Kronika II, 26:8 - BAIBLO ALOO NGMAMI KLƆUKLƆU Ɔ

⁸ Amon bi ɔmɛ tsuɔ tó kɛ haa Uzia. Nɔ́ nɛ ɔ ha nɛ e matsɛ yemi ɔ ba he si, nɛ e biɛ pɛ wawɛɛ nitsɛ kɛ ya su Egipt tɔɔ.

Kronika II, 26:8 ပူးပေါင်းရင်းမြစ်များ

Mose I, 12:2

Ma ha mo nina babauu, nɛ a maa pee je ma agbo. Ma gbaa mo, nɛ ma ha o ma he biɛ, nɛ a maa gu o nɔ kɛ gbaa nihi babauu.

Mose I, 19:38

Kɔkɔ ɔ hu ba fɔ binyumu, nɛ e wo lɛ biɛ ke Benami. Lɛ ji mwɔnɛmwɔnɛ ɔ Amon bi ɔmɛ a nɛ̃.

Samuel II, 8:13

David gbe Edom bi akpe nyɔngma kɛ kpaanyɔ ngɛ Ngo kɔ̃ ɔ mi. Nɛ benɛ e kpale e se kɛ ba a, e biɛ pɛ pe kekle ɔ po.

Samuel II, 8:2

E ya tua Moab bi ɔmɛ hulɔ nɛ e ye a nɔ. E ha nɛ ni ɔmɛ hwɔ si ngɛ zugba, nɛ e gba a mi etɛɛtɛ. Ni etɛ tsuaa ni etɛ mi ɔ, e gbe ni enyɔ, nɛ e kɛ nɔ kake he ke lɛ. Lɔ ɔ he ɔ, Moab bi ɔmɛ ba pee David sɔmɔli, nɛ a tsuɔ tó kɛ haa lɛ.

Matsɛmɛ I, 4:31

E le ní pe nɔ tsuaa nɔ; e le ní pe Etan, Ezrahi no ɔ; e le ní pe Mahol binyumuhi, Heman, Kalkol, kɛ Darda; nɛ e he biɛ ngɛ je ma amɛ tsuo nɛ bɔle lɛ kɛ kpe ɔ a mi.

Kronika I, 14:17

David biɛ pɛ ngɛ je ɔ mi he tsuaa he, nɛ Yawɛ ha nɛ je ma amɛ tsuo ye lɛ gbeye.

Kronika II, 17:11

Filisti bi ɔmɛ a ti ni komɛ ba ke Yehoshafat ní, nɛ a kɛ sika hiɔ babauu wo tó ha lɛ. Arabia bi ɔmɛ hu ba ha lɛ agbosu akpe kpaago kɛ e nya lafa kpaago, kɛ akpakpo akpe kpaago kɛ e nya lafa kpaago.

Kronika II, 20:1

Pee se ɔ, Moab bi kɛ, Amon bi, kɛ a huɛmɛ nɛ ji Meun bi ɔmɛ ba tua Yuda ma a.

Kronika II, 26:9

Uzia fia gbogbo ngɔ wo Yerusalem he, nɛ e ma mɔ gagaagahi ngɛ kɔ̃ nya agbo ɔ, kɛ kɔ̃ agbo ɔ a nɔ, kɛ he nɛ gbogbo ɔ lɔgɔ si ngɛ ɔ.

Kronika II, 27:5

E kɛ Amon matsɛ ɔ, kɛ e tabo ɔ ya hwu ta, nɛ e ye a nɔ kunimi. E nyɛ Amon bi ɔmɛ a nɔ nɛ a tsu tó nɛ ɔmɛ ha lɛ jeha etɛ: sika hiɔ nɛ jiimi ji, kilo akpe etɛ kɛ e nya lafa eywiɛ, ngma nɛ jiimi ji tɔn akpe kɛ akoko hu kilo akpe.

Mateo 4:24

Yesu he sane gbɛ fĩa Siria zugba a tsuo nɔ; nɛ a ngɔ hiɔtsɛmɛ, kɛ nihi nɛ ngɛ haomi slɔɔtohi a mi kɛ ba e ngɔ, nɛ e tsa mɛ: kɔkɔtsɛmɛ, hulemi hiɔtsɛmɛ, kɛ nihi nɛ mumi yayamihi ngɛ a mi.

Mose V, 2:19

Ke nyɛ ya su Amon bi ɔmɛ nɛ ji Lot nina a a zugba a huzu nya a, nyɛ ko hao mɛ, nɛ nyɛɛ kɛ mɛ ko hwu ta hulɔ; ejakaa i be nyɛ a zugba a ekoeko hae.’ ”

Samuel I, 11:1

Maa pee hlami kake se ɔ, Matsɛ Nahash nɛ je Amon, kɛ e ta buli ya sa Yabesh Gilead yi. Nyumu ɔmɛ tsuo ngɛ Yabesh ɔ de Nahash ke, “Ha waa kɛ mo nɛ so, konɛ wa sɔmɔ mo.”