Kronika II, 26:16 - BAIBLO ALOO NGMAMI KLƆUKLƆU Ɔ

¹⁶ Se benɛ Uzia tsɛ yemi ɔ ba he si ɔ, e wo e he nɔ, nɛ nɔ́ nɛ ɔ ha nɛ e hɛ mi kpata. E ya sã tsopa kɛ e he via ngɛ tsopa kɛ e he via sami la tɛ ɔ nɔ ngɛ Yawɛ we ɔ, nɛ e kɛ nɔ́ nɛ ɔ tɔ̃ Yawɛ, e Mawu ɔ nɔ.

Kronika II, 26:16 ပူးပေါင်းရင်းမြစ်များ

Matsɛmɛ I, 12:33

Nyɔhiɔ kpaanyɔne ɔ we ligbi nyɔngma kɛ enuɔ ɔ, Yeroboam yaa Betel ya sãã tsopa kɛ e he via ngɛ bɔ sami la tɛ nɛ e puɛ ɔ nɔ. Kikɛmɛ a ligbi nɛ ɔ ji ligbi nɛ lɛ nitsɛ e ngɔ kɛ pee nyami ligbi ha Israel ma a.

Matsɛmɛ I, 13:1

Ligbi ko ɔ, Yawɛ tsɔ gbalɔ ko kɛ je Yuda kɛ ho Betel ya. Benɛ e ya su lejɛ ɔ, Yeroboam daa si ngɛ bɔ sami la tɛ ɔ he nɛ e yaa sã tsopa kɛ e he via.

Matsɛmɛ II, 14:10

Amazia, o gbe Edom bi ɔmɛ; enɛ ɔ he je ɔ, o ngɛ o he nɔ woe. Amlɔ nɛ ɔ, o he biɛ. Lɔ ɔ he ɔ, ha nɛ o bua nɛ jɔ o he nɛ o hi si ngɛ o we mi. Mɛni he je nɛ o ngɛ sane yee kikɛ nɛ ɔ? Anɛ o li kaa nɔ́ nɛ ɔ kɛ haomi maa ba o kɛ Yuda tsuo nyɛ nɔ lo?”

Matsɛmɛ II, 15:5

Yawɛ ha nɛ matsɛ ɔ nu he womi nɔ hiɔ yaya; nɛ hiɔ nɛ ɔ ngɛ e he kɛ ya si e gbenɔ ligbi. Enɛ ɔ he je ɔ, e klɛ̃ kɛ ya hi we kpa mi, nɛ e binyumu Yotam ba hi matsɛ we ɔ, nɛ e kɛ hyɛ ma a nɔ.

Kronika II, 12:1

Benɛ Rehoboam matsɛ yemi ɔ ba da si ɔ, e kɛ e ma a tsuo kua Yawɛ mlaa a nɔ yemi.

Kronika II, 25:19

Mo Amazia, nɛ o gbe Edom bi ɔmɛ he je ɔ, o ngɛ o he nɔ woe. I ngɛ mo ga woe ke o hi si ngɛ o we mi. Mɛni sane o ngɛ hlae nɛ o je ɔ? Anɛ o li kaa nɔ́ nɛ ɔ kɛ haomi maa ba o kɛ o ma Yuda tsuo nyɛ nɔ lo?”

Kronika II, 26:15

E ha nɛ e ga ní tsuli kpanaa amɛ pee klama komɛ ngɛ Yerusalem. A kɛ klama amɛ ma mɔ ɔmɛ, kɛ gbogbo kɔ̃ nya amɛ a nɔ, konɛ a kɛ tsɛ̃ kɛ̃ɛ̃, nɛ a kɛ kpɛne tɛ agboagbohi kɛ je lejɛ ɔmɛ. E matsɛ yemi ɔ he si, nɛ e biɛ pɛ kɛ ya lokoo, ejakaa Mawu piɛ e he.

Kronika II, 27:2

Yotam pee Yawɛ suɔmi nya ní kaa bɔ nɛ e tsɛ Uzia pee ɔ pɛpɛɛpɛ; se lɛɛ e ya sɛ̃ tsopa kɛ e he via ngɛ Yawɛ we ɔ. Se kɛ̃ ɔ, ma a ya nɔ pee yayami.

Kronika II, 32:25

Se kpakpa nɛ ɔ nɛ a pee Hezekia a, e nɛ Yawɛ si, nɛ e je we Yawɛ yi kɛ to nane mi; mohu ɔ, e wo e he nɔ. Enɛ ɔ he je ɔ, Yawɛ mi mi fu lɛ, kɛ Yuda, kɛ Yerusalem.

Abɛ Womi 16:18

Nɔ nɛ woɔ e he nɔ ɔ, e hɛ mi kpataa; nɔ nɛ tsɔɔ e he ɔ, e blɔ nya jeɔ e dɛ.

Daniel 11:12

Nɔ́ nɛ ɔ ma ha nɛ e ma wo e he nɔ, nɛ e maa gbe nimli babauu nitsɛ. Se kɛ̃ ɔ, e kunimi yemi ɔ se be kɛe.

Daniel 8:8

Enɛ ɔ se ɔ, to akpakpo ɔ ba wo e he nɔ wawɛɛ nitsɛ, nɛ e bui nɔ́ ko nɔ́ ko. Se benɛ e he wami ɔ ba he si ɔ, e koli ɔ ku. Kɛkɛ nɛ koli agboagbo eywiɛ ba puɛ ngɛ lɔ ɔ nane mi; koli ɔmɛ plɛ a nyahi ngɔ kpee he munomunohi.

Habakuk 2:4

Enɛ ɔ ji sɛ gbi ɔ nɛ: ‘Yayami peeli a hɛ mi ma kpata; se dali lɛɛ, akɛnɛ a yeɔ Mawu anɔkuale ɔ, a yi ma na wami.’ ”

Mose IV, 16:1

Ligbi ko ɔ, Izhar binyumu Kora, nɛ je Kohat we puɔ nya ngɛ Levi wɛtso ɔ mi ɔ, ya dɔ nihi ngɔ piɛ e he, nɛ a te si ngɔ wo Mose. Ni ɔmɛ a kpɛti nyumuhi etɛ je Ruben wɛtso ɔ mi. Mɛ ji Eliab binyumuhi Datan, kɛ Abiram, kɛ Pelet binyumu On. Israel bi kpahi lafa enyɔ kɛ nyingmi enuɔ piɛ a he. Nimli nɛ ɔmɛ ji ma nimeli nɛ a le mɛ saminya, nɛ ma a hla mɛ.

Mose IV, 16:18

Lɔ ɔ he ɔ, nɔ tsuaa nɔ ho ya ngɔ ngɛyu, nɛ e je la kɛ wo mi, nɛ e ngɔ tsopa kɛ e he via kɛ pue nɔ, nɛ e ba da si ngɛ kpe he bo tsu sinya a nya ngɛ Mose kɛ Aaron a kasa nya.

Mose IV, 16:35

Kɛkɛ nɛ la je Yawɛ ngɔ ba sã nimli lafa enyɔ kɛ nyingmi enuɔ ɔmɛ nɛ a ngɔ tsopa kɛ e he via a kɛ ba a.

Mose IV, 16:7

Hwɔɔ mɔtu ɔ, nyɛɛ je la kɛ wo ngɛyu ɔmɛ a mi. Nyɛɛ ngɔ tsopa kɛ e he via kɛ pue la a nɔ, nɛ nyɛɛ ngɔ kɛ ba Yawɛ hɛ mi. Nɔmlɔ nɛ Yawɛ nitsɛ maa hla a, lɛ ji nɔ klɔuklɔu ɔ nɛ. Nyɛ Levi bi, nyɛ ngɛ nyɛ he nɔ woe tsɔ!”

Mose IV, 17:5

Nɔ nɛ ma hla a, e tso ɔ ma tsɛ̃ mɔmɔ; nɛ nɔ́ nɛ ɔ ma ha nɛ munyu huitihuiti nɛ Israel bi ɔmɛ tuɔ kɛ siɔ nyɛ ngɛ ye he ɔ se maa po.”

Mose V, 8:14

nyɛɛ hyɛ saminya nɛ nyɛ ko wo nyɛ he nɔ, nɛ nyɛ hɛ ba je Yawɛ, nyɛ Mawu ɔ nɔ. Lɛ nɛ je nyɛ kɛ je Egipt, he nɛ a ye nyɛ nyɔguɛ ngɛ ɔ.

Mose V, 8:17

E pee ja, konɛ nyɛ ko susu kaa nyɛ nitsɛmɛ nyɛ he wami nya nɛ nyɛ na ní nɛ ɔmɛ tsuo.

Kolosebi 2:18

Nyɛ ko ha nɛ nihi nɛ buu a he kaa mɛɛ lɛɛ a hi pe nihi tsuo ɔ nɛ a bu nyɛ kaa nyɛɛ lɛɛ nyɛ be nɔ́ ko mi. A deɔ ke mɛɛ a naa nina pɔtɛɛ komɛ, nɛ a nyɛɔ nyɛ nɔ ke nyɛɛ kɛ he si bami nɛ ja bɔfohi. Kikɛmɛ a nimli nɛ ɔmɛ woɔ a he nɔ yaka gu.