Kronika II, 28:8 - BAIBLO ALOO NGMAMI KLƆUKLƆU Ɔ

⁸ Israel bi ɔmɛ nuu a nyɛmimɛ Yuda bi ɔmɛ a ti nihi akpe lafa enyɔ nɛ ji yihi kɛ jokuɛwi sɔuu nyɔguɛ, nɛ a kɛ mɛ ho Samaria ya. A muɔ ta yibu ní babauu hu kɛ ho.

Kronika II, 28:8 ပူးပေါင်းရင်းမြစ်များ

Matsɛmɛ II, 6:22

E he nɔ ke, “Dɛbi! Koo gbe mɛ! Nimli nɛ o ya nuu nyɔguɛ kɛ o klaate kɛ o kɛ̃ɛ̃ po, anɛ o maa gbe mɛ lo? Ha mɛ nɔ́ ko nɛ a ye, nɛ o ha mɛ nyu nɛ a nu, nɛ a kpale kɛ ho a nyɔmtsɛ ɔ ngɔ ya.”

Kronika II, 11:4

‘Bɔ nɛ Yawɛ de ji nɛ ɔ nɛ: nyɛɛ kɛ nyɛ nyɛmimɛ Israel bi ɔmɛ ko hwu ta. Nɔ tsuaa nɔ nɛ kpale kɛ ho e we mi ya; ejakaa nɔ́ nɛ ba nɛ ɔ, ye he ngɛ mi.’ ” A bu Yawɛ tue, nɛ a kpale kɛ ho a wehi a mi ya kaa bɔ nɛ Yawɛ fa mɛ ɔ.

Kronika II, 28:11

Tse nyɛ ngɛ tue bue! Nimli nɛ ɔmɛ nɛ nyɛ ya nuu mɛ nyɔguɛ ɔ, nyɛ nitsɛmɛ nyɛ nyɛmimɛ ji mɛ. Nyɛɛ ngmɛɛ a he nɛ a ho; ke pi ja a, Yawɛ kɛ mi mi la maa gbla nyɛ tue.”

Kronika II, 28:7

Israel ta bulɔ ko nɛ a tsɛɛ lɛ Zikri ɔ gbe Matsɛ Ahaz binyumu Maaseya, matsɛ we nɔ hyɛlɔ ɔ nɛ a tsɛɛ lɛ Azrikam ɔ, kɛ Elkana, matsɛ se yelɔ ɔ.

Yesaya 9:21

Manase bi, kɛ Efraim bi maa hwu ta, nɛ lɔ ɔ se ɔ, a ma bua kɛ wo Yuda he. Enɛ ɔ tsuo se ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Ni Tsumi 13:26

“Ye nyɛmimɛ Abraham nina Israel bi, kɛ nyɛ ma je li nɛ nyɛ jaa Mawu, nɛ nyɛ ba bua nyɛ he nya ngɛ hiɛ ɔ, wɔ a kɛ kikɛmɛ a yi wami hemi munyu nɛ ɔ ba ha.

Ni Tsumi 7:26

E nɔ jena a, e ba na Israel bi enyɔ nɛ a ngɛ kunɔ nɔe. E ya kpata mɛ, nɛ e de ke, ‘Tsaatsɛmɛ, nyɛɛ lɛɛ nyɛmimɛ ji nyɛ, mɛni he je nyɛ ngɛ kunɔ nɔe?’

Mose V, 28:25

“Yawɛ ma ha nyɛ he nyɛli ɔmɛ maa ye nyɛ nɔ. Nyɛ maa gu he kake kɛ ya tua mɛ, se a maa gbɛ nyɛ ngɔ fĩa basaa, nɛ zugba a nɔ matsɛ yemi ɔmɛ tsuo maa ye gbeye ngɛ nɔ́ nɛ ba nyɛ nɔ ɔ he.

Mose V, 28:41

Nyɛ ma fɔ binyumuhi kɛ yihi lɛɛ, se a be nyɛ bimɛ pee; ejakaa a maa nuu mɛ nyɔguɛ ngɛ ta mi kɛ je.