Kronika II, 29:32 - BAIBLO ALOO NGMAMI KLƆUKLƆU Ɔ

³² Lohwehi nɛ ma a kɛ ba nɛ a kɛ sã sami bɔ ha Yawɛ ji nɛ ɔmɛ nɛ: na ku nyingmi kpaago, agbosu lafa, kɛ jijɔ lafa enyɔ.

Kronika II, 29:32 ပူးပေါင်းရင်းမြစ်များ

Ezra 6:17

Benɛ a ngɛ Mawu we ɔ nya blie ɔ, Israel ma a ngɔ na ku lafa, agbosu lafa enyɔ, kɛ jijɔ lafa eywiɛ kɛ ba sã bɔ ha Mawu. A ngɔ akpakpo nyɔngma kɛ enyɔ hu kɛ ba sã yayami pami bɔ ngɛ Israel wɛtso nyɔngma kɛ enyɔ ɔmɛ a nya.

Kronika I, 29:21

E nɔ jena a, a ngɔ na ku akpe, agbosu akpe, kɛ jijɔ akpe kɛ sã sami bɔ ha Yawɛ. A sã bɔ kpahi babauu hulɔ, nɛ a sã wai bɔ kɛ ha Israel ma kpekpemi ɔ tsuo.

Matsɛmɛ I, 3:4

Ligbi ko ɔ, Salomo ya Gibeon, nɛ́ e ya sã bɔ. Gibeon ji he nɛ wɔ piɛ nguaa a ngɛ; nɛ bɔ sami la tɛ ɔ nɛ ngɛ lejɛ ɔ, e nɔ Salomo sã sami bɔ akpe abɔ ngɛ ba be.

Kronika II, 29:31

Hezekia de ma a ke, “Jehanɛ lɛɛ nyɛ pee nyɛ he klɔuklɔu. Lɔ ɔ he ɔ, nyɛɛ ngɔ bɔhi, kɛ sina bɔ ba ha Yawɛ.” A pee ja, nɛ a ti ni komɛ je a tsui mi faa nɛ a ngɔ lohwehi kɛ ba konɛ a kɛ sã sami bɔhi.

Kronika II, 29:33

Enɛ ɔmɛ a se ɔ, a ngɔ na ku lafa ekpa, kɛ jijɔ akpe etɛ kɛ ba kaa bɔhi nɛ a gbaa a nɔ ha ma a nɛ a ye.

Kronika II, 29:35

Ngɛ lohwehi babauu nɛ a ngɔ kɛ ba sã sami bɔ ɔmɛ a se ɔ, a kɛ zɔ ba sã tue mi jɔmi bɔ, nɛ a ngɔ wai bɔhi hu kɛ piɛ sami bɔ ɔmɛ a he. Bɔ nɛ pee nɛ a bɔni Yawɛ jami ngɛ e we ɔ mi ekohu ji nɛ ɔ nɛ.

Mose III, 1:1

Yawɛ tsɛ Mose nɛ e kɛ lɛ tu munyu kɛ je kpe he bo tsu ɔ mi, nɛ e de lɛ ke,

Mose III, 1:3

Ke na nɔ ɔ kɛ ma sami bɔ sami ɔ, é ngɔ na ku nɛ kpa ko be e he kɛ ba. E kɛ na a nɛ ba kpe he bo tsu ɔ sinya a nya, konɛ e sa Yawɛ hɛ mi nɛ e ngɔ.

Kronika II, 30:15

Nyɔhiɔ ɔ ligbi nɛ ji nyɔngma kɛ eywiɛ ɔ, a gbe jijɔ ɔmɛ nɛ a kɛ maa sã Hetsɔmi bɔ ɔ. Osɔfohi kɛ Levi bi nɛ a he tsɔ we ɔ, zo gbe mɛ kpɔtɔɔ. Lɔ ɔ he ɔ, a pee a he klɔuklɔu kɛ ha Yawɛ, nɛ a bɔni sami bɔ sami ngɛ Yawɛ we ɔ.