Kronika II, 3:14 - BAIBLO ALOO NGMAMI KLƆUKLƆU Ɔ

¹⁴ A kɛ kpa bluu, kpa he jua wawɛ nɛ hɛɛ alamua tu su, kpa tsu, kɛ kploba kpɛ tsu mi pomi bo nɛ a lo kerubhi kɛ wo mi ha he klɔuklɔu pe kulaa a.

Kronika II, 3:14 ပူးပေါင်းရင်းမြစ်များ

Hebribi 9:3

A tsɛɛ tsu mi pomi bo enyɔne ɔ se bo tsu ɔ he klɔuklɔu pe kulaa.

Hebribi 10:20

Yesu gu tsu mi pomi bo nɛ ji lɛ nitsɛ e nɔmlɔ tso ɔ mi nɛ e bli blɔ he nɛ yaa wami mi ha wɔ.

Mateo 27:51

Tlukaa a, tsu mi pomi bo nɛ ngɛ sɔlemi we ɔ mi gba enyɔ kɛ je hiɔwe kɛ ba ma si. Zugba mimiɛ, nɛ tɛ sahi a mi gba,

Mose IV, 4:5

“Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ya sɛ bo tsu ɔ mi, nɛ a je tsu mi pomi bo ɔ nɛ ngɛ somi daka a nɛ somi womi ɔ ngɛ mi ɔ hɛ mi ɔ kɛ ha daka a he.

Mose II, 38:18

Piɛ ɔ nya bo ɔ, a ngɔ kpa bluu, kpa nɛ hɛɛ alamua tu su, kpa tsu, kɛ kpa hiɔ kpakpa nɛ a tslɔ kɛ kadi ní saminyayoo ngɔ wo mi. E kami ji nine mi blimi nyingmi eywiɛ, nɛ e blimi ji nine mi blimi nyɔngma, kaa piɛ ɔ he bo ɔmɛ pɛpɛɛpɛ.