Kronika II, 28:2 - BAIBLO ALOO NGMAMI KLƆUKLƆU Ɔ

² Mohu ɔ, e ya wo Israel matsɛmɛ ɔmɛ a nane. E ha nɛ a puɛ dade amagahi po kɛ ha Baal ɔmɛ.

Kronika II, 28:2 ပူးပေါင်းရင်းမြစ်များ

Mose II, 34:17

“Mo ko ngɔ nɔ́ ko nɛ a sile kɛ pee mawu nɛ o ja.

Manyadali 2:11

Israel bi ɔmɛ pee yayami kɛ si Yawɛ nɛ a ya sɔmɔ Baalhi.

Hosea 2:17

Baal biɛ maa laa lɛ pɛsɛpɛsɛ, nɛ e be e ta woe hu.

Hosea 2:13

Ma gbla Gomer tue ngɛ níhi nɛ e pee be ko ɔ a he. Ke pee ɔ, Gomer ma dla e he saminyayoo kɛ nguɛ ní, kɛ june kpakpa, nɛ e ma ya sã tsopa kɛ e he via ha Baal. E ma dla e he saminyayoo kikɛ nɛ ɔ, nɛ e ma ya hi e pla amɛ a nɔ kpae; kɛkɛ ɔ, e hɛ maa je ye nɔ pɛsɛpɛsɛ. Ma gbla e tue ngɛ ní nɛ ɔmɛ a he. Yawɛ lɛ de.

Kronika II, 21:6

Lɛ hu e ya wo Israel matsɛmɛ ɔmɛ a nane kaa bɔ nɛ Ahab pee ɔ, ejakaa e ngɔ Ahab biyo. E pee yayami kɛ si Yawɛ.

Manyadali 2:13

Akɛnɛ a je Yawɛ se, nɛ a ya sɔmɔ Baal kɛ Ashtarot he je ɔ,

Mose III, 19:4

“Nyɛ ko je ye se nɛ nyɛ ya ja amagahi; nɛ nyɛ ko pee dade mawuhi ha nyɛ he. Imi ji Yawɛ, nyɛ Mawu ɔ nɛ.

Yeremia 32:35

A ya ma bɔ sami la tɛhi ha Baal ngɛ Hinom kɔ̃ ɔ mi, konɛ a ngɔ a binyumu ɔmɛ, kɛ a biyi ɔmɛ kɛ sã bɔ ha mawu ɔ nɛ a tsɛɛ lɛ Molek ɔ. I wui mɛ mlaa ke a pee nɔ́ ko kaa kikɛ nɛ ɔ; e bɛ ye yi mi po hyɛ kaa a maa pee nɔ́ ko kaa kikɛ nɛ ɔ nɛ a kɛ ha nɛ Yuda ma a nɛ pee yayami.”

Kronika II, 33:3

Jami hehi nɛ e tsɛ Hezekia gbɛ ɔ, e kpale po mɛ ekohu. E ma bɔ sami la tɛhi kɛ ha Baal, nɛ e pee amagahi kɛ ha yo mawu ɔ nɛ a tsɛɛ Ashera a. E ja dodoehi hulɔ.

Yesaya 2:8

Amagahi hyi a zugba a nɔ; nɛ níhi nɛ mɛ nitsɛmɛ a ngɔ a nine kɛ pee ɔ, lɔ ɔmɛ a jaa.

Yeremia 1:16

Ma gbla ye ma a tue, ejakaa a pee yayami: a kua mi, a sã bɔ kɛ ha mawu kpahi, nɛ a ja mɛ nitsɛmɛ a nine nya níhi nɛ a pee.

Mika 1:5

Ní nɛ ɔmɛ tsuo maa ba mi, ejakaa Israel ma a pee yayami kɛ si Mawu, nɛ a tsɔ e hɛ mi atuã. Israel atuã tsɔmi ɔ, mɛnɔ kɛ ba? Ma nguaa a nɛ a tsɛɛ Samaria a, lɛ! Mɛnɔ yeɔ fɔ kaa e kɛ amaga jami ba Yuda? Yerusalem nitsɛ!