Kronika II, 28:15 - BAIBLO ALOO NGMAMI KLƆUKLƆU Ɔ

¹⁵ A hla ni eywiɛ ɔmɛ nɛ a wo a biɛ ta a ke a hyɛ ta nyɔguɛ ɔmɛ a nɔ. Nihi tsuo nɛ hɛɛ a he gu, nɛ e hia kaa a ha mɛ bo nɛ a bu ɔ, a ha mɛ bo; ni nɛmɛ nɛ e hia kaa a ha mɛ tade nɛ a wo hu, a ha mɛ tade. Ta yibu ní ɔmɛ nɛ a ha a ekomɛ ji bo ɔmɛ, kɛ tade ɔmɛ ɔ nɛ. Jehanɛ, a ha mɛ tokota nɛ a wo; a ha mɛ ní nɛ a ye; a ha mɛ nyu nɛ a nu, nɛ a to a pa amɛ a nɔ nu. Ni nɛmɛ nɛ pɔ tɔ mɛ, nɛ he wami be a he ɔ, a ngɔ mɛ ngɔ hi tejihi a nɔ, nɛ a kpale mɛ tsuo kɛ ho Yuda zugba a nɔ ya ngɛ Yeriko, ma nɛ tã ngɛ mi ɔ. Lɔ ɔ se ɔ, Israel bi ɔmɛ kpale kɛ ho Samaria ya.

Kronika II, 28:15 ပူးပေါင်းရင်းမြစ်များ

Mose V, 34:3

Yuda zugba a leneyi je, kɛ nga kplanaa a nɛ ngɛ kɛ je Zoar kɛ ya su ma ngua a nɛ tã ngɛ mi, nɛ e biɛ ji Yeriko ɔ.

Matsɛmɛ II, 6:22

E he nɔ ke, “Dɛbi! Koo gbe mɛ! Nimli nɛ o ya nuu nyɔguɛ kɛ o klaate kɛ o kɛ̃ɛ̃ po, anɛ o maa gbe mɛ lo? Ha mɛ nɔ́ ko nɛ a ye, nɛ o ha mɛ nyu nɛ a nu, nɛ a kpale kɛ ho a nyɔmtsɛ ɔ ngɔ ya.”

Manyadali 1:16

Mose ngatsɛ, Ken no ɔ nina nɛ ji Ken bi ɔmɛ, kɛ Yuda bi ɔmɛ je Yeriko, tã ma a mi kɛ ba Yuda nga a nɔ, ngɛ Arad leneyi je, nɛ a kɛ Amalek bi ɔmɛ ba hi si ngɛ lejɛ ɔ.

Luka 6:27

“Se nyɛ nihi nɛ nyɛ ngɛ mi tue bue nɛ ɔ, i ngɛ nyɛ dee ke nyɛɛ suɔ nyɛ he nyɛli, nɛ nihi nɛ nyɛɛ nyɛ ɔ, nyɛɛ pee mɛ kpakpa;

Yesaya 58:7

Nɔ nɛ hwɔ ngɛ lɛ yee ɔ, nyɛ ha lɛ ní nɛ e ye, nɛ nihi nɛ be he ko nɛ a maa hi ɔ, nyɛɛ ngɔ mɛ kɛ ba nyɛ we mi. Ke nyɛ na nɔ ko nɛ hɛɛ e he gu ɔ, nyɛ ha lɛ bo; nyɛ ko pee kpɛle ngɛ nyɛ nitsɛmɛ nyɛ weku li a he.

1 Timoteo 5:10

É pee yo nɛ he biɛ kaa e peeɔ kpakpa, yo nɛ nyɛ tsɔse bimɛ saminya, yo nɛ nyɛ hyɛ nibwɔhi nɛ ba to lɛ, yo nɛ sɔmɔ ni klɔuklɔu ɔmɛ kɛ he si bami, yo nɛ je nihi kɛ je haomi mi, nɛ ngɔ e be tsuo kɛ tsu ní kpakpahi.

Romabi 15:1

Wɔ nihi nɛ wa hemi kɛ yemi mi wa a, e sa kaa waa ye bua ni nɛmɛ nɛ a hemi kɛ yemi mi wɛ ɔ. Wa ko susu wɔ nitsɛmɛ pɛ wa he.

Ni Tsumi 9:39

Petro dla nɛ e kɛ mɛ pue nɔ kɛ ho nɔuu. Benɛ e su lejɛ ɔ, a kɛ lɛ ya hiɔwe tsu ɔ mi. Yalɔyihi babauu ba pue e nɔ kɛ ya. A kɛ yi nɔ tadehi, kɛ tade kpahi nɛ Dorka kpɛ benɛ e ngɛ je mi ɔ tsɔɔ lɛ.

Luka 8:35

nɛ nihi je kpo kɛ ba, konɛ a ba hyɛ. Benɛ a ba su Yesu ngɔ ɔ, a na nyumu ɔ nɛ mumi yayami ɔmɛ je e mi ɔ nɛ e hii si ngɛ Yesu nane nya. E wo tade, nɛ e hɛ mi tsɔ lɛ. Nɛ mɛ tsuo a ye gbeye.

Luka 8:27

Benɛ Yesu ba kple ɔ, nyumu ko nɛ mumi yayamihi ngɛ e mi je ma a mi, nɛ e kɛ lɛ ba kpe. Daa nɛ ɔ, nyumu nɛ ɔ hɛɛ e he gu; e hí we mi, se mohu yɔkɔhi a mi nɛ e hii.

Kronika II, 28:12

Efraim nikɔtɔma eywiɛ komɛ hu nɔ́ nɛ ta buli ɔmɛ pee ɔ ngɔɛ a nya. Mɛ ji Yehohanan binyumu Azaria, Meshilemot binyumu Berekia, Shalum binyumu Yehizkia, kɛ Hadlai binyumu Amasa.

Kronika II, 28:14

Kɛkɛ nɛ ta buli ɔmɛ ngɔ ta nyɔguɛ ɔmɛ, kɛ ta yibu ní ɔmɛ ngɔ wo ma a, kɛ ganɔ ɔmɛ a dɛ mi.

Nehemia 5:12

Ma nimeli ɔmɛ kplɛɛ, nɛ a de ke, “Wa maa pee bɔ nɛ o de ɔ. Wa maa kpale nɔ́ tsuaa nɔ́ kɛ ha mɛ. Wa be nɔ́ ko nɔ́ ko hee ngɛ a dɛ.” Kɛkɛ nɛ i tsɛ osɔfo ɔmɛ kɛ ba, nɛ i ha ma nimeli ɔmɛ ka kita kɛ fɔ nɔ ngɛ a hɛ mi kaa a maa pee bɔ nɛ a wo si ɔ.

Matsɛmɛ II, 6:23

Kɛkɛ nɛ Israel matsɛ ɔ ngmɛ mɛ okplɔɔ agbo. Benɛ a ye ní nɛ a nu nɔ́ ko ɔ, e wo mɛ blɔ; nɛ a kpale kɛ ho Siria matsɛ ɔ ngɔ ya. Kɛ je lɔ ɔ se ɔ, Siria bi ɔmɛ ya tua we Israel zugba a hu.