Kronika II, 31:18 - BAIBLO ALOO NGMAMI KLƆUKLƆU Ɔ

¹⁸ A kane osɔfo ɔmɛ tsuo pɛpɛɛpɛ, a bimɛ tsɔwitsɔwi ɔmɛ, a yi ɔmɛ, a binyumu ɔmɛ, kɛ a biyi ɔmɛ; ejakaa mɛɛ lɛɛ be tsuaa be ɔ, e sa kaa a dla a he kɛ ha a ní tsumi klɔuklɔu ɔmɛ a tsumi.

Kronika II, 31:18 ပူးပေါင်းရင်းမြစ်များ

Romabi 15:16

i ba pee Kristo Yesu tsɔlɔ nɛ ma tsu ma je li ɔmɛ a he ní. Ma tsu ní kaa osɔfo kɛ fiɛ sane kpakpa a nɛ je Mawu ngɔ ɔ, konɛ Mumi Klɔuklɔu ɔ nɛ tsu ma je li ɔmɛ a he, nɛ a pee kaa bɔ nɛ a sã, nɛ maa sa Mawu hɛ mi.

Yesaya 5:16

Se Yawɛ Tabohiatsɛ ɔ lɛɛ nɔ́ nɛ da pɛ e peeɔ kɛ tsɔɔ e we agbo jemi; nɛ e gblaa e ma a tue kɛ tsɔɔ kaa Mawu klɔuklɔu ji lɛ.

Kronika II, 31:15

Ngɛ ma kpa amɛ a mi hehi nɛ osɔfo ɔmɛ ngɛ ɔ, nihi nɛ piɛ Kore he kɛ dla ní ɔmɛ pɛpɛɛpɛ ji nɛ ɔmɛ nɛ: Eden, Miniamin, Yeshua, Shemaya, Amaria, kɛ Shekania. A dla niye ní ɔ fiee kɛ ha a nyɛmimɛ Levi bi ɔmɛ ngɛ a ní tsumi nya,

Kronika I, 9:22

Nyumuhi tsuo nɛ a hla nɛ a bu sinya amɛ a nya a, a hiɛmi ji 212. A kane mɛ weku nya weku nya ngɛ a kɔpe ɔmɛ a mi. Matsɛ David kɛ gbalɔ Samuel ji ni nɛmɛ nɛ to ní tsumi nɛ ɔmɛ kɛ wo a nɛmɛ ɔmɛ a dɛ.

Kronika II, 31:17

A dla ní tsumi ɔ ha osɔfo ɔmɛ weku nya weku nya. Se Levi bi nɛ a ye jeha nyingmi enyɔɔnyɔ, loo nihi nɛ a ye pe ja a, mɛɛ lɛɛ a dla ní tsumi ɔ ha mɛ ngɛ a ní tsumi kuuhi a nya.

Kronika II, 31:19

Osɔfohi nɛ ngɛ mahi nɛ a ngɔ kɛ ha Aaron nina a, kɛ kɔpehi nɛ bɔle jamɛ a ma amɛ a mi ɔ, a hla a ti ni komɛ nɛ a hɛ mi ka si. Mɛ lɛ a dlaa niye ní kɛ haa nyumuhi tsuo ngɛ osɔfohi a weku ɔmɛ a mi, kɛ Levi no tsuaa Levi no nɛ a ngma e biɛ ɔ.