Kronika II, 26:6 - BAIBLO ALOO NGMAMI KLƆUKLƆU Ɔ

⁶ Uzia kɛ Filisti bi ɔmɛ ya hwu ta. E ku Gat, Yamnia, kɛ Ashdod gbogbo ɔmɛ kɛ pue si; nɛ e po mahi ngɛ Ashdod kasa nya, kɛ Filisti bi ɔmɛ a zugba a nɛ piɛ ɔ tsuo nɔ.

Kronika II, 26:6 ပူးပေါင်းရင်းမြစ်များ

Samuel II, 8:1

Enɛ ɔ se ɔ, David ya tua Filisti bi ɔmɛ ekohu, nɛ e ye a nɔ. E ngɔ a ma nguaa pe kulaa nɛ a tsɛɛ Gat ɔ.

Kronika I, 18:1

Pee se ɔ, Matsɛ David ya tua Filisti bi ɔmɛ ekohu, nɛ e ye a nɔ. E ngɔ a ma nguaa a nɛ a tsɛɛ Gat ɔ, kɛ kɔpehi nɛ bɔle ma a.

Kronika II, 11:8

Gat, Maresha, Zif,

Kronika II, 21:16

Kɛkɛ nɛ Yawɛ sú Filisti bi ɔmɛ, kɛ Arabia bi ɔmɛ nɛ a ngɛ Sudan bi ɔmɛ a kasa nya a kɛ wo Yehoram he.

Yesaya 14:29

Filistia bi, nyɛ bua ko jɔ kulaa kaa tso nɛ a kɛ fiaa nyɛ ɔ mi ku. Ke sinɔ kake gbo ɔ, ekpa nɛ e duɔ nya wa pe kekle nɔ́ ɔ ba yeɔ e nane mi. Sinɔ hlui ko ma pɛ, nɛ sinɔ pɛlitsɛ maa je mi.

Yesaya 20:1

Asiria matsɛ, Sargon fa Asiria asafoatsɛngua a ke e ya tua Filisti bi a ma nɛ a tsɛɛ Ashdod ɔ.

Amos 1:8

Ma gbe ma nɔ yeli ɔmɛ ngɛ Ashdod kɛ Ashkelon. Ma gbla Ekron ma a tue, nɛ Filisti bi nɛ a he maa je tue gblami nɛ ɔ mi ɔ ma gbo.” Yawɛ lɛ de.

Amos 6:2

Nyɛ deɔ nyɛ ma mi bi ɔmɛ ke, “Nyɛɛ ya nɛ nyɛ ya hyɛ Kalne ma a, Hamat ma nguaa a, kɛ Filisti bi a ma nɛ a tsɛɛ Gat ɔ. Sa a, ma nɛ ɔmɛ kle agboagbo, nɛ a ngɛ he wami hu pe Yuda kɛ Israel nɔ yemi he ɔmɛ. Se amlɔ nɛ ɔ lɛɛ nyɛɛ hyɛ mɛ ha!”

Yoshua 15:11

Huzu ɔ gba ngɛ yoku ɔ nɛ ngɛ Ekron ɔ we omleyi je ɔ, nɛ e lɔgɔ kɛ ho Shikeron ya; e gu Baala yo ɔ nɔ kɛ ya je Yamnia, nɛ e nya ya pi Mediterenia wo ɔ.

Yoshua 15:47

Ekomɛ ji Ashdod, kɛ Gaza, kɛ a he mahi kɛ kɔpehi, hluu kɛ ya su pa a he ngɛ Egipt huzu ɔ nya, kɛ Mediterenia wo ɔ hu nya.

Samuel I, 5:1

Benɛ Filisti bi ɔmɛ kpɔ somi daka a, a wo lɛ kɛ je Ebenezer kɛ ho Ashdod ya,

Samuel I, 5:6

Yawɛ gbla Ashdod bi ɔmɛ a tue wawɛɛ nitsɛ, nɛ e kɛ tslɔɔ kpata a kɛ a huza a nɔ bi ɔmɛ tsuo a hɛ mi.