Kronika II, 31:1 - BAIBLO ALOO NGMAMI KLƆUKLƆU Ɔ

¹ Benɛ a ye nyami be ɔmɛ ta a, Israel bi tsuo nɛ ba lejɛ ɔ pue nɔ kɛ ho Yuda ma amɛ a mi ya. A gbɛ jami he ɔmɛ; a ku amagahi nɛ a puɛ kɛ ha yo mawu ɔ nɛ a tsɛɛ Ashera a ngɔ pue si, nɛ a ywia bɔ sami la tɛ ɔmɛ, kɛ jami he ɔmɛ ngɛ Yuda ma amɛ tsuo a mi. A tsu kikɛmɛ a ní nɛ ɔ nɔuu ngɛ Benyamin, Efraim, kɛ Manase zugba amɛ a nɔ, loko a kpale kɛ ho a wehi a mi ya ngɛ a mahi a mi.

Kronika II, 31:1 ပူးပေါင်းရင်းမြစ်များ

Matsɛmɛ II, 18:4

E gbɛ jami he ɔmɛ, nɛ e ywia amaga a nɛ a puɛ kɛ ha yo mawu ɔ nɛ a tsɛɛ Ashera a, kɛ amaga kpa amɛ tsuo. Akɔblee sinɔ ɔ nɛ Mose pee, nɛ a tsɛɛ lɛ Nehushtan ɔ, lɔ ɔ hu e ywia lɛ tsɔkɔtsɔkɔ; ejakaa kɛ ba si jamɛ a be ɔ mi ɔ, Israel bi ɔmɛ jɔɔ we tsopa kɛ e he via sami kɛ ha akɔblee sinɔ ɔ.

Kronika II, 32:12

Anɛ pi Hezekia nɛ ɔ nɔuu nɛ ku Yawɛ jami he ɔmɛ, kɛ bɔ sami la tɛ ɔmɛ ngɔ pue si, nɛ pee se ɔ, e de Yuda bi ɔmɛ, kɛ Yerusalem bi ɔmɛ ke a ja Yawɛ, nɛ a sã tsopa kɛ e he via ha lɛ ngɛ bɔ sami la tɛ kake pɛ nɔ lo?

Ester 4:16

“Yaa bua Yuda bi ɔmɛ tsuo nɛ ngɛ Susa ma a mi ɔ a nya, nɛ nyɛɛ ha hwɔ ha mi. Nyɛ ko ye ní, nɛ nyɛ ko nu nyu hulɔ nyɔ kɛ pia ligbi etɛ. Imi nitsɛ, kɛ ye mawa amɛ hu wa maa pee ja. Lɔ ɔ se ɔ, ma ya matsɛ ɔ ngɔ. E ngɛ mi kaa mlaa a nya a, i be jamɛ a he blɔ ɔ lɛɛ, se ke e hia kaa ma gbo ngɛ enɛ ɔ mi ɔ, ma gbo.”

Kronika II, 23:17

Lɔ ɔ se ɔ, ma mi bi ɔmɛ tsuo ya sɛ Baal jami he ɔ, nɛ a gbɛ lɛ kɛ pue si. A ku bɔ sami la tɛ ɔmɛ, kɛ amaga amɛ dukuduku, nɛ a gbe Baal osɔfo ɔ nɛ a tsɛɛ lɛ Matan ɔ ngɛ bɔ sami la tɛ ɔmɛ a hɛ mi.

Kronika II, 14:3

E jé ma se bɔ sami la tɛ ɔmɛ. E gbɛ jami he ɔmɛ; e ku amaga amɛ, kɛ amaga a nɛ a puɛ ha yo mawu ɔ nɛ a tsɛɛ Ashera a.

Matsɛmɛ II, 17:2

E pee yayami kɛ si Yawɛ, se e yayami ɔ sui Israel matsɛmɛ ɔmɛ nɛ nyɛɛ e hɛ mi ɔ a nɔ́ ɔ.

Mose V, 7:5

Bɔ nɛ nyɛɛ pee mohu ji kaa nyɛɛ ku a bɔ sami la tɛ ɔmɛ; nyɛɛ ywia mɛ dukuduku, nɛ nyɛɛ ywia a yo mawu nɛ a tsɛɛ Ashera a we amaga a, nɛ nyɛɛ sã wɔ ɔmɛ.

Mose II, 23:24

Ko kpla si ha a mawu ɔmɛ; ko ja mɛ, nɛ a jami kusumi ní ɔmɛ hu koo pee. Se mohu, o ywia a mawu ɔmɛ, nɛ o ku a wɔ titima amɛ dukuduku kɛ pue si.

Mose I, 19:15

Makɛ ɔ, bɔfo ɔmɛ kɛ he hiami de Lot ke, “Tee si esɔ, nɛ o kɛ o yo ɔ, kɛ o biyihi enyɔ ɔmɛ nyɛɛ je hiɛ ɔ; ke nyɛ pee we ja, nɛ a gbla ma a tue ɔ, nyɛ hu nyɛ hɛ mi ma kpata.”

Mose II, 34:13

Dɛbi, nyɛɛ hule a bɔ sami la tɛ ɔmɛ; nyɛɛ gbɛ a wɔ piɛ ɔmɛ, nɛ nyɛɛ ywia a yo wɔ ɔ nɛ a tsɛɛ lɛ Ashera a we amaga amɛ.

Matsɛmɛ II, 18:22

Asiria asafoatsɛ ɔ ya nɔ nɛ e de ke, “Aloo o ma de mi ke o ngɔ o hɛ ngɔ fɔ Yawɛ, o Mawu ɔ nɔ? Anɛ pi Yawɛ jami he ɔmɛ, kɛ bɔ sami la tɛ ɔmɛ nɛ Hezekia ywia, benɛ e de Yuda kɛ Yerusalem ke a ya ja Mawu ngɛ bɔ sami la tɛ ɔ nɛ ngɛ Yerusalem ɔ pɛ e hɛ mi ɔ lo?

Kronika II, 33:3

Jami hehi nɛ e tsɛ Hezekia gbɛ ɔ, e kpale po mɛ ekohu. E ma bɔ sami la tɛhi kɛ ha Baal, nɛ e pee amagahi kɛ ha yo mawu ɔ nɛ a tsɛɛ Ashera a. E ja dodoehi hulɔ.

Kronika II, 14:2

E ní peepee sa Yawɛ, e Mawu ɔ hɛ mi; e pee nɔ́ nɛ da, kɛ nɔ́ nɛ hi.

Yesaya 17:8

Jehanɛ lɛɛ bɔ sami la tɛhi nɛ mɛ nitsɛmɛ a puɛ ɔ, a be mɛ bue hu. Níhi nɛ a kɛ a nine pee, amagahi nɛ a puɛ ha yo mawu nɛ a tsɛɛ Ashera a, kɛ la tɛhi nɛ a sãã tsopa kɛ e he via ngɛ a nɔ ɔ, a be mɛ hu bue.