Kronika II, 26:23 - BAIBLO ALOO NGMAMI KLƆUKLƆU Ɔ

²³ Uzia ba gbo nɛ a pu lɛ ngɛ matsɛmɛ ɔmɛ a pu he ɔ; se e hiɔ ɔ he je ɔ, a pu we lɛ ngɛ matsɛmɛ ɔmɛ a yɔkɔ ɔmɛ eko mi. E binyumu Yotam ba ye matsɛ ngɛ e se.

Kronika II, 26:23 ပူးပေါင်းရင်းမြစ်များ

Kronika II, 21:20

Yehoram ye jeha nyingmi etɛ kɛ enyɔ benɛ e bɔni tsɛ yemi, nɛ e hi Yerusalem kɛ ye matsɛ jeha kpaanyɔ. Benɛ e gbo ɔ, nɔ ko nɔ ko yi lɛ kɔmɔ. A pu lɛ ngɛ David ma a mi mohu, se a pu we lɛ ngɛ matsɛmɛ ɔmɛ a gɔ ɔ mi.

Kronika II, 26:18

nɛ a ya tsi e nya. A de lɛ ke, “Uzia, o be he blɔ nɛ o sãã tsopa kɛ e he via kɛ haa Yawɛ. Osɔfo ɔmɛ, nɛ ji Aaron nina a, mɛ pɛ ji ni nɛmɛ nɛ a hla ngɔ to nɛ a tsu nɔ́ nɛ ɔ. Jee he klɔuklɔu nɛ ɔ. O tɔ̃ Yawɛ Mawu ɔ nɔ, nɛ e gbaami be o nɔ hu.”

Kronika II, 27:1

Yotam bɔni tsɛ yemi ngɛ Yuda ma a nɔ benɛ e ye jeha nyingmi enyɔ kɛ enuɔ, nɛ e hi Yerusalem kɛ ye matsɛ jeha nyɔngma kɛ ekpa. E nyɛ ji Zadok biyo Yerusha.

Kronika II, 28:27

Matsɛ Ahaz ba gbo, nɛ a pu lɛ ngɛ Yerusalem; se a pu we lɛ ngɛ matsɛmɛ ɔmɛ a pu he ɔ. E bi Hezekia ba ye matsɛ ngɛ e se.

Kronika II, 33:20

Manase ba gbo, nɛ a pu lɛ ngɛ matsɛ we ɔ mi, nɛ e bi Amon ba ye matsɛ ngɛ e se.

Yesaya 6:1

Jeha a nɛ Matsɛ Uzia gbo ɔ, i na Nyɔmtsɛ ɔ nɛ hii si ngɛ e matsɛ sɛ gojoo ko nɔ. E tade klɔii ɔ nya wuyaa a hyi Yawɛ we ɔ tsuo.