Kronika II, 30:26 - BAIBLO ALOO NGMAMI KLƆUKLƆU Ɔ

²⁶ Yerusalem ma a mi pee hoo kɛ nyami sɔuu, ejakaa kɛ je Matsɛ Salomo, David binyumu ɔ yi nɔ ɔ, nɔ́ ko kaa kikɛ nɛ ɔ bɛ hyɛ.

Kronika II, 30:26 ပူးပေါင်းရင်းမြစ်များ

Kronika II, 30:27

Nyagbe ɔ, osɔfo ɔmɛ, kɛ Levi bi ɔmɛ te si nɛ a ba Yawɛ gbaami kɛ pue ma a nɔ. Mawu nu a kue fami ɔmɛ ngɛ e hi he ɔ ngɛ hiɔwe, nɛ e bu mɛ tue.

Kronika II, 29:30

Matsɛ ɔ, kɛ ganɔ ɔmɛ fa Levi bi ɔmɛ ke, yi jemi lahi nɛ David, kɛ gbalɔ Asaf po ɔ, a la jamɛ a la amɛ kɛ je Yawɛ yi. Lɔ ɔ he ɔ, be mi nɛ a kpla si nɛ a ngɛ Mawu jae ɔ, nɔ tsuaa nɔ la kɛ bua jɔmi.

Kronika II, 35:18

Kɛ je gbalɔ Samuel be ɔ mi ɔ, a yi Hetsɔmi ko hyɛ nɛ sɔ kaa nɔ́ nɛ a ye nɛ ɔ. Jehanɛ se hu, Israel matsɛmɛ ɔmɛ a ti nɔ ko yi Hetsɔmi ko hyɛ nɛ sɔ kaa Hetsɔmi nɛ Matsɛ Yosia, osɔfo ɔmɛ, Levi bi ɔmɛ, Yuda ma a tsuo, Israel bi nɛ ba lejɛ ɔ, kɛ Yerusalem ma mi bi ɔmɛ ye nɛ ɔ.

Nehemia 8:17

Ni ɔmɛ nɛ kpale kɛ je ma se kɛ ba a tsuo ma gbahi nɛ a hi a sisi. Kɛ je Nun bi Yoshua yi nɔ kɛ ba su jamɛ a be ɔ, a pee we nɔ́ nɛ ɔ eko hyɛ; enɛ ɔ ji kekleekle gbahi, nɛ a ma. Lɔ ɔ he ɔ, mɛ tsuo a nɔ gbagba te, nɛ a bua jɔ wawɛɛ.