Kronika II, 29:24 - BAIBLO ALOO NGMAMI KLƆUKLƆU Ɔ

²⁴ Enɛ ɔ se ɔ, osɔfo ɔmɛ gbe to akpakpo ɔmɛ, nɛ a kɛ a muɔ ɔ pue bɔ sami la tɛ ɔ nɔ kaa yayami pami bɔ kɛ ha Israel ma a tsuo; ejakaa matsɛ ɔ fa ke a sã sami bɔ, kɛ yayami pami bɔ kɛ ha Israel tsuo.

Kronika II, 29:24 ပူးပေါင်းရင်းမြစ်များ

Hebribi 2:17

Enɛ ɔ tsɔɔ kaa blɔ tsuaa blɔ nɔ ɔ, e hia kaa Yesu nɛ pee kaa e nyɛmimɛ ɔmɛ. Kɛkɛ ɔ, e maa pee osɔfo nɔkɔtɔma pe kulaa anɔkualetsɛ, kɛ mɔbɔ nalɔ nɛ ngɛ Mawu sɔmɔe, nɛ e kɛ e he nɛ sã kpatami bɔ, konɛ Mawu nɛ ngɔ a he yayamihi kɛ pa mɛ.

Daniel 9:24

“Be nɛ Mawu to nɛ e maa gbla o ma a, kɛ Yerusalem tue kɛ yaa si ji jeha nyingmi kpaago totoe kpaago. Lɔ ɔ se ɔ, atuã tsɔmi, kɛ yayami peemi se maa po. A kɛ a he yayami ɔmɛ maa pa mɛ, nɛ a maa pee nɔ́ nɛ da kɛ maa ya neneene. Jamɛ a be ɔ mi ɔ, nina a, kɛ gbami ɔ maa ba mi, nɛ a maa pee Yawɛ we ɔ klɔuklɔu ekohu.

Ezekiel 45:17

Sami bɔ ɔmɛ, niye ní bɔ ɔmɛ, kɛ wai bɔ ɔmɛ nɛ a kɛ baa Nyɔhiɔhe nyami be, Hejɔɔmi ligbi, kɛ nyami be kpa amɛ tsuo nɛ Israel bi ɔmɛ yeɔ ɔ, ganɔ ɔ blɔ nya ji kaa e ha mɛ. Lɛ nɔuu lɛ e haa bɔ nɛ ɔmɛ nɛ a kɛ peeɔ kusumi kɛ kpataa Yawɛ kɛ haa Israel ma a: yayami pami bɔ, niye ní bɔ, sami bɔ, kɛ tue mi jɔmi bɔ.”

Mose III, 14:20

Osɔfo ɔ nɛ ngɔ sami bɔ ɔ, kɛ niye ní bɔ ɔ, nɛ e sã mɛ ngɛ bɔ sami la tɛ ɔ nɔ. Kusumi nɛ osɔfo ɔ maa pee kɛ kpata Yawɛ ha lɛ ji nɛ ɔ nɛ, kɛkɛ ɔ, e he ma tsɔ.

Mose III, 8:15

Mose gbe lohwe ɔ, nɛ e ngɔ e nine nguɛ kɛ sɔ muɔ ɔ mi, nɛ e kɛ kpa bɔ sami la tɛ ɔ koli ɔmɛ a he. Kɛkɛ nɛ e tsɛ̃ muɔ ɔ kɛ pue bɔ sami la tɛ ɔ sisi. Blɔ nɔ nɛ a gu kɛ tsukɔ bɔ sami la tɛ ɔ he ji nɛ ɔ nɛ.

Mose III, 6:30

Se lohwe nɛ a kɛ maa sã yayami pami bɔ, nɛ a kɛ e muɔ maa ba kpe he bo tsu ɔ mi kɛ ba pee kpatami ngɛ he klɔuklɔu ɔ, a ko ye e lo ɔ; a sã.

Mose III, 1:4

Nɔ ɔ nɛ ngɔ e nine ngɔ fɔ lohwe ɔ yi mi. A maa ngɔ ngɛ nɔ ɔ nane mi kaa bɔ nɛ e kɛ kpata Yawɛ.

Mose III, 9:15

Jehanɛ, e sã bɔ kɛ ha ma a. E nu akpakpo ɔ nɛ a kɛ maa sã yayami pami bɔ kɛ ha ma a, nɛ e gbe lɛ, nɛ e kɛ sã bɔ kaa bɔ nɛ e pee lohwe ɔ nɛ e kɛ sã bɔ kɛ ha lɛ nitsɛ e he yayami pami ɔ.

Kronika II, 30:1

Ma a nyɛ we nɛ a ye Hetsɔmi nyami be ɔ ngɛ e be mi ngɛ kekleekle nyɔhiɔ ɔ mi, ejakaa osɔfo ɔmɛ babauu na we nɛ a pee a he klɔuklɔu jamɛ a be ɔ mi. Jehanɛ hu, nihi babauu na we nɛ a ba Yerusalem. Enɛ ɔ he je ɔ, Matsɛ Hezekia, kɛ e ganɔ ɔmɛ, kɛ Yerusalem bi ɔmɛ kplɛɛ kaa a maa ye Hetsɔmi nyami be ɔ ngɛ nyɔhiɔ nɛ ji enyɔ ɔ mi; nɛ matsɛ ɔ tsɔ ya bɔ Israel kɛ Yuda tsuo amaniɛ. E je blɔ ngma womi ya kpee Efraim kɛ Manase wɛtso ɔmɛ ke a ba Yawɛ we ɔ ngɛ Yerusalem, nɛ a ba ye Hetsɔmi ɔ kɛ wo Yawɛ, Israel Mawu ɔ hɛ mi nyami.

Ezra 6:17

Benɛ a ngɛ Mawu we ɔ nya blie ɔ, Israel ma a ngɔ na ku lafa, agbosu lafa enyɔ, kɛ jijɔ lafa eywiɛ kɛ ba sã bɔ ha Mawu. A ngɔ akpakpo nyɔngma kɛ enyɔ hu kɛ ba sã yayami pami bɔ ngɛ Israel wɛtso nyɔngma kɛ enyɔ ɔmɛ a nya.