Kronika II, 26:15 - BAIBLO ALOO NGMAMI KLƆUKLƆU Ɔ

¹⁵ E ha nɛ e ga ní tsuli kpanaa amɛ pee klama komɛ ngɛ Yerusalem. A kɛ klama amɛ ma mɔ ɔmɛ, kɛ gbogbo kɔ̃ nya amɛ a nɔ, konɛ a kɛ tsɛ̃ kɛ̃ɛ̃, nɛ a kɛ kpɛne tɛ agboagbohi kɛ je lejɛ ɔmɛ. E matsɛ yemi ɔ he si, nɛ e biɛ pɛ kɛ ya lokoo, ejakaa Mawu piɛ e he.

Kronika II, 26:15 ပူးပေါင်းရင်းမြစ်များ

Kronika II, 2:14

E nyɛ je Dan wɛtso ɔ mi, se e tsɛ lɛɛ Tiro no ji lɛ. E le sika tsu, sika hiɔ, akɔblee, dade, tɛ, kɛ tso a he ní tsumi. E tsuɔ bo bluu, bo he jua wawɛ nɛ hɛɛ alamua tu su, kɛ bo tsu he ní. E nyɛɔ nɛ e ngmaa ní kɛ woɔ níhi a mi, nɛ níhi a he foni tsuaa foni nɛ a kɛ maa tsɔɔ lɛ ɔ, e nyɛɔ tsuɔ he ní. Ha nɛ e piɛ o ga ní tsuli ɔmɛ, kɛ o tsɛ David ga ní tsuli ɔmɛ a he kɛ tsu ní.

Kronika II, 2:7

Lɔ ɔ he ɔ, moo wo nyumu ko nɛ ga ngɛ e hɛ mi blɔ kɛ ba ha mi. E pee nɔ ko nɛ le sika tsu, sika hiɔ, akɔblee, kɛ dade he ga ní tsumi, nɛ e ma nyɛ maa ngma ní ngɛ nɔ hulɔ. Jehanɛ, e pee nɔ ko nɛ le bo bluu, bo he jua wawɛ nɛ hɛɛ alamua tu su, kɛ bo tsu lomi. Nyumu nɛ ɔ ma ba piɛ ga ní tsuli nɛ ngɛ Yuda kɛ Yerusalem nɛ tsaatsɛ David hla mɛ kɛ to ɔ a he kɛ tsu ní.

Kronika II, 26:14

Uzia ha e ta buli ɔmɛ tsuo ta hwumi ní nɛ ɔmɛ: tsɛ̃i, akplɔ, dade pɛɛ, dade dama, kɛ̃ɛ̃, kɛ amlami tɛ.

Kronika II, 26:16

Se benɛ Uzia tsɛ yemi ɔ ba he si ɔ, e wo e he nɔ, nɛ nɔ́ nɛ ɔ ha nɛ e hɛ mi kpata. E ya sã tsopa kɛ e he via ngɛ tsopa kɛ e he via sami la tɛ ɔ nɔ ngɛ Yawɛ we ɔ, nɛ e kɛ nɔ́ nɛ ɔ tɔ̃ Yawɛ, e Mawu ɔ nɔ.

Mose II, 31:4

bɔ nɛ e nyɛɔ nɛ e ngɔɔ sika tsu, sika hiɔ, kɛ akɔblee kɛ peeɔ ga níhi;

Yesaya 29:14

Lɔ ɔ he ɔ, ma pee nyakpɛ níhi, kɛ níhi nɛ ngɛ gbeyegbeye ngɛ nimli nɛ ɔmɛ a kpɛti ekohu. A ní leli ɔmɛ a nile ɔ, kɛ a ga a maa pee yaka.”

Habakuk 1:5

Kɛkɛ nɛ Yawɛ de e ma a ke, “Nyɛɛ hyɛ je ma amɛ nɛ bɔle nyɛ kɛ kpe ɔ; nyɛ maa na nyakpɛ níhi nɛ ma ha nyɛ he mi maa po. Ejakaa ma tsu ní tsumi ko ngɛ nyɛ be nɛ ɔ mi nɛ ke a sɛɛ ha nyɛ ɔ, nyɛ be hee maa ye.

Mateo 4:24

Yesu he sane gbɛ fĩa Siria zugba a tsuo nɔ; nɛ a ngɔ hiɔtsɛmɛ, kɛ nihi nɛ ngɛ haomi slɔɔtohi a mi kɛ ba e ngɔ, nɛ e tsa mɛ: kɔkɔtsɛmɛ, hulemi hiɔtsɛmɛ, kɛ nihi nɛ mumi yayamihi ngɛ a mi.

Mose V, 20:20

Se tsohi nɛ o le kaa a yi a yiblii ɔ, o ma nyɛ ma kɛ pee níhi nɛ a maa da nɔ kɛ sá ma a yi kɛ ya si be nɛ o maa ngɔ ma a.