Kronika II, 30:19 - BAIBLO ALOO NGMAMI KLƆUKLƆU Ɔ

¹⁹ “Yawɛ, wa nɛmɛ a Mawu nɛ o naa mɔbɔ lee! Nihi tsuo nɛ a ngɛ mo jae kɛ a tsui tsuo, se kɛ̃ ɔ a he tsɔ we ɔ, ngɔɔ a he yayami ɔmɛ kɛ pa mɛ.”

Kronika II, 30:19 ပူးပေါင်းရင်းမြစ်များ

Kronika II, 19:3

Se kɛ̃ ɔ, su kpakpa komɛ ngɛ o mi; o je yo mawu Ashera amaga amɛ tsuo kɛ je zugba a nɔ, nɛ o bɔ mɔde kaa o maa pee Mawu suɔmi nya ní.”

Abɛ Womi 23:26

Ye bi, bu mi tue saminya; ha nɛ ye je mi bami nɛ pee nɔhyɛ nɔ́ ha mo!

La 10:17

Yawɛ, hiami níhi nɛ nɔ́ nali kɛ ba fɔ o hɛ mi ɔ, o le. Moo pee a hiami ní ɔmɛ ha mɛ, konɛ a ná he wami he.

Hiob 11:13

Hiob, tsake o tsui, nɛ o bua o nine nya nɛ o fa kue ha Mawu.

Ezra 7:10

Ezra ngɔ e wami tsuo ngɔ ha kaa e maa kase Yawɛ mlaa a nɛ e tsu he ní. E suɔ hu kaa e maa tsɔɔ Israel ma a Mawu mlaa a, kɛ blɔ nya tomi ɔmɛ tsuo.

Kronika II, 20:33

Se kɛ̃ ɔ, e hule we jami he ɔmɛ, nɛ ma a kpale we nɛ a ba nyɛɛ Yawɛ, a nɛmɛ a Mawu ɔ se kɛ a tsui tsuo.

Kronika I, 29:18

Yawɛ, wa nɛmɛ Abraham, Isak, kɛ Yakob a Mawu lee, ha nɛ suɔmi nɛ o ma a ngɛ kɛ ha mo ɔ nɛ tsa nɔ; ha nɛ a bu mo tue kɛ ya neneene.

Samuel I, 7:3

Samuel de Israel bi ɔmɛ ke, “Ke nyɛ maa kpale ba nyɛɛ Yawɛ se niinɛ kɛ nyɛ tsui tsuo ɔ, lɛɛ nyɛ je ma se mawu ɔmɛ, kɛ yo wɔ Ashtarot ɔ kɛ je nyɛ kpɛti. Nyɛ dla nyɛ tsui mi kɛ ha Yawɛ, nɛ nyɛ sɔmɔ lɛ nɔ kake too, nɛ e ma je nyɛ kɛ je Filisti bi ɔmɛ a dɛ mi.”

Mose IV, 9:6

Se ni komɛ ngɛ a kpɛti nɛ a ble a he, ejakaa a ta nɔ gbogboe he; lɔ ɔ he ɔ, mɛɛ a nyɛ we nɛ a ye Hetsɔmi ɔ jamɛ a ligbi ɔ. Kikɛmɛ a nimli nɛ ɔmɛ ba Mose kɛ Aaron a ngɔ jamɛ a ligbi ɔ nɔuu,

Mose III, 12:4

Lɔ ɔ se ɔ, bi nyɛ ɔ he be tsɔe kɛ yaa si ligbi nyingmi etɛ kɛ etɛ se loko e he ma tsɔ. Be nɛ ɔ mi tsuo ɔ, e ko ta nɔ́ ko nɛ ngɛ klɔuklɔu he, nɛ e ko ya he klɔuklɔu ɔ hulɔ, kɛ yaa si be nɛ e maa tsukɔ e he kɛ gbe nya, ngɛ muɔ nɛ be ngɛ e he ɔ he.

Mose I, 1:21

Kɛkɛ nɛ Mawu bɔ wo mi lohwe nguanguahi, pa mi lo munomunohi, kɛ lohwe pɛlitsɛ slɔɔtoslɔɔtohi. Mawu na ní nɛ ɔmɛ, nɛ a muɔ e hɛ.

Ezra 6:21

Nihi nɛ ye ní nɛ ɔ ji Israel bi tsuo nɛ kpale kɛ je ma se kɛ ba a, kɛ nihi tsuo nɛ kpa wɔ jami, kɛ lejɛ ɔ zugba a mi bi ɔmɛ a kusumi yayami ɔmɛ, nɛ́ ba, konɛ a ba ja Yawɛ, Israel Mawu ɔ.