Kronika II, 30:5 - BAIBLO ALOO NGMAMI KLƆUKLƆU Ɔ

⁵ Lɔ ɔ he ɔ, a to kaa á ya kpee Israel bi ɔmɛ tsuo kɛ ba Yerusalem, konɛ a ba ye Hetsɔmi ɔ kaa bɔ nɛ mlaa a tsɔɔ ɔ. Á je Dan ngɛ omleyi je, kɛ Beersheba ngɛ leneyi je kɛ ba, nɛ a he nɛ hiɛ babauu pe bɔ nɛ a baa daa a.

Kronika II, 30:5 ပူးပေါင်းရင်းမြစ်များ

Manyadali 20:1

Israel ma kpekpemi ɔ tsuo hia, nɛ a ba bua a he nya ngɛ Yawɛ hɛ mi ngɛ Mizpa. A je Dan kɛ ya si Beersheba, kɛ Gilead zugba a hu nɔ.

1 Korintobi 11:2

I ngɛ nyɛ yi jee, ejakaa nyɛ kaiɔ ye ní peepee, kɛ níhi nɛ i tsɔɔ nyɛ ɔ daa. Tsɔɔmihi nɛ i na kɛ je nihi a dɛ, nɛ imi hu i ngɔ kɛ ha nyɛ ɔ, nyɛ pɛtɛ he.

Daniel 6:8

Lɔ ɔ he ɔ, nɛnɛ, moo ngma mlaa nɛ ɔ, nɛ o ngɔ o nine kɛ wo sisi. Kɛkɛ ɔ, e pee mlaa, Media bi kɛ Persia bi a mlaa nɛ nɔ ko be nyɛe ma tsake.”

Kronika II, 36:22

Benɛ Sirus ngɛ matsɛ yee ngɛ Persia a, jamɛ a kekleekle jeha a mi ɔ, Yawɛ ha nɛ nɔ́ ko nɛ e de to kɛ gu gbalɔ Yeremia nɔ ɔ ba mi. Yawɛ ha nɛ Sirus wo mlaa nɛ ɔ, nɛ a ngma ngɔ wo womi mi, nɛ e tsɔ ke a ya kane ngɛ e nɔ yemi he ɔmɛ tsuo, konɛ nɔ tsuaa nɔ nɛ nu. E ke,

Kronika II, 35:18

Kɛ je gbalɔ Samuel be ɔ mi ɔ, a yi Hetsɔmi ko hyɛ nɛ sɔ kaa nɔ́ nɛ a ye nɛ ɔ. Jehanɛ se hu, Israel matsɛmɛ ɔmɛ a ti nɔ ko yi Hetsɔmi ko hyɛ nɛ sɔ kaa Hetsɔmi nɛ Matsɛ Yosia, osɔfo ɔmɛ, Levi bi ɔmɛ, Yuda ma a tsuo, Israel bi nɛ ba lejɛ ɔ, kɛ Yerusalem ma mi bi ɔmɛ ye nɛ ɔ.

Kronika II, 24:9

A fiɛ kɛ kpa Yerusalem, kɛ Yuda ma amɛ tsuo a mi ke, tó ɔ nɛ Mawu tsɔlɔ Mose tsu ngɛ nga a nɔ ɔ, nɔ tsuaa nɔ nɛ ngɔ e nɔ́ kɛ ba ha Yawɛ.

Mose V, 12:32

“Nyɛɛ hyɛ saminya nɛ nyɛɛ ye mlaa amɛ tsuo nɛ i ngɛ nyɛ woe nɛ ɔ a nɔ fitsofitso. Nyɛ ko je nɔ́ ko kɛ je mi ɔ, nyɛ ko ngɔ nɔ́ ko nɔ́ ko kɛ piɛ he hulɔ.

Mose III, 23:4

Nyɛɛ fiɛ nyami ligbi nɛ ɔmɛ ngɛ a be ɔmɛ a mi pɛpɛɛpɛ kɛ ha ma a.

Mose I, 21:14

E nɔ jena mɔtu kpla a, Abraham ha Hagar niye ní, kɛ lohwe he womi tɔ nɛ nyu hyi lɛ. E ngɔ jokuɛ nyumuyo ɔ kɛ wo Hagar se mi, nɛ e wo lɛ blɔ. Hagar je lejɛ ɔ, nɛ e ya wo lalaalo ngɛ Beersheba nga a nɔ.

Kronika II, 30:4

Blɔ nya tomi nɛ ɔ sa matsɛ ɔ, kɛ ma a tsuo a hɛ mi.