Kronika II, 29:22 - BAIBLO ALOO NGMAMI KLƆUKLƆU Ɔ

²² Kekleekle ɔ, osɔfo ɔmɛ gbe na ku ɔmɛ, nɛ a kɛ muɔ ɔ fĩa bɔ sami la tɛ ɔ he. Lɔ ɔ se ɔ, a gbe agbosu ɔmɛ, nɛ a kɛ a muɔ ɔ fĩa bɔ sami la tɛ ɔ he. Jehanɛ, a gbe jijɔ ɔmɛ, nɛ a kɛ a muɔ ɔ fĩa bɔ sami la tɛ ɔ he.

Kronika II, 29:22 ပူးပေါင်းရင်းမြစ်များ

Mose III, 4:18

Jehanɛ, é ngɔ muɔ ɔ eko kɛ kpa la tɛ ɔ nɛ a sãã tsopa kɛ e he via ngɛ nɔ ɔ koli ɔmɛ a he ngɛ kpe he bo tsu ɔ mi. Muɔ nɛ maa piɛ ɔ, é tsɛ̃ kɛ pue bɔ sami la tɛ ɔ nɛ ngɛ kpe he bo tsu ɔ sinya a nya a sisi.

Mose III, 8:24

Jehanɛ Mose ngɔ Aaron binyumu ɔmɛ hu kɛ ba nɛ e kɛ muɔ ɔ eko sa a hiɔ tue nya lo ɔmɛ, a hiɔ nine gɔleku ɔmɛ, kɛ a hiɔ nane gɔleku ɔmɛ hu a he; lɔ ɔ se ɔ, Mose tsɛ̃ muɔ nɛ piɛ ɔ kɛ pue bɔ sami la tɛ ɔ he tsuo kɛ kpe.

Mose III, 8:19

Mose gbe lohwe ɔ, nɛ e tsɛ̃ muɔ ɔ kɛ pue bɔ sami la tɛ ɔ he tsuo kɛ kpe.

Mose III, 4:34

Jehanɛ, osɔfo ɔ nɛ ngɔ e nine nguɛ kɛ sɔ muɔ ɔ mi, nɛ e kɛ kpa la tɛ ɔ nɛ a sãã sami bɔ ngɛ nɔ ɔ koli ɔmɛ a he, nɛ e tsɛ̃ muɔ nɛ piɛ ɔ ngɔ pue bɔ sami la tɛ ɔ sisi.

Mose III, 4:7

Lɔ ɔ se ɔ, e ngɔ muɔ ɔ eko kɛ kpa la tɛ ɔ nɛ a sãã tsopa kɛ e he via ngɛ nɔ ɔ koli ɔmɛ a he ngɛ kpe he bo tsu ɔ mi. É tsɛ̃ muɔ nɛ piɛ ɔ ngɔ pue bɔ sami la tɛ ɔ nɛ ngɛ kpe he bo tsu ɔ sinya nya a sisi.

Mose III, 1:5

Jehanɛ, e gbe na ku ɔ ngɛ Yawɛ hɛ mi, nɛ Aaron binyumu ɔmɛ, nɛ ji osɔfo ɔmɛ kɛ muɔ ɔ nɛ ba; lɔ ɔ se ɔ, a tsɛ̃ muɔ ɔ ngɔ pue bɔ sami la tɛ nɛ ngɛ kpe he bo tsu ɔ sinya a nya a he kɛ kpe.

Kronika II, 35:11

Benɛ a gbe to ɔmɛ ɔ, Levi bi ɔmɛ kpɔ lohwe ɔmɛ a he womi ɔmɛ, nɛ osɔfo ɔmɛ ngɔ muɔ ɔ kɛ fĩa bɔ sami la tɛ ɔ nɔ.