, sɔmɔmi ngɛ Yawɛ we ɔ, kɛ Yawɛ yi jemi kɛ si nami.

အခန်းကိုကြည့်ပါ။ ကော်ပီ




Kronika II, 31:2
23 ပူးပေါင်းရင်းမြစ်များ  

Kuuhi a mi nɛ a gba Aaron nina kɛ wo ji nɛ ɔmɛ nɛ. Aaron binyumuhi ji Nadab, Abihu, Eleazar, kɛ Itamar.


Benɛ Herode ngɛ matsɛ yee ngɛ Yudea a, osɔfo ko hi si nɛ e biɛ ji Zakaria. Osɔfohi a kuu nɛ a tsɛɛ Abiya a mi no ji lɛ. E yo biɛ ji Elizabet, nɛ lɛ hu Aaron nina ji lɛ.


bua jɔmi, kɛ lele hwɔmi gbi ekohu. Nyɛ maa nu ayɛflo kɛ e huno a gbi, kɛ la nɛ nihi nɛ ngɔ sina bɔhi kɛ ma Yawɛ we ɔ ngɛ lae ke, ‘Nyɛɛ na Yawɛ Tabohiatsɛ ɔ si, ejakaa Yawɛ hi, nɛ e suɔmi ɔ ngɛ daa!’ Ma ha nɛ kplɔkɔtɔ, kɛ he jɔmi maa ba zugba nɛ ɔ nɔ kaa kekle ko ɔ. Imi, Yawɛ lɛ i de.”


Nyɛ Yawɛ tsɔli tsuo, nyɛɛ ba; nyɛ je Yawɛ yi! Nyɛ nɛ nyɛ sɔmɔɔ Yawɛ ngɛ e we ɔ nyɔnyɔɔnyɔ, nyɛ je e yi


Mika bi Matania, Asaf nina ko nɛ a tsɛɛ Zabdi ɔ bibi ɔ. Lɛ ji nɔ nɛ jeɔ la nɛ a kɛ jeɔ si nami sɔlemi sisi. Bakbukia, Matania setsɔ ɔ, kɛ Shamua bi Abda, Yedutun nina Galal bibi ɔ.


A to osɔfo ɔmɛ, kɛ Levi bi ɔmɛ ngɛ a we asafo kuu ɔmɛ a nya kɛ ha Mawu we ɔ sɔmɔmi ní tsumi ɔmɛ ngɛ Yerusalem, kaa bɔ nɛ a ngma ngɛ Mose mlaa womi ɔ mi ɔ.


Levi bi ɔmɛ, kɛ Yuda ma a pee kaa bɔ nɛ osɔfo Yehoyada fa mɛ ɔ pɛpɛɛpɛ. Nihi nɛ ba tsu ní Hejɔɔmi ligbi ɔ nɛ sa kaa a ya we mi ɔ, osɔfo Yehoyada ha we nɛ a ngmɛɛ a he. Enɛ ɔ he je ɔ, asafoatsɛmɛ ɔmɛ ná we bi babauu, nihi nɛ ma ní tsumi, kɛ ni nɛmɛ nɛ kpa.


Blɔ nya nɛ Salomo tsɛ, David to kɛ fɔ si ɔ, Salomo hyɛ jamɛ a blɔ nya tomi ɔ nɔ kɛ dla ní tsumi kɛ ha osɔfo ɔmɛ. E ngɔ Levi bi ɔmɛ a ní tsumi hu ngɔ wo a dɛ; mɛɛ a ní tsumi ji kaa a la kɛ je Yawɛ yi, nɛ a piɛ osɔfo ɔmɛ a he kɛ tsu a daa ligbi ní tsumi ɔmɛ. Jehanɛ, Yawɛ we ɔ agbo nya buli ɔmɛ hu Salomo dla mɛ ngɔ wo kuuhi a mi kɛ ha agbo slɔɔto ɔmɛ a nya bumi kaa bɔ nɛ Mawu nɔmlɔ, David fa ke a pee ɔ.


Osɔfo ɔmɛ tsuo nɛ ba bua a he nya a tsu a he, tsa pi ngɛ a kuu ɔmɛ a mi kɛkɛ. Levi bi, ni nɛmɛ nɛ ji lali ɔmɛ tsuo bu kploba saminyawiiwi. Mɛ ji Asaf, Heman, kɛ Yedutun, kɛ a bimɛ, kɛ a nyɛmimɛ. Levi bi ɔmɛ ya da si ngɛ bɔ sami la tɛ ɔ beleku je kɛ a dɛ mi ngmlɛhi, bɛhi, kɛ sakuhi. Osɔfohi lafa kɛ nyingmi enyɔ piɛ a he ngɛ lejɛ ɔ, nɛ mɛɛ lɛɛ a ngɛ titimati kpae. Titimati kpali ɔmɛ, ngmlɛ fiali ɔmɛ, kɛ saku fiali ɔmɛ piɛ lali ɔmɛ a he, nɛ mɛ tsuo a nya sɔ kɛ wo la a nɔ. A la kɛ je Yawɛ yi ke, “A je Yawɛ yi, ejakaa e hi, ejakaa e suɔmi ɔ ngɛ kɛ yaa neneene.” Benɛ osɔfo ɔmɛ ngɛ kpo jee ngɛ Yawɛ we ɔ mi ɔ, bɔku ba ha lejɛ ɔ tlukaa. Bɔku nɛ ɔ ngɛ kpɛe kaa Yawɛ hɛ mi nyami; enɛ ɔ he je ɔ, osɔfo ɔmɛ nyɛ we nɛ a kpale kɛ ya lejɛ ɔ nɛ a ya tsu ní.


David ngɔ Asaf kɛ e nyɛmimɛ Levi bi ɔmɛ ngɔ to jami ní tsumi ɔ nya ngɛ he nɛ a ngɔ somi daka a ya ma a. Daa ligbi ɔ, ní tsumi tsuaa ní tsumi nɛ hia kaa a tsu ngɛ lejɛ ɔ, a tsuɔ.


Ligbi ko ɔ, Zakaria ya ngɛ osɔfo ní tsumi tsue ngɛ sɔlemi we ɔ. Jamɛ a be ɔ, e su a we osɔfo kuu ɔ nɔ kaa mɛ lɛ a ma sɔmɔ.


Nike ní tsuo nɛ Matsɛ David, we puɔ nya dali ɔmɛ, wɛtsoyi ɔmɛ, kɛ tatsɛmɛ ɔmɛ gbaa nɔ kɛ to ha Mawu ɔ, Shelomit kɛ e we mi bi ɔmɛ lɛ a hyɛɛ nɔ.


Benɛ a gbe ní tsumi ɔ nya a, a kɛ sika tsu, kɛ sika hiɔ nɛ piɛ ɔ ha matsɛ ɔ, kɛ Yehoyada, nɛ mɛ hu a kɛ pee kpluhi, kɛ ní kpa komɛ kɛ ma Yawɛ we ɔ mi. Yehoyada wami be ɔ tsuo ɔ, a sãã bɔhi daa ligbi ngɛ Yawɛ we ɔ.


A dla ní tsumi ɔ ha osɔfo ɔmɛ weku nya weku nya. Se Levi bi nɛ a ye jeha nyingmi enyɔɔnyɔ, loo nihi nɛ a ye pe ja a, mɛɛ lɛɛ a dla ní tsumi ɔ ha mɛ ngɛ a ní tsumi kuuhi a nya.


Yosia dla ní tsumi ngɔ ha osɔfo ɔmɛ, nɛ e wo mɛ he wami konɛ a tsu ní ɔ saminya.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ