Kronika II, 3:1 - BAIBLO ALOO NGMAMI KLƆUKLƆU Ɔ

¹ Jehanɛ, Salomo je Yawɛ we ɔ mami sisi ngɛ Yerusalem, ngɛ Moria yo ɔ nɔ, he nɛ Yawɛ je e he kpo ngɔ tsɔɔ e tsɛ David ngɛ ɔ. Lejɛ ɔ ji Yebus no ɔ nɛ a tsɛɛ lɛ Arauna a ngma mi sami he. Matsɛ David ji nɔ nɛ hla lejɛ ɔ kɛ to kɛ ha we ɔ pomi.

Kronika II, 3:1 ပူးပေါင်းရင်းမြစ်များ

Kronika I, 21:18

Enɛ ɔ se ɔ, Yawɛ bɔfo ɔ de Gad ke e fa David nɛ e ya ma bɔ sami la tɛ ha Yawɛ ngɛ Arauna ngma mi sami he ɔ.

Mose I, 22:14

Abraham wo lejɛ ɔ biɛ ke, “Yawɛ ha.” Lɔ ɔ he ɔ, kɛ ba si mwɔnɛ ligbi nɛ ɔ, nihi deɔ ke, “Yawɛ haa nɔ nɔ́ ngɛ e yo ɔ nɔ.”

Mose I, 22:2

Mawu de lɛ ke, “Ngɔɔ o binyumu Isak, o bi kake too ɔ nɛ o suɔ lɛ saminya a, nɛ o ya Moria zugba a nɔ. Ngɔɔ lɛ kɛ ya sã sami bɔ ha mi ngɛ lejɛ ɔ, ngɛ yo ko nɛ ma tsɔɔ mo ɔ nɔ.”

Kronika I, 22:1

Kɛkɛ nɛ David de ke, “Hiɛmɛ nɛ ɔ nɛ Yawɛ Mawu we ɔ, kɛ bɔ sami la tɛ ɔ nɛ Israel ma a maa sã sami bɔhi ngɛ nɔ ɔ maa hi ɔ nɛ.”

Ni Tsumi 7:47

Se Salomo mohu lɛ ba ma tsu ha lɛ.

Kronika I, 6:10

Azaria (nɔ nɛ ye osɔfo ngɛ sɔlemi we ɔ nɛ Matsɛ Salomo ma ngɛ Yerusalem ɔ),

Kronika II, 3:2

Benɛ Salomo ngɛ tsɛ yee ɔ, jeha eywiɛne ɔ we nyɔhiɔ nɛ ji enyɔ ɔ mi lɛ e bɔni we ɔ mami.

Samuel II, 24:16

Benɛ Mawu bɔfo ɔ maa ho Yerusalem hɛ mi kpatami ya a, Yawɛ tsake e yi mi nɛ e to kaa e maa gbla ni ɔmɛ a tue ɔ, nɛ e de bɔfo ɔ nɛ ngɛ ma a hɛ mi kpatae ɔ ke, “E hiɛ. Mo kpa!” Jamɛ a be ɔ, Yawɛ bɔfo ɔ ngɛ Yebus no, Arauna ngma gbeemi he ɔ kasa nya.