Kronika II, 30:6 - BAIBLO ALOO NGMAMI KLƆUKLƆU Ɔ

⁶ Tsɔli ɔmɛ ngɔ matsɛ ɔ, kɛ ganɔ ɔmɛ a sɛ gbi ɔ kɛ ya kpa Israel kɛ Yuda tsuo, nɛ a de ke, “Israel ma! Asiria bi ba tua nyɛ, nɛ nyɛ je a dɛ mi. Lɔ ɔ he ɔ, nyɛɛ kpale kɛ ba Yawɛ, Abraham, Isak, kɛ Yakob a Mawu ɔ ngɔ, konɛ lɛ hu e kpale nɛ e he nyɛ.

Kronika II, 30:6 ပူးပေါင်းရင်းမြစ်များ

Yeremia 51:31

Tsɔli babauu ngɛ fo nɔ kɛ yaa nɛ a ya bɔ Babilonia matsɛ ɔ amaniɛ ke he nyɛli ba ngɔ e ma a tsuo.

Yeremia 4:1

Yawɛ ke, “Israel bi, ke nyɛ suɔ kaa nyɛ maa kpale kɛ ba ye ngɔ ɔ, nyɛɛ ba! Ke nyɛ ma je amaga amɛ nɛ i hiee ɔ kɛ je ye hɛ mi,

Ester 8:14

Kaa bɔ nɛ matsɛ ɔ fa a, tsɔli nɛ a he sɔɔ kuɔ okpɔngɔhi esɔesɔ kɛ ho ma amɛ a nɔ ya. A fiɛ mlaa nɛ ɔ ngɛ matsɛ ma Susa a hulɔ.

Matsɛmɛ II, 15:29

Israel matsɛ, Peka yi nɔ ɔ, Asiria matsɛ, Tiglat Pileser ba ngɔ Iyon, Abel Bet Maaka, Yanoa, Kedesh, Hazor, Gilead, kɛ Galilea-Naftali zugba a tsuo; nɛ e ngɔ nimli nɛ ɔmɛ nyɔguɛ kɛ ho Asiria ya.

Matsɛmɛ II, 15:19

Asiria matsɛ, Tiglat Pileser ba tua Israel; nɛ Menahem ha lɛ sika hiɔ kilo akpe nyingmi etɛ kɛ eywiɛ, bɔ nɛ pee nɛ Tiglat Pileser nɛ e piɛ e he, nɛ e matsɛ yemi ɔ nɛ da si.

Hiob 9:25

Ye ligbi ɔmɛ ngɛ bee mlamlaamla; a he ngɛ sɔe kulaa pe nɔ ko nɛ ngɛ fo tue. Se nɔ́ kpakpa ko be a mi.

Kronika II, 28:20

Se benɛ Asiria matsɛ, Tiglat Pileser ba a, e ba piɛ we Matsɛ Ahaz he; e ba hao lɛ mohu.

Kronika I, 5:26

Enɛ ɔ he je ɔ, Israel Mawu ɔ ha nɛ Asiria matsɛ, Pul (nɛ e biɛ kpa ji Tiglat Pileser a) ba tua a ma a. Tiglat Pileser nuu Ruben, Gad, kɛ Manase wɛtso fa a mi bi ɔmɛ kɛ ya to Hala, Habor, Hara, kɛ Gozan pa a nya. Nɛ lejɛ ɔ ji he nɛ a ngɛ kɛ ba si mwɔnɛ ɔ.

Yakobo 4:8

Nyɛɛ hɛ nyɛ kɛ su Mawu he, nɛ e maa hɛ lɛ kɛ su nyɛ he. Yayami peeli, nyɛ fɔ nyɛ dɛ! Nyɛ yi mi enyɔɔnyɔtsɛmɛ, nyɛ tsake nyɛ tsui.

Hosea 14:1

Israel ma, nyɛɛ kpale kɛ ba Yawɛ, nyɛ Mawu ɔ ngɔ. Nyɛ yayami ɔmɛ ha nɛ nyɛ pee kaa ni komɛ nɛ tɛ nɔ́ nɛ a nɔɔ si.

Ezekiel 33:11

De mɛ ke imi Nyɔmtsɛ Yawɛ, i ngɛ ye he kita kae ke i na we yayami peelɔ gbenɔ he bua jɔmi, se mohu i suɔ kaa e kpa yayami peemi, konɛ e yi nɛ na wami. Israel, nyɛ kpa yayami nɛ nyɛ ngɛ pee ɔ. Mɛni he je nyɛ suɔ mohu kaa nyɛ ma gbo ɔ?

Kɔmɔ Yemi 5:21

Yawɛ, moo kpale wɔ kɛ ba o ngɔ ekohu! Yawɛ, kpale wɔ kɛ da wa da he ekohu! Ngɔɔ wa blema hɛ mi nyami ɔ kɛ ha wɔ ekohu.

Yesaya 6:13

Ke nɔ kake pɛ nɛ maa piɛ ngɛ ni nyɔngma mi po, lɛ hu a ma kpata e hɛ mi; e maa pee kaa tso ngua ko nɛ a po, nɛ e piɛ tso kpɔ ɔ kɛkɛ.” (Tso kpɔ nɛ ɔ daa si ha Mawu ma he ɔ sisi jemi.)

Yesaya 1:9

Kaa Yawɛ Tabohiatsɛ ɔ ha we nɛ wa ti ni komɛ a yi nɛ na wami ɔ, wa ko pee kaa Sodom kɛ Gomora.

Ester 3:13

Tsɔli nɛ a he sɔɔ saminya ngɔ womi nɛ ɔmɛ kɛ ya he tsuaa he ngɛ e nɔ yemi he ɔ. Bɔ nɛ a ngma ngɛ womi ɔmɛ a mi ji nɛ ɔ nɛ: nyɔhiɔ nɛ a tsɛɛ ke Adar a we ligbi nyɔngma kɛ etɛne ɔ, jamɛ a ligbi ɔ nɔ tutuutu ɔ, á kpata Yuda bi tsuo pɛpɛɛpɛ a hɛ mi; jokuɛwi, nikɔtɔmahi, nyumuhi, kɛ yihi. Á kɛ yi mi wami nɛ kpata mɛ tsuo a hɛ mi, nɛ́ a ha a níhi.

Yeremia 29:1

I ngma womi kɛ mane osɔfo ɔmɛ, gbali ɔmɛ, ma nikɔtɔma amɛ, kɛ ma a tsuo nɛ Babilonia matsɛ, Nebukadnezar ngɔ kɛ je Yerusalem kɛ ho Babilonia ya a.

Matsɛmɛ I, 18:36

Gbɔkuɛ bɔ sami be ɔ, gbalɔ Eliya hɛ lɛ kɛ ba bɔ sami la tɛ ɔ he, nɛ e sɔle ke, “Yawɛ, Abraham, Isak, kɛ Yakob a Mawu lee, ha nɛ a le mwɔnɛ ɔ kaa mo ji Israel Mawu, nɛ o tsɔlɔ ji mi, nɛ i pee ní nɛ ɔmɛ tsuo ngɛ o fami nya.

Kronika I, 29:18

Yawɛ, wa nɛmɛ Abraham, Isak, kɛ Yakob a Mawu lee, ha nɛ suɔmi nɛ o ma a ngɛ kɛ ha mo ɔ nɛ tsa nɔ; ha nɛ a bu mo tue kɛ ya neneene.

Yeremia 3:14

“Atuã tsɔli! Nyɛɛ kpale kɛ ba ye ngɔ koo; ye ma ji nyɛ. Ma ngɔ nyɛ kɛ ba Zion yo ɔ nɔ ekohu: ma tsuaa ma a, ma ngɔ nɔ kake, nɛ we puɔ nya tsuaa we puɔ nya a, ma ngɔ ni enyɔ.

Kɔmɔ Yemi 3:40

Nyɛ ha nɛ waa hyɛ wa je mi bami mi saminya, nɛ waa kpale kɛ ba Yawɛ ngɔ.

Hosea 6:1

Ma a ma de ke, “Nyɛ ha nɛ waa kpale kɛ ba Yawɛ ngɔ! E tsɔtslɔɔ wa mi, se e ma tsa wɔ kɛ̃. E plaa wɔ, se lɛ nɔuu lɛ e maa fi pa amɛ a nɔ ha wɔ!

Zakaria 1:3

se jehanɛ lɛɛ i ngɛ nyɛ dee ke, nyɛɛ kpale kɛ ba ye ngɔ, nɛ imi hu ma ná nyɛ he tsui ekohu.

Zakaria 1:4

Nyɛ ko pee kaa nyɛ nɛmɛ ɔmɛ. Blema lokoo nɛ gbali ɔmɛ ngɔ ye sɛ gbi ngɔ ha mɛ ke a kpa yayami peemi, nɛ́ a ba a je mi bɔ nɛ sa; se a bui mi tue fɛɛ, nɛ a yi ye munyu ɔmɛ a nɔ hulɔ.