Kronika II, 30:18 - BAIBLO ALOO NGMAMI KLƆUKLƆU Ɔ

¹⁸ Ní nɛ ɔmɛ a se ɔ, nihi nɛ je Efraim, Manase, Isakar, kɛ Zebulun wɛtso ɔmɛ a mi kɛ ba a, a ti nihi babauu ji ni nɛmɛ nɛ na we nɛ a tsukɔ a he. Lɔ ɔ he ɔ, Hetsɔmi ɔ nɛ a ye ɔ, mɛɛ a yi lɛ kaa bɔ nɛ a to ke a ye ɔ. Hezekia sɔle kɛ ha jamɛatsɛmɛ ɔmɛ, nɛ e de ke,

Kronika II, 30:18 ပူးပေါင်းရင်းမြစ်များ

Mose I, 20:17

Nɔ́ nɛ Abimelek pee Abraham yo Sara a he je ɔ, Yawɛ tsi yihi tsuo nɛ ngɛ matsɛ we ɔ mi ɔ a fɔmi nya. Lɔ ɔ he ɔ, Abraham kpa pɛɛ ha Abimelek, nɛ Mawu tsa lɛ. Jehanɛ hu, Mawu tsa Abimelek yo ɔ kɛ nyɔguɛ yi ɔmɛ, nɛ a fɔ bimɛ.

Mose I, 20:7

Se jehanɛ lɛɛ, ngɔɔ yo ɔ kɛ ya ha e huno. E huno ɔ, gbalɔ ji lɛ; e ma kpa pɛɛ ha mo, konɛ o ko gbo. Se ke o kpale we yo ɔ kɛ ya ha we e huno ɔ, lɛɛ i ngɛ mo dee ke, o kɛ o weku li tsuo nyɛ ma gbo!”

Matsɛmɛ II, 5:18

Lɔ ɔ he ɔ, i heɔ yeɔ kaa ke i nyɛɛ ye nyɔmtsɛ matsɛ se kɛ ya Siria mawu ɔ nɛ a tsɛɛ Rimon ɔ we ɔ, nɛ i ya ja lɛ ɔ, Yawɛ kɛ nɔ́ nɛ ɔ maa pa mi. Niinɛ, Yawɛ kɛ maa pa mi.”

Kronika II, 30:11

Se kɛ̃ ɔ, Asher, Manase, kɛ Zebulun bi ɔmɛ a ti nihi bɔɔ ba a he si, nɛ a kplɛɛ kaa a maa ba Yerusalem.

Kronika II, 30:25

Nɔ tsuaa nɔ bua jɔ e he; Yuda bi ɔmɛ, osɔfo ɔmɛ, Levi bi ɔmɛ, nihi nɛ je omleyi je kɛ ba a, kɛ nibwɔhi nɛ ngɛ Israel kɛ Yuda a.

Kronika II, 34:9

Shafan, Maaseya, kɛ Yoa ngɔ sika nɛ nihi kɛ ba Mawu we ɔ ya ha osɔfo nɔkɔtɔma pe kulaa a nɛ a tsɛɛ Hilkia a. Sika nɛ ɔ ji sika nɛ Levi bi nɛ tsuɔ ní ngɛ Yawɛ we ɔ agbo ɔ nya a bua nya ngɛ wɛtso nɛ ɔmɛ a mi ɔ a dɛ: Manase, Efraim, Israel ma nɛ piɛ ɔ, Yuda, Benyamin, kɛ Yerusalem ma mi bi ɔmɛ.

Kronika II, 6:21

Ke imi, o tsɔlɔ ɔ, aloo o ma Israel ba hiɛmɛ nɛ ɔ ba fa kue ha mo ɔ, o nu ngɛ o hi he ɔ ngɛ hiɔwe, nɛ o ngɔ wa he yayami ngɔ pa wɔ.

La 119:68

O hi, nɛ o peeɔ kpakpa saminya! Moo tsɔɔ mi o mlaa amɛ.

La 25:8

Akɛnɛ Yawɛ hi, nɛ e da he je ɔ, e tsɔɔ yayami peeli blɔ nɛ sa kaa a nyɛɛ nɔ.

La 36:5

Yawɛ, o suɔmi nɛ be nyagbe ɔ kle agbo kaa hiɔwe ɔ tsuo. O we anɔkuale yemi ɔ ya suu bɔku ɔmɛ a he tɔɔ.

La 86:5

Nyɔmtsɛ, o hi, nɛ o kɛ yayami paa nɔ. Nɔ tsuaa nɔ nɛ faa kue kɛ haa mo ɔ, o naa lɛ mɔbɔ.

Daniel 9:19

Nyɔmtsɛ, bu wɔ tue! Nyɔmtsɛ, ngɔɔ kɛ pa wɔ! Nyɔmtsɛ, moo bu wɔ tue, nɛ o pee he nɔ́ ko ha wɔ! Koo to tsle, bɔ nɛ pee nɛ nɔ tsuaa nɔ nɛ le kaa Mawu ji mo! O ma a kɛ e mi bi ɔmɛ ɔ, o níhi ji mɛ.”

Mose III, 10:20

Benɛ Mose nu munyu nɛ ɔ, munyu ɔ da ha lɛ.

Mose IV, 19:20

“Nɔmlɔ nɛ ble e he, se e julaa we e he ɔ, mu ngɛ e he, nɛ e he tsɔ we; ejakaa a kɛ nyu nɛ a kɛ fɔɔ nɔ he yayami ɔ pue we e nɔ. Ke e ba mi ja a, nɔ ɔ ble Yawɛ kpe he ɔ. A ma je lɛ we, nɛ a be lɛ bue ngɔ si Mawu ma mi bi ɔmɛ a nɔ hu.

Mose IV, 9:7

nɛ a ba de ke, “E ngɛ mi kaa wa ya ta nɔ gbogboe he nɛ wa he tsɔ we, se mɛni he je nɛ a tsiɔ wa nya kaa wɔɔ lɛɛ wa ko piɛ Israel bi kpa amɛ a he, nɛ́ waa ngɔ wa nike ní kɛ ba ha Yawɛ ngɛ be nɛ a to ɔ mi?”

1 Korintobi 11:28

Nɔ tsuaa nɔ nɛ hyɛ e tsui mi kekle loko e ye abolo ɔ, nɛ e nu wai nɛ ngɛ kplu ɔ mi ɔ.

1 Yohane 5:16

Ke o na o nyɛmi nɛ ngɛ yayami pee, nɛ pi yayami nɔ́ nɛ ma ha nɛ e hɛ mi nɛ kpata a, moo fa kue ha Mawu, konɛ e ha lɛ wami. Nihi tsuo nɛ peeɔ yayami nɔ́ nɛ ha we nɛ nɔ hɛ mi kpataa a, enɛ ɔ kɔɔ a he. Se yayami ngɛ nɛ haa nɔ hɛ mi kpataa, nɛ lɔ ɔ lɛɛ i de we ke nyɛɛ fa kue ha Mawu ngɛ he.