Kronika II, 28:5 - BAIBLO ALOO NGMAMI KLƆUKLƆU Ɔ

^5-6 Akɛnɛ Matsɛ Ahaz pee yayami he je ɔ, Yawɛ, e Mawu ɔ ha nɛ Siria matsɛ ɔ ba ye e nɔ kunimi, nɛ e nuu Yuda bi babauu nyɔguɛ kɛ ho Damasko ya. Jehanɛ hu, Yawɛ ha nɛ Israel matsɛ, Peka, Remalia binyumu ɔ ba ye Ahaz nɔ, nɛ e gbe Yuda ta buli kpakpahi akpe lafa kɛ nyingmi enyɔ ligbi kake. Yawɛ, a nɛmɛ a Mawu ɔ ngmɛ blɔ nɛ a pee nɔ́ nɛ ɔ, ejakaa Yuda ma a kua lɛ.

Kronika II, 28:5 ပူးပေါင်းရင်းမြစ်များ

Kronika II, 24:24

Siria tabo ɔ, a he pi kulaa. Se Yawɛ ngɔ Yuda ta buli babauu ɔ ngɔ wo a dɛ mi; ejakaa ma a kua Yawɛ, a nɛmɛ a Mawu ɔ. Blɔ nɔ nɛ a gu kɛ gbla Yoash tue ji nɛ ɔ nɛ.

Kronika II, 29:9

Wa nɛmɛ ɔmɛ nɔ ngɛ ta mi, nɛ wa yi ɔmɛ, kɛ wa bimɛ ɔmɛ lɛɛ a nuu mɛ nyɔguɛ kɛ je.

Kronika II, 33:11

Enɛ ɔ he je ɔ, Yawɛ ha nɛ Asiria tabo ɔ asafoatsɛmɛ ɔmɛ ba tua Yuda. A kɛ gbowehi nu Manase nɛ a wo lɛ kɔsɔkɔsɔ, nɛ a ngɔ lɛ kɛ ho Babilon ya.

Kronika II, 36:17

Enɛ ɔ he je ɔ, Yawɛ ngɔ Babilonia matsɛ ɔ kɛ ba tua mɛ. Babilonia matsɛ ɔ kɛ klaate gbe Yuda nihewi ɔmɛ ngɛ Yawɛ we ɔ mi po. E nɛ́ nɔ ko nɔ ko mɔbɔ, jokuɛyo jio, nɔkɔtɔma jio, yo jio, nyumu jio, hiɔtsɛ jio, nɔ nɛ ngɛ he wami jio. Mawu ngɔ mɛ tsuo pɛpɛɛpɛ ngɔ wo e dɛ mi.

Kronika II, 36:5

Yehoyakim ye jeha nyingmi enyɔ kɛ enuɔ benɛ e bɔni tsɛ yemi ngɛ Yuda ma a nɔ. E hi Yerusalem kɛ ye matsɛ jeha nyɔngma kɛ kake. E pee yayami kɛ si Yawɛ, e Mawu ɔ.

Yesaya 7:1

Ta ba te si benɛ Uzia bibi Ahaz, Yotam bi ɔ ngɛ matsɛ yee ngɛ Yuda a. Lɔ ɔ ji kaa Siria matsɛ, Rezin kɛ Remalia bi Peka, Israel matsɛ ɔ, ba tua Yerusalem; se a nyɛ we nɛ a ngɔ ma a.

Yesaya 7:6

A to a yi mi kaa a ma ba tua Yuda, nɛ a maa wo ni ɔmɛ a he gbeye, bɔ nɛ pee nɛ a kɛ mɛ nɛ pee kake. Kɛkɛ ɔ, a maa wo Tabeel bi ɔ matsɛ.

Ezekiel 16:57

loko yayamihi nɛ o pee ɔ tsuo ba je kpo? Jehanɛ lɛɛ o pee kaa lɛ, nɛ Edom bi, Filisti bi, kɛ ni kpa amɛ nɛ bɔle mo, nɛ a sume mo saasaa a, o ba pee ahlua bɔmi nɔ́ ha mɛ!

Manyadali 2:14

Yawɛ mi mi fu Israel; nɛ e ngmɛɛ a he ngɔ ha ní hali, nɛ a ha a níhi. E je a he gbi ngɔ ha a he nyɛli nɛ bɔle mɛ ɔ; nɛ a nyɛ we a he nyɛli ɔmɛ a hɛ mi nɛ a da hu.