Kronika II, 30:8 - BAIBLO ALOO NGMAMI KLƆUKLƆU Ɔ

⁸ Nyɛ ko wa tue kaa bɔ nɛ nyɛ nɛmɛ ɔmɛ pee ɔ; mohu ɔ, nyɛɛ bu Yawɛ tue. Nyɛɛ ba Yawɛ we ɔ ngɛ Yerusalem, we nɛ e pee klɔuklɔu kɛ yaa neneene ɔ. Nyɛ ba ja lɛ ngɛ lejɛ ɔ, konɛ e mi mi nɛ fu nyɛ wawɛɛ ɔ se nɛ po.

Kronika II, 30:8 ပူးပေါင်းရင်းမြစ်များ

Matsɛmɛ II, 23:26

Se kɛ̃ ɔ, Yawɛ mi mi fu Yuda wawɛɛ nitsɛ ngɛ níhi nɛ Manase pee ɔ a he; nɛ kɛ ba si jamɛ a be ɔ, e mi mi fumi ɔ nya bɛ si.

Kronika I, 29:24

Ma nikɔtɔma a mɛ, ta buli ɔmɛ tsuo, kɛ Matsɛ David nitsɛ bimɛ ɔmɛ tsuo wo si kaa a kɛ Matsɛ Salomo maa hi si saminya.

Kronika II, 28:11

Tse nyɛ ngɛ tue bue! Nimli nɛ ɔmɛ nɛ nyɛ ya nuu mɛ nyɔguɛ ɔ, nyɛ nitsɛmɛ nyɛ nyɛmimɛ ji mɛ. Nyɛɛ ngmɛɛ a he nɛ a ho; ke pi ja a, Yawɛ kɛ mi mi la maa gbla nyɛ tue.”

Kronika II, 28:13

A de ta buli ɔmɛ ke, “Nyɛ ko ngɔ ta nyɔguɛ ɔmɛ kɛ ba hiɛ ɔ! Wɔ nitsɛmɛ hu wa pee yayami kɛ si Yawɛ; wa wo e mi mi la, nɛ tue gblami fɔɔ si ha wɔ momo. Jehanɛ, nyɛ pa ngɛ pee konɛ wa yayami ɔ nɛ hiɛ kɛ be nɔ!”

Kronika II, 29:10

“Amlɔ nɛ ɔ, i to ye yi mi kaa i kɛ Yawɛ, Israel Mawu ɔ maa so, konɛ e mi mi nɛ fu wɔ wawɛɛ ɔ se nɛ po.

Kronika II, 36:13

Babilonia matsɛ, Nebukadnezar nɛ ha Zedekia kɛ Mawu biɛ ka lɛ kita ke e maa bu lɛ ɔ, lɛ hu Zedekia tsɔ atuã kɛ wo lɛ. Zedekia wa tue; e tsakee we e tsui, nɛ e kpale we kɛ ba nyɛɛ Yawɛ, Israel Mawu ɔ se.

Kronika II, 6:5

‘Kɛ je be nɛ i jé ye ma Israel kɛ je Egipt ɔ, i hla we ma ko ma ko kɛ ji Israel wɛtso ko mi nɛ a po we ha mi, nɛ a ja mi ngɛ lejɛ ɔ; nɛ i hla we nɔ ko nɔ ko nɛ ba ye ganɔ ngɛ ye ma Israel ɔ nɔ.

Kronika II, 6:6

Se jehanɛ lɛɛ i hla Yerusalem, konɛ a ja mi ngɛ lejɛ ɔ; i hla mo David hulɔ, nɛ o ye ye ma Israel ɔ nɔ.’ ”

Kronika II, 7:16

ejakaa imi lɛ i hla we nɛ ɔ, nɛ i tsukɔ he, konɛ a ja mi ngɛ hiɛ ɔ kɛ ya neneene. Ma hyɛ we ɔ nɔ, nɛ ma bu he daa.

Ezra 10:14

Ha nɛ wa ma tsɔli ɔmɛ nɛ a da ma a tsuo nane mi ngɛ Yerusalem hiɛmɛ nɛ ɔ. Nɔ tsuaa nɔ nɛ ngɔ ma se yo ɔ, ha nɛ e ba hiɛ ɔ be nɛ a maa to lɛ ɔ. E kɛ e ma mi he nɛ e je ɔ ma nimeli, kɛ kojoli nɛ ba. A pee enɛ ɔ hluu kɛ yaa si Mawu mi mi fumi nɛ nya wa ngɛ sane nɛ ɔ he je ɔ se maa po ngɛ wa nɔ.”

Ezra 10:19

A wo si ke a maa ngmɛɛ a yi ɔmɛ a he; nɛ a ngɔ agbosu kake kɛ sã bɔ, konɛ a ngɔ a he yayami ɔmɛ kɛ pa mɛ.

La 63:2

Lɔ ɔ he i ngɛ mo blɔ hyɛe ngɛ he klɔuklɔu ɔ, kaa ma na o he wami ɔ, kɛ o hɛ mi nyami ɔ!

La 68:24

Mawu, ni ɔmɛ tsuo na bɔ nɛ o je kpo kɛ agbo jemi. Ye Mawu, kɛ ye matsɛ, a na bɔ nɛ a to kɛ nyɛɛ o se yuu kɛ ba o we klɔuklɔu ɔ.

La 68:31

Ha nɛ a ngɔ akɔblee kɛ je Egipt kɛ ba, nɛ Sudan bi a he nɛ sɔ kɛ wo a nine nɔ kɛ ha mo Mawu.

La 73:17

Kɛkɛ nɛ i ya mo Mawu ɔ, o we klɔuklɔu ɔ, nɛ i ya na bɔ nɛ yayami peeli a nyagbe maa ba ha ngɛ lejɛ ɔ.

La 78:49

E mi mi fu mɛ wawɛɛ nitsɛ; nɛ abofu nɛ ɔ ngɔ haomi babauu kɛ ba a nɔ kaa Mawu bɔfohi kpataa nɔ hɛ mi.

Mose II, 32:9

Yawɛ ya nɔ nɛ e de Mose ke, “I kpa si nɛ i na kaa ma nɛ ɔ ji nimli komɛ nɛ a kuɛ wa saminya!

Yeremia 50:15

Nyɛ he ose kɛ wo ma a he! Jehanɛ lɛɛ Babilon ha yi. Ma a sisi tomi ɔmɛ, kɛ e gbogbo ɔmɛ ku kɛ pueɔ si. I ngɛ Babilonia bi ɔmɛ a tue gblae. Lɔ ɔ he ɔ, nyɛ hu nyɛɛ ye nyɛ nitsɛmɛ nyɛ he lue; bɔ nɛ a pee ni komɛ ɔ, nyɛ hu nyɛɛ pee mɛ kɛ to nane mi.

Mateo 4:10

Kɛkɛ nɛ Yesu de lɛ ke, “Satan, jee hiɛmɛ nɛ ɔ! Ngmami ɔ ke, ‘Ja Nyɔmtsɛ o Mawu ɔ, nɛ o sɔmɔ lɛ pɛ!’ ”

Yohane 12:26

Ke nɔ ko suɔ kaa e ma sɔmɔ mi ɔ, e nyɛɛ ye se, kɛkɛ ɔ, i kɛ ye tsɔlɔ ɔ maa hi he kake. Nɔ tsuaa nɔ nɛ ma sɔmɔ mi ɔ, Tsaatsɛ maa wo e hɛ mi nyami.”

Romabi 10:21

Se Israel lɛɛ Yesaya de ngɛ e he ke, “Daa nɛ ɔ, i gbɛ ye gugue mi nɛ ma he nyɛ atuu; Ma tue gboli nɛ a tsui kplii!”

Romabi 6:22

Se jehanɛ lɛɛ Mawu kpɔ nyɛ kɛ je yayami dɛ mi, nɛ nyɛ ba pee e nyɔguɛhi. Lɔ ɔ he ɔ, nyɛ ba pee nihi nɛ a he tsɔ, nɛ neneene wami fɔɔ si ha nyɛ.

Mose V, 10:16

Lɔ ɔ he ɔ, kɛ je mwɔnɛ ɔ kɛ yaa a, nyɛɛ bu Yawɛ tue, nɛ nyɛ ko wa tue hu.

Mose V, 6:13

Nyɛɛ ye Yawɛ, nyɛ Mawu ɔ gbeye; nyɛ ja lɛ pɛ; nɛ e biɛ nyɛ kɛ ka kita.

Mose V, 6:17

Mlaa amɛ tsuo nɛ a ha nyɛ ɔ, nyɛɛ hyɛ nɛ nyɛɛ ye a nɔ pɛpɛɛpɛ.

Yoshua 24:15

Ke nyɛ sume kaa nyɛ ma sɔmɔ lɛ ɔ, nyɛɛ tsɔɔ mwɔnɛ nɛ ɔ nɔ nɛ nyɛ ma sɔmɔ; ke mawu ɔmɛ nɛ nyɛ nɛmɛ ɔmɛ ja ngɛ Mesopotamia a jio, loo Amor bi ɔmɛ nɛ nyɛ ngɛ a zugba a nɔ ɔ a mawu ɔmɛ jio. Se imi kɛ ye we ɔ lɛɛ, wa ma sɔmɔ Yawɛ.”

Kpojemi 7:15

Enɛ ɔ he je nɛ a ngɛ Mawu matsɛ sɛ ɔ hɛ mi, nɛ a jaa lɛ nyɔ kɛ pia ngɛ e sɔlemi we ɔ nɛ. Nɔ nɛ hii si ngɛ matsɛ sɛ ɔ nɔ ɔ maa baa a yi.