Kronika II, 28:24 - BAIBLO ALOO NGMAMI KLƆUKLƆU Ɔ

²⁴ Ahaz bua Yawɛ we ɔ mi ní ɔmɛ tsuo a nya, nɛ e ywia mɛ dukuduku. E ngmɛ Yawɛ we ɔ nya; nɛ e ma bɔ sami la tɛhi ngɛ he tsuaa he ngɛ Yerusalem.

Kronika II, 28:24 ပူးပေါင်းရင်းမြစ်များ

Kronika II, 29:7

A nga Yawɛ we ɔ sinya amɛ, nɛ a gbe kane ɔmɛ. Tsopa kɛ e he via, kɛ sami bɔ pohu a kpa sami ngɛ Yawɛ, Israel Mawu ɔ we ɔ.

Kronika II, 30:14

A ya je bɔ sami la tɛhi tsuo nɛ ngɛ Yerusalem, nɛ a sãã bɔhi kɛ tsopa kɛ e he via ngɛ a nɔ ɔ, nɛ a muɔ mɛ kɛ ya pue Kidron pa a mi.

Ni Tsumi 17:23

Ejakaa benɛ i nyɛɛ nyɛ ma a mi kɛ bee ɔ, i hyɛ níhi nɛ nyɛ jaa a. I na bɔ sami la tɛ ko nɛ a ngma ngɛ nɔ ke, ‘Mawu nɛ a li lɛ ɔ nɔ́.’ Lɔ ɔ he ɔ, nɔ nɛ nyɛ li lɛ, se kɛ̃ ɔ, nyɛ jaa lɛ ɔ, lɛ nɔuu e he sane i ngɛ fiɛe kɛ ngɛ nyɛ tsɔɔe ɔ nɛ.

Ni Tsumi 17:16

Benɛ Paulo ngɛ Atene, nɛ e ngɛ Sila kɛ Timoteo blɔ hyɛe ɔ, e na amaga babauu ngɛ ma a mi, nɛ nɔ́ nɛ ɔ hao lɛ.

Hosea 12:11

Se kɛ̃, a ngɛ yayami pee kɛ mwɔɔ; a jaa amaga ngɛ Gilead, nɛ a kɛ na ku sãã bɔ ngɛ Gilgal. Lɔ ɔ he ɔ, ma kpata a hɛ mi; bɔ sami la tɛ ɔmɛ hu maa ywia, nɛ tɛ ɔmɛ ma pue si glekuu glekuu ngɛ ngmɔ ɔmɛ a mi.”

Yeremia 2:28

“Mawu ɔmɛ nɛ nyɛ pee ngɔ ha nyɛ he ɔ, jije a ngɛ? Ke haomi ba nyɛ nɔ ɔ, nyɛ ha nɛ a he nyɛ yi wami ke a ma nyɛ ɔ! Yuda, bɔ nɛ o ma amɛ hiɛ babauu ɔ, ja nɔuu lɛ o mawu ɔmɛ hu hiɛ.

Kronika II, 29:3

Benɛ Hezekia bɔni matsɛ yemi ɔ, jamɛ a jeha a we kekleekle nyɔhiɔ ɔ mi ɔ, e bli Yawɛ we ɔ agbo ɔmɛ ekohu, nɛ e ha nɛ a dla mɛ.

Kronika II, 28:25

E po jami hehi ngɛ Yuda mahi, kɛ kɔpehi tsuo a mi, konɛ a sã tsopa kɛ e he via ngɛ lejɛ ɔmɛ kɛ ha ma se mawuhi. Bɔ nɛ e pee kɛ wo Yawɛ, e nɛmɛ a Mawu ɔ mi mi la ji nɛ ɔ nɛ.

Kronika II, 29:19

Jehanɛ, ní klɔuklɔuhi tsuo nɛ Matsɛ Ahaz hɛ ngɔ fɔ he benɛ e kpa Yawɛ se nyɛɛmi ɔ, wa bua tsuo nya nɛ wa pee mɛ klɔuklɔu ekohu. Amlɔ nɛ ɔ, ní ɔmɛ pueɔ si ngɛ Yawɛ bɔ sami la tɛ ɔ hɛ mi.”