Kronika II, 28:16 - BAIBLO ALOO NGMAMI KLƆUKLƆU Ɔ

^16-17 Pee se ɔ, Edom bi ɔmɛ ba tua Yuda ekohu, nɛ a nuu ta nyɔguɛhi babauu kɛ ho. Enɛ ɔ he je ɔ, Matsɛ Ahaz tsɔ ya de Asiria matsɛ, Tiglat Pileser ke e ba je ngmlaa ha lɛ.

Kronika II, 28:16 ပူးပေါင်းရင်းမြစ်များ

Yesaya 7:17

“Yawɛ ma ha haomi be ko ma ba na mo, kɛ o ma mi bi ɔmɛ, kɛ matsɛ weku ɔ tsuo. Kɛ je be nɛ Israel kɛ Yuda mi gba nɛ ɔ, be yaya kaa enɛ ɔ eko bɛ hyɛ. Asiria matsɛ ɔ ji haomi nɛ Yawɛ maa ngɔ kɛ ba a nɛ.

Yeremia 2:36

Nyɛɛ hyɛ bɔ nɛ nyɛ nane nya ngɛ sɔe kɛ ngɛ yae kɛ ngɛ bae, nɛ nyɛ ngɛ yemi kɛ buami hlae ngɛ je ma amɛ a ngɔ! Nyɛ hɛ mi ma pue si ngɛ Egipt kaa bɔ nɛ nyɛ hɛ mi pue si be ko ngɛ Asiria a.

Ezekiel 16:28

“O ya bɔ ajuama kɛ kpa zugba a tsuo nɔ kɛ ya su Asiria bi ɔmɛ a ngɔ tɔɔ. O kɛ mɛ bɔ ajuama basaa, se lɔ ɔ tete po sui o nya.

Yesaya 10:20

Jamɛ a be ɔ, Israel bi nɛ a yi na wami ɔ be a hɛ ngɔe kɛ fɔ ma a nɛ ka a hɛ mi kpatami ɔ nɔ hu. A maa ngɔ a hɛ kɛ fɔ Yawɛ, Israel Mawu klɔuklɔu ɔ nɔ kulaa.

Yeremia 2:18

Mɛni o susu kaa o ma na ngɛ Egipt loko o ya lejɛ ɔ? Nɛ́ o ya nu Nilo pa a mi nyu, pi ja lo? Mɛni o susu kaa o ma na ngɛ Asiria loko o ya lejɛ ɔ? Nɛ́ o ya nu Yufrate pa a mi nyu, pi ja lo?

Hosea 5:13

“Benɛ Israel na kaa e hiɔ ɔ nya ba wa, nɛ Yuda hu na kaa e plaa wawɛɛ nitsɛ ɔ, Israel ho Asiria matsɛ ɔ ngɔ ya ya bi yemi kɛ buami. Se e nyɛ we nɛ e tsa hiɔ ɔ ha Israel, nɛ pa amɛ hu e nyɛ we nɛ e pee nɔ́ ko ngɛ a he.