Kronika II, 31:19 - BAIBLO ALOO NGMAMI KLƆUKLƆU Ɔ

¹⁹ Osɔfohi nɛ ngɛ mahi nɛ a ngɔ kɛ ha Aaron nina a, kɛ kɔpehi nɛ bɔle jamɛ a ma amɛ a mi ɔ, a hla a ti ni komɛ nɛ a hɛ mi ka si. Mɛ lɛ a dlaa niye ní kɛ haa nyumuhi tsuo ngɛ osɔfohi a weku ɔmɛ a mi, kɛ Levi no tsuaa Levi no nɛ a ngma e biɛ ɔ.

Kronika II, 31:19 ပူးပေါင်းရင်းမြစ်များ

Mose III, 25:34

Lohwe lɛmi zugbahi nɛ bɔle Levi bi ɔmɛ a ma amɛ hu peeɔ Levi bi ɔmɛ a weto ní; a ko jua eko.

Kronika II, 28:15

A hla ni eywiɛ ɔmɛ nɛ a wo a biɛ ta a ke a hyɛ ta nyɔguɛ ɔmɛ a nɔ. Nihi tsuo nɛ hɛɛ a he gu, nɛ e hia kaa a ha mɛ bo nɛ a bu ɔ, a ha mɛ bo; ni nɛmɛ nɛ e hia kaa a ha mɛ tade nɛ a wo hu, a ha mɛ tade. Ta yibu ní ɔmɛ nɛ a ha a ekomɛ ji bo ɔmɛ, kɛ tade ɔmɛ ɔ nɛ. Jehanɛ, a ha mɛ tokota nɛ a wo; a ha mɛ ní nɛ a ye; a ha mɛ nyu nɛ a nu, nɛ a to a pa amɛ a nɔ nu. Ni nɛmɛ nɛ pɔ tɔ mɛ, nɛ he wami be a he ɔ, a ngɔ mɛ ngɔ hi tejihi a nɔ, nɛ a kpale mɛ tsuo kɛ ho Yuda zugba a nɔ ya ngɛ Yeriko, ma nɛ tã ngɛ mi ɔ. Lɔ ɔ se ɔ, Israel bi ɔmɛ kpale kɛ ho Samaria ya.

Kronika I, 6:60

A ha Kohat weku ɔ ma nɛ ɔmɛ, kɛ kɔpehi nɛ bɔle ma amɛ kɛ je Benyamin wɛtso ɔ zugba mi: Geba, Alemet, kɛ Anatot. Lɔ ɔ he ɔ, mahi tsuo nɛ a ha Kohat weku ɔ nɛ a hi mi ji nyɔngma kɛ etɛ.

Kronika I, 6:54

Aaron nina nɛ ji Kohat weku ɔ, zugba nɛ a ha mɛ ji nɛ ɔ nɛ. Benɛ a fɔ sɔ ngɛ zugba a nɛ a ngɔ kɛ ha Levi bi ɔmɛ ɔ nɔ ɔ, Kohat weku ɔ ji kekleekle weku nɛ a na a blɔ fa mi nɔ́.

Kronika II, 31:18

A kane osɔfo ɔmɛ tsuo pɛpɛɛpɛ, a bimɛ tsɔwitsɔwi ɔmɛ, a yi ɔmɛ, a binyumu ɔmɛ, kɛ a biyi ɔmɛ; ejakaa mɛɛ lɛɛ be tsuaa be ɔ, e sa kaa a dla a he kɛ ha a ní tsumi klɔuklɔu ɔmɛ a tsumi.

Mose III, 25:32

Levi bi ɔmɛ lɛɛ a wehi nɛ ngɛ a ma amɛ a mi ɔ, a ngɛ he blɔ nɛ a kpɔɔ mɛ be tsuaa be.