Kronika II, 30:9 - BAIBLO ALOO NGMAMI KLƆUKLƆU Ɔ

⁹ Ke nyɛ kpale kɛ ba Yawɛ ngɔ ɔ, nyɛ nyɛmimɛ ɔmɛ, kɛ nyɛ bimɛ ɔmɛ a ní maa pee nihi nɛ ba nuu mɛ nyɔguɛ kɛ ho ɔ mɔbɔ. A maa ngmɛɛ a he, nɛ a maa kpale kɛ ba we ekohu. Yawɛ, nyɛ Mawu ɔ mi mi jɔ, nɛ e naa mɔbɔ. Ke nyɛ kpale kɛ ba e ngɔ ɔ, e ma he nyɛ atuu.”

Kronika II, 30:9 ပူးပေါင်းရင်းမြစ်များ

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

Mika 7:18

Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.

La 106:46

E ha nɛ a ní pee nihi tsuo nɛ nuu mɛ nyɔguɛ ɔ mɔbɔ.

La 86:5

Nyɔmtsɛ, o hi, nɛ o kɛ yayami paa nɔ. Nɔ tsuaa nɔ nɛ faa kue kɛ haa mo ɔ, o naa lɛ mɔbɔ.

Matsɛmɛ I, 8:50

Ngɔɔ a he yayami ɔmɛ tsuo, kɛ o hɛ mi atuã nɛ a tsɔ ɔ ngɔ pa mɛ, nɛ o ha ni nɛmɛ nɛ ba nuu mɛ nyɔguɛ ɔ nɛ a na mɛ mɔbɔ.

Nehemia 9:17

A kplɛɛ we nɛ a bu mo tue; a hɛ je níhi tsuo nɛ o pee ɔ a nɔ, nyakpɛ níhi tsuo nɛ o pee ha mɛ ɔ, a hɛ je nɔ. Ngɛ a he nɔ womi ɔ mi ɔ, a hla hɛ mi nyɛɛlɔ konɛ e kpale mɛ kɛ ya Egipt nyɔguɛ yemi ɔ mi. Se moo lɛɛ Mawu nɛ ngɔɔ tɔmi ngɔ paa ji mo; dloolɔ kɛ mɔbɔ nalɔ ji mo, nɛ o mi mi fu we mla. O mɔbɔ nami ɔ kle; o kua we o ma a.

Yona 4:2

Lɔ ɔ he ɔ, e kɛ hɛdɔ fa kue ha Yawɛ nɛ e de ke, “Yawɛ, benɛ i na we ma je ye zugba a nɔ lokoo ɔ, enɛ ɔ nɛ i na nɛ i de ɔ nɛ. Enɛ ɔ he je nɛ i tu fo kɛ ho Spania ya a nɛ. Ejakaa mo Mawu ɔ, i le kaa o mi mi jɔ, o naa mɔbɔ, o toɔ o tsui si, o suɔmi tsakee we; nɛ o kɛ nɔ he yayami paa nɔ.

Yeremia 18:17

Kaa bɔ nɛ ahlabata kɔɔhiɔ muɔɔ bunyuku ɔ, jã pɛ ma gbɛ ye ma a ngɔ fĩa ngɛ a he nyɛli ɔmɛ a hɛ mi. Ke haomi ba a nɔ ɔ, ma plɛ ye se ngɔ wo mɛ; i be yee kɛ bua mɛ.”

Abɛ Womi 28:13

Nɔ nɛ laa e yayamihi a nɔ ɔ, e yɛ nɔ. Se nɔ nɛ jajeɔ e he yayami, nɛ e kpaa yayami peemi ɔ, a maa na lɛ mɔbɔ.

La 111:4

Yawɛ haa nɛ a kaiɔ e nyakpɛ ní tsumi ɔmɛ. E mi mi jɔ, nɛ e naa mɔbɔ.

La 86:15

Se mo Nyɔmtsɛ ɔ, Mawu mɔbɔ nalɔ, kɛ Mawu nɛ suɔ nɔ ji mo. O toɔ o tsui si ha wɔ; o dlooɔ nɔ, nɛ o yeɔ nɔ anɔkuale daa.

Nehemia 9:31

O kua we mɛ; o na mɛ mɔbɔ, nɛ o kpataa we a hɛ mi hulɔ. Ejakaa Mawu mɔbɔ nalɔ kɛ dloolɔ ji mo!

Kronika II, 15:2

nɛ e ho nɛ e kɛ Asa ya kpe, nɛ e de lɛ ke, “Matsɛ Asa, kɛ Yuda, kɛ Benyamin bi tsuo, nyɛɛ bu mi tue! Be abɔ nɛ nyɛ pɛtɛ Yawɛ he nɛ ɔ, lɛ hu e kɛ nyɛ ngɛ. Ke nyɛ hla e se blɔ ɔ, e ma ha nɛ nyɛɛ na lɛ. Se ke nyɛ kpale ngɛ e se ɔ, lɛ hu e ma kua nyɛ.

Kronika II, 7:14

nɛ a pia a he, nɛ a fa kue ha mi, nɛ a kpa yayami ɔ nɛ a ngɛ pee ɔ, ma nu a kue fami ɔ ngɛ hiɔwe. Kɛkɛ ɔ, ma ngɔ a yayami ɔmɛ ngɔ pa mɛ, nɛ ma ha kplɔkɔtɔ maa ba a zugba a nɔ ekohu.

Mose V, 4:31

Akɛnɛ Yawɛ, nyɛ Mawu ɔ, mɔbɔ nalɔ ji lɛ he je ɔ, e be nyɛ kuae, nɛ e be nyɛ hɛ mi kpatae; e hɛ be somi nɛ e kɛ nyɛ nɛmɛ ɔmɛ so ɔ nɔ jee.

Mose V, 30:1

“Jehanɛ, i ngɔ gbaami kɛ gbiɛmi ngɔ pue nyɛ hɛ mi, nɛ́ nyɛɛ hla mi nɔ́ nɛ nyɛ suɔ. Ke ní nɛ ɔmɛ tsuo ba nyɛ nɔ, nɛ nyɛ ya je ma je li a kpɛti, he nɛ Yawɛ, nyɛ Mawu ɔ gbɛ nyɛ ngɔ fĩa a, nyɛ ma kai níhi nɛ i ngɔ pue nyɛ hɛ mi ɔ.