Kronika II, 30:27 - BAIBLO ALOO NGMAMI KLƆUKLƆU Ɔ

²⁷ Nyagbe ɔ, osɔfo ɔmɛ, kɛ Levi bi ɔmɛ te si nɛ a ba Yawɛ gbaami kɛ pue ma a nɔ. Mawu nu a kue fami ɔmɛ ngɛ e hi he ɔ ngɛ hiɔwe, nɛ e bu mɛ tue.

Kronika II, 30:27 ပူးပေါင်းရင်းမြစ်များ

La 68:5

Awusahi a tsɛ, kɛ yalɔyihi a he bulɔ ɔ, lɛ ji Mawu nɛ ngɛ e he klɔuklɔu ɔ nɛ.

Mose V, 26:15

Moo je o hi he klɔuklɔu ngɛ hiɔwe ɔ nɛ o hyɛ, nɛ o gbaa o ma Israel. Moo gbaa zugba nɛ hi, nɛ baa ní saminya, nɛ o ngɔ ha wɔ nɛ ɔ nɔ kaa bɔ nɛ o wo wa nɛmɛ ɔmɛ si ɔ.’

Kronika II, 23:18

Yehoyada ngɔ Yawɛ we ɔ ní tsumi ɔ ngɔ wo osɔfo ɔmɛ, kɛ Levi bi ɔmɛ a dɛ mi, konɛ a tsu ní ɔ kaa bɔ nɛ Matsɛ David dla ní tsumi ɔ ngɔ ha mɛ ɔ. Mɛ lɛ a maa sã bɔ ɔmɛ kɛ ha Yawɛ kaa bɔ nɛ a ngma ngɛ Mose mlaa a mi ɔ. Mɛ kɛ̃ ji ni nɛmɛ nɛ maa hyɛ lami, kɛ nyami blɔ nya tomi ɔmɛ a nɔ.

Ni Tsumi 10:4

Kornelio hyɛ lɛ too; gbeye nu lɛ, nɛ e bi ke, “Nyɔmtsɛ, mɛni sane?” Bɔfo ɔ de lɛ ke, “Kue nɛ o ngɛ fae, kɛ kpakpa nɛ o ngɛ pee ɔ, Mawu na he bua jɔmi.

Yesaya 66:1

Bɔ nɛ Yawɛ ngɛ dee ji nɛ ɔ nɛ: “Hiɔwe ji ye matsɛ sɛ, nɛ zugba ji nɔ́ nɛ i kɛ ye nane maa nɔ. Mɛni tsu nyɛ maa ma ha mi mɔ, nɛ jije ye he jɔɔmi he ngɛ?

Yesaya 63:15

Yawɛ, moo hyɛ wɔ kɛ je hiɔwe ngɛ o hi he klɔuklɔu he nɛ hɛ mi nyami bɔle mo ngɛ ɔ. O hɛdɔ, kɛ o he wami kpetekpleenyɛ ɔ, jije e ngɛ? O tsui mi sami, kɛ suɔmi babauu ɔ hu a se po.

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

Matsɛmɛ I, 8:39

moo nu a pɛɛ kpami ɔ. Moo bu mɛ tue ngɛ o hi he ɔ ngɛ hiɔwe; ngɔɔ a he yayami ɔmɛ ngɔ pa mɛ, nɛ o ye kɛ bua mɛ. Mo pɛ lɛ o le nɔmlɔ adesa tsui mi. Moo pee nɔ tsuaa nɔ hiami ní ha lɛ,

Matsɛmɛ I, 8:30

Ke o tsɔlɔ, aloo o ma, Israel ba hiɛmɛ nɛ ɔ ba kpa pɛɛ ɔ, o nu ngɛ o hi he ɔ ngɛ hiɔwe, nɛ o ngɔ pa wɔ.

Mose V, 10:8

Benɛ a ngɛ yoku ɔ he ɔ, Yawɛ hla Levi wɛtso ɔ mi nyumuhi, konɛ a hyɛ somi daka a nɔ, nɛ a sɔmɔ kaa osɔfohi, nɛ́ a ngɔ Yawɛ biɛ kɛ gbaa ma a. A blɔ nya ní tsumihi ji enɛ ɔmɛ kɛ mwɔɔ.

Yona 2:7

Benɛ ye mumi ngɛ ye mi jee ɔ, i fa kue ha mo Yawɛ ngɛ o we klɔuklɔu ɔ, nɛ o bu mi tue.

Mose II, 39:43

Mose ya nɛ e ya hyɛ nɔ́ tsuaa nɔ́, nɛ e na kaa a tsu ní ɔ pɛpɛɛpɛ kaa bɔ nɛ Yawɛ fa lɛ ɔ. Nɛ Mose gbaa mɛ.

Kronika II, 6:21

Ke imi, o tsɔlɔ ɔ, aloo o ma Israel ba hiɛmɛ nɛ ɔ ba fa kue ha mo ɔ, o nu ngɛ o hi he ɔ ngɛ hiɔwe, nɛ o ngɔ wa he yayami ngɔ pa wɔ.