Kronika II, 28:4 - BAIBLO ALOO NGMAMI KLƆUKLƆU Ɔ

⁴ Ahaz sã bɔ, kɛ tsopa kɛ e he via ngɛ jami he ɔmɛ, yoku ɔmɛ a nɔ, kɛ tsohi nɛ a bɔ kusuu ɔ a sisi.

Kronika II, 28:4 ပူးပေါင်းရင်းမြစ်များ

Mose I, 31:54

Yakob gbe lohwe nɛ e kɛ sã bɔ ngɛ yoku ɔ nɔ. E tsɛ e nyɛmimɛ ɔmɛ ní yemi; benɛ a ye ní ɔ gbe nya a, a hi yoku ɔ nɔ nyɔ ɔ mi tsuo.

Matsɛmɛ I, 14:2

Yeroboam de e yo ɔ ke, “Mo tsake o he, nɛ nɔ ko kó le kaa ye yo ji mo, nɛ o ya Shilo, he nɛ gbalɔ Ahiya ngɛ ɔ. Lɛ ji nɔ nɛ de mi be ko ke i ma ba ye tsɛ ngɛ Israel ɔ nɛ.

Matsɛmɛ I, 14:23

Mɛ hu a po piɛhi, nɛ a puɛ amagahi ngɛ ma a mi, ngɛ yokuhi a nɔ, kɛ tsohi nɛ bɔ kusuu a sisi; amaga amɛ ekomɛ daa si ha a yo mawu ɔ nɛ a tsɛɛ lɛ Ashera a.

Matsɛmɛ II, 16:4

Ahaz sã bɔ, kɛ tsopa kɛ e he via ngɛ jami he ɔmɛ, ngɛ yoku ɔmɛ a nɔ, kɛ tsohi nɛ bɔ kusuu ɔ a sisi.

Kronika II, 15:17

E ngɛ mi kaa Asa gbɛ́ jami he ɔmɛ tsuo ngɛ Israel zugba a mi lɛɛ, se e ye Yawɛ anɔkuale e wami be ɔ tsuo.

Kronika II, 28:19

Yuda matsɛ, Ahaz he ɔ, Yawɛ kɛ haomi ba Yuda ma a tsuo nɔ; ejakaa Ahaz ngmɛɛ ma a he kɛ fɔ si, nɛ e pee yayami babauu hu kɛ si Yawɛ.

Kronika II, 28:25

E po jami hehi ngɛ Yuda mahi, kɛ kɔpehi tsuo a mi, konɛ a sã tsopa kɛ e he via ngɛ lejɛ ɔmɛ kɛ ha ma se mawuhi. Bɔ nɛ e pee kɛ wo Yawɛ, e nɛmɛ a Mawu ɔ mi mi la ji nɛ ɔ nɛ.

Mose III, 26:30

Ma puɛ nyɛ jami he ɔmɛ ngɛ yo ɔmɛ a nɔ, nɛ ma ywia nyɛ tsopa kɛ e he via bɔ sami la tɛ ɔmɛ; ma ngɔ nyɛ gbogboe ɔmɛ ngɔ pue nyɛ we amaga amɛ nɛ i ywia a a nɔ. Nyɛ maa pee nɔ́ nɛ a hiee ha mi.

Mika 1:5

Ní nɛ ɔmɛ tsuo maa ba mi, ejakaa Israel ma a pee yayami kɛ si Mawu, nɛ a tsɔ e hɛ mi atuã. Israel atuã tsɔmi ɔ, mɛnɔ kɛ ba? Ma nguaa a nɛ a tsɛɛ Samaria a, lɛ! Mɛnɔ yeɔ fɔ kaa e kɛ amaga jami ba Yuda? Yerusalem nitsɛ!