Kronika II, 29:18 - BAIBLO ALOO NGMAMI KLƆUKLƆU Ɔ

¹⁸ Kɛkɛ nɛ Levi bi ɔmɛ ba Matsɛ Hezekia ngɔ, nɛ a ba bɔ lɛ amaniɛ ke, “Wa pee kusumi kɛ tsukɔ Yawɛ we ɔ tsuo gbe nya. La tɛ ɔ nɛ a sãã sami bɔ ngɛ nɔ ɔ, kɛ okplɔɔ ɔ nɛ a kɛ abolo klɔuklɔu ɔ maa nɔ ɔ, kɛ a he ní ɔmɛ tsuo, wa tsukɔ a he.

Kronika II, 29:18 ပူးပေါင်းရင်းမြစ်များ

Kronika II, 13:11

Daa mɔtu kɛ gbɔkuɛ ɔ, a sãã sami bɔhi, kɛ tsopa kɛ e he via kɛ haa Yawɛ. A toɔ abolo klɛdɛɛ ɔ ngɔ fɔɔ okplɔɔ nɛ he tsɔ ko nɔ kɛ maa Yawɛ hɛ mi, nɛ daa gbɔkuɛ ɔ, a suɔ kane ɔmɛ ngɛ sika tsu kane tso ɔmɛ a nɔ. Wɔɔ lɛɛ nɔ́ nɛ Yawɛ, wa Mawu ɔ fa wɔ ke waa pee ɔ, lɔ ɔ wa peeɔ; se nyɛɛ lɛɛ nyɛ kua lɛ.

Kronika II, 4:1

Matsɛ Salomo ha nɛ a pee akɔblee bɔ sami la tɛ; e kami ji gugue enuɔ, e blimi ji gugue enuɔ, nɛ e hiɔwe yami ji gugue enyɔ kɛ fa.

Mateo 12:4

David ya sɛ Mawu we ɔ, nɛ e kɛ e we bi ɔmɛ ye abolo ɔ nɛ a kɛ maa Mawu hɛ mi ɔ. Mlaa a ngmɛ́ blɔ kaa a peeɔ ja; osɔfo ɔmɛ pɛ lɛ a ngɛ he blɔ nɛ a yeɔ jamɛ a abolo ɔ.

Kronika II, 29:17

A je ní tsumi ɔ sisi ngɛ kekleekle nyɔhiɔ ɔ we kekleekle ligbi ɔ nɔ. Ligbi kpaanyɔne ɔ, a ya su kue ɔ nɛ ngɛ Yawɛ we ɔ hɛ mi ɔ he. A tsu ní ligbi kpaanyɔ kɛ piɛ he. Nɛ nyɔhiɔ ɔ we ligbi nɛ ji nyɔngma kɛ ekpa a, a tsukɔ Yawɛ we ɔ tsuo he gbe nya.

Kronika II, 29:19

Jehanɛ, ní klɔuklɔuhi tsuo nɛ Matsɛ Ahaz hɛ ngɔ fɔ he benɛ e kpa Yawɛ se nyɛɛmi ɔ, wa bua tsuo nya nɛ wa pee mɛ klɔuklɔu ekohu. Amlɔ nɛ ɔ, ní ɔmɛ pueɔ si ngɛ Yawɛ bɔ sami la tɛ ɔ hɛ mi.”