Kronika II, 31:14 - BAIBLO ALOO NGMAMI KLƆUKLƆU Ɔ

¹⁴ Nike ní ɔmɛ nɛ a kɛ ba ha Yawɛ, nɛ ji bɔhi nɛ je tsui mi faa a, nɔ nɛ a to nɛ ma he ngɛ ma a dɛ, nɛ lɛ nɔuu e maa dla ji Imna binyumu Kore, Levi no ɔ. Kore ji Yawɛ we ɔ beleku je agbo ɔ nya buli ɔmɛ a nɔkɔtɔma.

Kronika II, 31:14 ပူးပေါင်းရင်းမြစ်များ

La 119:108

Yawɛ, mo he ye bɔ nɛ i kɛ ngɛ mo si nae ɔ, nɛ o tsɔɔ mi o mlaa amɛ.

Nehemia 13:13

I ngɔ nimli nɛ ɔmɛ ngɔ to nito he tsu ɔmɛ a nya: osɔfo Shelemia, mlaa tsɔɔlɔ Zadok, kɛ Levi no ɔ nɛ a tsɛɛ Pedaya a. A he piɛlɔ ji Zakur bi Hanan, Matania bibi ɔ. I le mɛ kaa anɔkuale yeli nɛ a ní tsumi ji kaa a maa dla niye ní ɔ ha a sibi ní tsuli ɔmɛ pɛpɛɛpɛ.

Ezra 7:16

Ngɔɔ ní nɛ ɔmɛ hu kɛ piɛ he: sika hiɔ, sika tsu tsuo nɛ o ma bua nya ngɛ Babilonia zugba a nɔ, kɛ nike níhi nɛ Israel ma a, kɛ osɔfo ɔmɛ wo si kaa a ma ha kɛ je a tsui mi faa a; nɛ o ngɔ lɛ tsuo kɛ ya Mawu we ɔ nɛ ngɛ Yerusalem ɔ.

Ezra 3:5

A sãã bɔ pɔtɛɛ nɛ ɔmɛ hulɔ: sami bɔhi nɛ a sãã nyami be kaa Nyɔhiɔhe nyami be mi, bɔhi nɛ a sãã daa ke ma a ba bua a he nya nɛ a ma ja Yawɛ kikɛ nɛ ɔ, kɛ bɔhi tsuo nɛ nihi jeɔ a tsui mi faa nɛ a kɛ ba haa Yawɛ.

Ezra 1:4

Mawu ma mi bi ɔmɛ nɛ a nuu kɛ ho ma se ya a, he tsuaa he nɛ a ngɛ ɔ, nihi nɛ kɛ mɛ ngɛ lejɛ ɔ nɛ a ha mɛ yemi kɛ buami nɛ a ngɛ hlae. A ha mɛ sika hiɔ, sika tsu, tlomi, lohwe, kɛ jehanɛ níhi nɛ a je tsui mi faa ba ke kɛ ha Mawu we ɔ ngɛ Yerusalem.”

Kronika I, 26:17

Daa ligbi ɔ, buli ekpa ya buu agbo ɔ nɛ ngɛ beleku je ɔ nya; ni eywiɛ ya buu omleyi je nɔ́ ɔ nya, nɛ ni eywiɛ hu ya buu leneyi je nɔ́ ɔ nya. Buli eywiɛ ya buu nito he ɔmɛ daa ligbi; ni enyɔ buu kake he, nɛ ni enyɔ hu buu kake he.

Kronika I, 26:14

Nɛ́ a fɔ sɔ ɔ, a kɛ agbo ɔ nɛ ngɛ beleku je ɔ ha Shelamia, nɛ a kɛ omleyi je nɔ́ ɔ ha e bi Zakaria. Zakaria nɛ ɔ, a tsɔɔ kaa e woɔ ga kpakpa.

Kronika I, 26:12

A dla Yawɛ we ɔ buli ɔmɛ kɛ wo kuuhi a mi ngɛ a weku ɔmɛ a nya, nɛ a tsuɔ ní ngɛ Yawɛ we ɔ kaa bɔ nɛ Levi bi kpa amɛ peeɔ ɔ.

Mose V, 16:10

nɛ nyɛɛ ye Ngmakpami nyami be ɔ kɛ wo Yawɛ, nyɛ Mawu ɔ hɛ mi nyami. Nyɛɛ ngɔ nyɛ suɔmi nya nike ní, ngɛ bɔ nɛ Mawu gbaa nyɛ nɛ nyɛ na a nya kɛ ba sã bɔ ha Yawɛ, nyɛ Mawu ɔ.

Mose V, 12:17

Nyɛ ko ye níhi nɛ nyɛ kɛ ke Yawɛ, nyɛ Mawu ɔ ekoeko ngɛ nyɛ hi he ɔmɛ, nyɛ blɛfo mi dlami nyɔngmanyɔngma mi kakaaka a jio, nyɛ wai jio, nyɛ oliv nu jio, loo nyɛ na amɛ kɛ to ɔmɛ a kekleekle bi ɔmɛ eko jio, nike níhi nɛ nyɛ wo si kaa nyɛɛ kɛ ma ha Yawɛ ɔ eko jio, nɔ́ nɛ je nyɛ tsui mi faa jio, loo bɔ kpa komɛ jio.

Mose V, 12:6

Nyɛ ya sã nyɛ sami bɔ ɔmɛ, bɔ kpa amɛ, nyɛ níhi a mi dlami nyɔngmanyɔngma mi kakaaka amɛ, kɛ nyɛ bɔ ɔmɛ tsuo ngɛ lejɛ ɔ. Nike ní nɛ nyɛ wo si ke nyɛ ma ha Yawɛ, kɛ nike ní nɛ je nyɛ tsui mi faa, nyɛ na amɛ, kɛ nyɛ to ɔmɛ a kekleekle bi ɔmɛ hu nyɛɛ ngɔ kɛ ya lejɛ ɔ.

Mose IV, 29:39

“Mlaahi nɛ a wo nɛ kɔɔ sami bɔ, ngma bɔ, wai bɔ, kɛ tue mi jɔmi bɔ nɛ nyɛɛ sã ha Yawɛ ngɛ nyɛ nyami be ɔmɛ a mi he ji nɛ ɔmɛ nɛ. Slo enɛ ɔmɛ ngɛ si womi bɔhi, kɛ bɔhi nɛ nyɛ sãã kɛ jeɔ nyɛ tsui mi faa a a he.”

Mose III, 27:28

Nɔ́ tsuaa nɔ́ nɛ ngɛ nɔ ko dɛ, nɛ a je he gbi kaa a kpata e hɛ mi kɛ ha Yawɛ ɔ, nɔmlɔ jio, lohwe nane eywiɛtsɛ jio, aloo gbosi ní kaa zugba a peeɔ klɔuklɔu kɛ ha Yawɛ; a ko jua, nɛ a ko kpɔ hulɔ.

Mose III, 23:38

Nyami be nɛ ɔmɛ piɛ Yawɛ daa Hejɔɔmi ligbi ɔ he. Nike ní, kɛ bɔhi nɛ a maa sã kɛ piɛ nyɛ bɔhi nɛ nyɛ wo he si ɔ, kɛ bɔhi nɛ je tsui mi faa a a he ɔ, nyɛɛ sã mɛ tsuo pɛpɛɛpɛ kɛ ha Yawɛ.

Mose III, 22:18

e de Aaron, kɛ e binyumu ɔmɛ, kɛ Israel ma a tsuo ke, “Ke Israel fɔfɔɛ, loo nubwɔ ko nɛ ngɛ nyɛ kpɛti maa sã sami bɔ ha imi Yawɛ ɔ, bɔ nɛ e wo he si jio, bɔ nɛ je tsui mi faa jio,

Mose III, 2:10

Nɔ́ nɛ maa piɛ ngɛ se ɔ peeɔ osɔfo Aaron kɛ e bimɛ ɔmɛ a nɔ́; ejakaa bɔhi nɛ a kɛ la sãã ha Yawɛ ɔ mi nɔ́ klɔuklɔu pe kulaa ji lɔ ɔ nɛ.

Mose I, 46:17

Asher kɛ e binyumu ɔmɛ: Imna, Ishva, Ishvi, Beria, kɛ a nyɛmiyo Sera. Beria binyumuhi ji Heber kɛ Malkiel.

Kronika II, 31:13

A he piɛli ji ni nyɔngma nɛ ɔmɛ: Yehiel, Azazia, Nahat, Asahel, Yerimot, Yozabad, Eliel, Ismakia, Mahat, kɛ Benaya. Matsɛ Hezekia, kɛ osɔfo nɔkɔtɔma pe kulaa Azaria ji ni nɛmɛ nɛ to kikɛmɛ a blɔ nya nɛ ɔmɛ tsuo.

Kronika II, 31:15

Ngɛ ma kpa amɛ a mi hehi nɛ osɔfo ɔmɛ ngɛ ɔ, nihi nɛ piɛ Kore he kɛ dla ní ɔmɛ pɛpɛɛpɛ ji nɛ ɔmɛ nɛ: Eden, Miniamin, Yeshua, Shemaya, Amaria, kɛ Shekania. A dla niye ní ɔ fiee kɛ ha a nyɛmimɛ Levi bi ɔmɛ ngɛ a ní tsumi nya,