Kronika II, 28:27 - BAIBLO ALOO NGMAMI KLƆUKLƆU Ɔ

²⁷ Matsɛ Ahaz ba gbo, nɛ a pu lɛ ngɛ Yerusalem; se a pu we lɛ ngɛ matsɛmɛ ɔmɛ a pu he ɔ. E bi Hezekia ba ye matsɛ ngɛ e se.

Kronika II, 28:27 ပူးပေါင်းရင်းမြစ်များ

Kronika II, 21:20

Yehoram ye jeha nyingmi etɛ kɛ enyɔ benɛ e bɔni tsɛ yemi, nɛ e hi Yerusalem kɛ ye matsɛ jeha kpaanyɔ. Benɛ e gbo ɔ, nɔ ko nɔ ko yi lɛ kɔmɔ. A pu lɛ ngɛ David ma a mi mohu, se a pu we lɛ ngɛ matsɛmɛ ɔmɛ a gɔ ɔ mi.

Kronika II, 24:25

A plaa Yoash wawɛɛ nitsɛ. Benɛ he nyɛli ɔmɛ kpale a se ɔ, e tsɔli ɔmɛ a ti nihi enyɔ so ngɔ wo e he, nɛ a gbe lɛ ngɔ wo sa mi. A pee nɔ́ nɛ ɔ kɛ ye osɔfo Yehoyada binyumu ɔ nɛ e gbe ɔ he lue. A pu Yoash ngɛ David ma a mi mohu, se a pu we lɛ ngɛ matsɛmɛ ɔmɛ a pu he ɔ.

Abɛ Womi 10:7

E ji gbaami kaa a ma kai nimli kpakpahi daa; yayami peeli lɛɛ e kɛ we nɛ hɛ jeɔ a nɔ.

Kronika II, 33:20

Manase ba gbo, nɛ a pu lɛ ngɛ matsɛ we ɔ mi, nɛ e bi Amon ba ye matsɛ ngɛ e se.

Kronika II, 26:23

Uzia ba gbo nɛ a pu lɛ ngɛ matsɛmɛ ɔmɛ a pu he ɔ; se e hiɔ ɔ he je ɔ, a pu we lɛ ngɛ matsɛmɛ ɔmɛ a yɔkɔ ɔmɛ eko mi. E binyumu Yotam ba ye matsɛ ngɛ e se.

Samuel I, 2:30

Imi Yawɛ, Israel Mawu ɔ, i wo si be ko ke o kɛ o weku li ma sɔmɔ mi kaa osɔfohi kɛ maa ya neneene. Se jehanɛ ɔ, i ngɛ dee ke i kpale ye nya se! Mohu ɔ, nihi nɛ woɔ ye hɛ mi nyami ɔ, ma wo a hɛ mi nyami; nɛ nihi nɛ hiee mi ɔ, imi hu ma hie mɛ.

Yesaya 14:28

Jeha nɛ Matsɛ Ahaz gbo ɔ nɛ a fiɛ sɛ gbi nɛ ɔ.

Matsɛmɛ II, 16:20

Ahaz ba gbo, nɛ a pu lɛ ngɛ matsɛmɛ ɔmɛ a yɔkɔ ɔ mi ngɛ David ma a mi; nɛ e binyumu Hezekia ba ye matsɛ ngɛ e se.

Matsɛmɛ II, 18:1

Israel matsɛ, Hoshea, Ela binyumu ɔ yi nɔ jeha nɛ ji etɛ ɔ mi ɔ, Yuda matsɛ, Ahaz binyumu Hezekia ba bɔni tsɛ yemi ngɛ Yuda ma a nɔ.

Kronika II, 21:2

Matsɛ Yehoshafat binyumu Yehoram ngɛ nyɛminyumuhi ekpa. Mɛ ji Azaria, Yehiel, Zakaria, Azariahu, Mikael kɛ Shefatia.

Kronika II, 29:1

Hezekia ba bɔni tsɛ yemi ngɛ Yuda ma a nɔ benɛ e ye jeha nyingmi enyɔ kɛ enuɔ, nɛ e hi Yerusalem kɛ ye matsɛ jeha nyingmi enyɔ kɛ nɛɛ. E nyɛ ji Abiya, Zakaria biyo ɔ.