Kronika II, 30:11 - BAIBLO ALOO NGMAMI KLƆUKLƆU Ɔ

¹¹ Se kɛ̃ ɔ, Asher, Manase, kɛ Zebulun bi ɔmɛ a ti nihi bɔɔ ba a he si, nɛ a kplɛɛ kaa a maa ba Yerusalem.

Kronika II, 30:11 ပူးပေါင်းရင်းမြစ်များ

Kronika I, 9:3

Yuda bi ɔmɛ, Benyamin bi ɔmɛ, Efraim bi ɔmɛ, kɛ Manase bi ɔmɛ ya hi Yerusalem.

Kronika II, 11:16

Kɛ je Israel wɛtso ɔmɛ tsuo a mi ɔ, nihi nɛ suɔ kaa a ma ja Yawɛ, Israel Mawu ɔ kɛ a tsui tsuo ɔ, nyɛɛ Levi bi ɔmɛ a se kɛ ba Yerusalem. A ba Yerusalem konɛ a ba sã bɔ ha Yawɛ, a nɛmɛ a Mawu ɔ.

Kronika II, 12:12

Akɛnɛ Rehoboam ba e he si he je ɔ, Yawɛ mi mi fumi ɔ tsuo bɛ e nɔ, nɛ a kpataa we e hɛ mi pɛsɛpɛsɛ. Niinɛ, pee se ɔ, níhi a mi ba hi ha Yuda ekohu.

Kronika II, 30:18

Ní nɛ ɔmɛ a se ɔ, nihi nɛ je Efraim, Manase, Isakar, kɛ Zebulun wɛtso ɔmɛ a mi kɛ ba a, a ti nihi babauu ji ni nɛmɛ nɛ na we nɛ a tsukɔ a he. Lɔ ɔ he ɔ, Hetsɔmi ɔ nɛ a ye ɔ, mɛɛ a yi lɛ kaa bɔ nɛ a to ke a ye ɔ. Hezekia sɔle kɛ ha jamɛatsɛmɛ ɔmɛ, nɛ e de ke,

Kronika II, 30:21

Israel bi nɛ bua a he nya ngɛ Yerusalem ɔ ye Abolokplolo nyami be ɔ ligbi kpaago sɔuu kɛ bua jɔmi nɛ nya wa. Daa ligbi ɔ, Levi bi ɔmɛ, kɛ osɔfo ɔmɛ fiaa kpa saku, nɛ a laa kɛ jeɔ Yawɛ yi kɛ a tsui tsuo.

Kronika II, 30:25

Nɔ tsuaa nɔ bua jɔ e he; Yuda bi ɔmɛ, osɔfo ɔmɛ, Levi bi ɔmɛ, nihi nɛ je omleyi je kɛ ba a, kɛ nibwɔhi nɛ ngɛ Israel kɛ Yuda a.

Kronika II, 33:12

Benɛ e ngɛ haomi mi ɔ, e ba e he si, nɛ e fa kue ha Yawɛ, e nɛmɛ a Mawu ɔ.

Kronika II, 33:19

A ngma Manase he ní nɛ ɔmɛ hu ngɛ Gbali ɔmɛ a Blema Sanehi Womi ɔ mi: kue nɛ Manase fa, kɛ bɔ nɛ Mawu bu lɛ tue ha, yayamihi nɛ e pee loko e ba tsake e tsui, jami hehi nɛ e po, yo mawu ɔ nɛ a tsɛɛ Ashera a we amagahi nɛ e puɛ, kɛ amagahi nɛ e ja.

Kronika II, 33:23

Se Amon bɛ e he si, nɛ e kpale we kɛ bɛ Yawɛ ngɔ kaa bɔ nɛ e tsɛ pee ɔ; lɛɛ e pee yayamihi babauu pe e tsɛ ɔ po.

Kronika II, 34:27

nɛ o tsake o tsui, nɛ o ba o he si ngɛ ye hɛ mi. Benɛ o nu bɔ nɛ i to nɛ ma gbla Yerusalem, kɛ Yerusalem ma mi bi ɔmɛ a tue ha a, o hía o he tade ɔmɛ, nɛ o wo ya. I nu o kue fami ɔ.

Mose II, 10:3

Mose kɛ Aaron ho Farao ɔ ngɔ ya, nɛ a ya de lɛ ke, “Bɔ nɛ Yawɛ, Hebri bi ɔmɛ a Mawu ɔ de ji nɛ ɔ nɛ: ‘Mɛni be o ma kua o he si bami ha mi kɛ yaa si? Ha ye ma a nɛ ya nɛ a ya ja mi.

Daniel 5:22

“Nɛ mo Belshazar, Nebukadnezar bi, o le ní nɛ ɔmɛ tsuo; se kɛ̃ ɔ, o bɛ o he si.

Mose III, 26:41

nɛ lɔ ɔ he nɛ imi hu i je a se, nɛ i ngmɛɛ a he kɛ ha a he nyɛli, nɛ a kɛ mɛ ho ma se ya a nɛ. Se ke jehanɛ lɛɛ nyɛ nina tsake a tsui, nɛ a ba a he si, nɛ a kpa yayami peemi ɔ,

Luka 14:11

Ejakaa nɔ tsuaa nɔ nɛ woɔ e he nɔ ɔ, a maa ba lɛ si, nɛ nɔ nɛ baa e he si ɔ, a ma wo e nɔ.”

Luka 18:14

I ngɛ nyɛ dee ke, nyumu nɛ ɔ kpale e se kɛ ho we mi ya kaa nɔ nɛ pee nɔ́ nɛ sa Mawu hɛ mi pe Farisi no ɔ. Ejakaa nɔ tsuaa nɔ nɛ woɔ e he nɔ ɔ, a maa ba lɛ si; se nɔ nɛ baa e he si ɔ, a ma wo e nɔ.”

Ni Tsumi 17:34

Se nyumu komɛ he ye. A ti nɔ kake ji Dionisio; ma kpe ngua a nɛ a tsɛɛ Areopago ɔ mi no ji lɛ. Yo ko nɛ a tsɛɛ lɛ Damari, kɛ ni kpa komɛ hu he ye.

Yakobo 4:10

Nyɛɛ ba nyɛ he si ngɛ Nyɔmtsɛ ɔ hɛ mi, nɛ e ma wo nyɛ nɔ.

1 Petro 5:6

Lɔ ɔ he ɔ, nyɛɛ ba nyɛ he si ha Mawu, nɔ nɛ he wa, nɛ e buu nyɛ he ɔ. Kɛkɛ ɔ, ke e su be nɛ lɛ nitsɛ e to ɔ, e ma wo nyɛ nɔ.