Kronika II, 29:20 - BAIBLO ALOO NGMAMI KLƆUKLƆU Ɔ

²⁰ Kɛkɛ nɛ Matsɛ Hezekia pee esɔ ya kpee ma nimeli ɔmɛ, nɛ e kɛ mɛ tsuo ya sɛ Yawɛ we ɔ mi.

Kronika II, 29:20 ပူးပေါင်းရင်းမြစ်များ

Yeremia 25:4

Daa nɛ ɔ, Yawɛ tsɔɔ e tsɔli gbali ɔmɛ kɛ baa nyɛ ngɔ. Se nyɛ bui mɛ tue, nɛ sɛ gbi nɛ a kɛ ba a hu nyɛ bui.

Yoshua 6:12

E nɔ jena makɛ mla a, Yoshua te si nɛ e kɛ osɔfo ɔmɛ, kɛ tabo ɔ tsuo ya bɔle ma a kaa bɔ nɛ a pee kekleekle ligbi ɔ: hlami ta a hia, nɛ osɔfo ɔmɛ nɛ kpaa titimati ɔmɛ ɔ nyɛɛ se; jehanɛ, osɔfo ɔmɛ nɛ hɛɛ Yawɛ somi daka a ba, nɛ se ta a gbe nya. Benɛ a ngɛ ma a bɔlee ɔ tsuo titimati ɔmɛ ngɛ pɛe.

Mose II, 24:4

Mose ngma níhi tsuo nɛ Yawɛ de lɛ ɔ. E nɔ jena makɛ ɔ, e ya puɛ bɔ sami la tɛ ngɛ yo ɔ sisi, nɛ e ma titima nyɔngma kɛ enyɔ ngɛ Israel wɛtso nyɔngma kɛ enyɔ ɔmɛ a nya.

Mose I, 22:3

Abraham te si mɔtu kpla nɛ e poo lɛ́ nɛ e kɛ maa sã bɔ ɔ. E wo e teji ɔ nɔ ní, nɛ e ngɔ Isak kɛ tsɔli enyɔ ngɔ piɛ e he, nɛ e kɛ mɛ pue blɔ kɛ ho he nɛ Mawu tsɔɔ lɛ ɔ ya.

Kronika II, 29:19

Jehanɛ, ní klɔuklɔuhi tsuo nɛ Matsɛ Ahaz hɛ ngɔ fɔ he benɛ e kpa Yawɛ se nyɛɛmi ɔ, wa bua tsuo nya nɛ wa pee mɛ klɔuklɔu ekohu. Amlɔ nɛ ɔ, ní ɔmɛ pueɔ si ngɛ Yawɛ bɔ sami la tɛ ɔ hɛ mi.”

Kronika II, 29:21

A ngɔ na ku kpaago, agbosu kpaago, jijɔ kpaago, kɛ to akpakpo kpaago kɛ ya sã yayami pami bɔ kɛ ha matsɛ ɔ, Yawɛ we ɔ, kɛ Yuda ma a. Matsɛ ɔ fa osɔfo ɔmɛ, nɛ ji Aaron nina a ke a gbe lohwe ɔmɛ nɛ a kɛ sã bɔ ngɛ Yawɛ bɔ sami la tɛ ɔ nɔ.

Mose I, 21:14

E nɔ jena mɔtu kpla a, Abraham ha Hagar niye ní, kɛ lohwe he womi tɔ nɛ nyu hyi lɛ. E ngɔ jokuɛ nyumuyo ɔ kɛ wo Hagar se mi, nɛ e wo lɛ blɔ. Hagar je lejɛ ɔ, nɛ e ya wo lalaalo ngɛ Beersheba nga a nɔ.

Kronika II, 1:2

Matsɛ Salomo kɛ Israel ma kpekpemi ɔ tsuo tu munyu: asafoatsɛmɛ ɔmɛ nɛ ngɛ nihi akpehi kɛ lafahi a nya a, kojoli, ma nikɔtɔmahi, kɛ we puɔ nya dali ɔmɛ tsuo.