Kronika II, 26:13 - BAIBLO ALOO NGMAMI KLƆUKLƆU Ɔ

¹³ Ta buli nɛ ngɛ a sisi ɔ, a hiɛmi ji akpe lafa etɛ kɛ kpaago kɛ e nya lafa enuɔ. A je blɔ tsɔse ta buli nɛ ɔmɛ saminya, nɛ ke a kɛ matsɛ ɔ he nyɛli ya bua a, a nine nyɛɔ mɛ.

Kronika II, 26:13 ပူးပေါင်းရင်းမြစ်များ

Kronika II, 25:5

Matsɛ Amazia dla nyumuhi tsuo nɛ ngɛ Yuda, kɛ Benyamin wɛtso ɔmɛ a mi ɔ kɛ wo tabohi a mi we puɔ nya we puɔ nya. E ngɔ asafoatsɛmɛ ngɔ to nihi akpehi kɛ lafahi a nya, nɛ a na ta buli akpe lafa etɛ nɛ ji nyumuhi nɛ a ye jeha nyingmi enyɔɔnyɔ, kɛ ni nɛmɛ nɛ ye pe ja. Nimli nɛ ɔmɛ ɔ, ta buli nɛ a kɔni si wa ji mɛ tsuo pɛpɛɛpɛ; a le bɔ nɛ a kɛ akplɔ kɛ tsɛ̃i hwuɔ ta ha.

Kronika II, 14:8

Matsɛ Asa ngɛ ta buli nɛ je Yuda. A hiɛmi ji akpe lafa etɛ; nɛ a hɛɛɔ tsɛ̃i kɛ akplɔ. E ngɛ ta buli nɛ je Benyamin hulɔ. A hiɛmi ji akpe lafa enyɔ kɛ nyingmi kpaanyɔ; nɛ mɛɛ a hɛɛɔ tsɛ̃i kɛ kɛ̃ɛ̃. Ta buli katsɛmɛ ji kulaa mɛ tsuo pɛpɛɛpɛ.

Kronika II, 13:3

Abiya kɛ ta buli nɛ a kɔni si wa akpe lafa eywiɛ gba ta kɛ wo Yeroboam, nɛ Yeroboam kɛ lɛ hu e ta buli akpe lafa kpaanyɔ nɛ mɛ hu a kɔni si wa ya na lɛ.

Kronika II, 11:1

Benɛ Rehoboam ya su Yerusalem ɔ, e hla ta buli nɛ a kɔni si wa akpe lafa kɛ nyingmi kpaanyɔ kɛ je Yuda kɛ Benyamin wɛtso ɔmɛ a mi. E to kaa e kɛ Israel omleyi je wɛtso ɔmɛ ma ya hwu, konɛ e kpɔ matsɛ yemi ɔ kɛ ba je e sisi ekohu.

Kronika II, 12:1

Benɛ Rehoboam matsɛ yemi ɔ ba da si ɔ, e kɛ e ma a tsuo kua Yawɛ mlaa a nɔ yemi.

Kronika II, 26:12

We puɔ nya dali katsɛmɛ nɛ ngɛ tabo ɔ nya a, a hiɛmi ji akpe enyɔ kɛ e nya lafa ekpa.

Kronika II, 26:14

Uzia ha e ta buli ɔmɛ tsuo ta hwumi ní nɛ ɔmɛ: tsɛ̃i, akplɔ, dade pɛɛ, dade dama, kɛ̃ɛ̃, kɛ amlami tɛ.

Kronika II, 14:7

Asa de e ma Yuda ke, “Nyɛ ha nɛ waa fia gbogbo kɛ wo ma nɛ ɔmɛ a he. Nyɛ ha nɛ waa ma mɔhi, kɛ a nya agbohi kɛ a se lami dade. Zugba a fɔɔ si ha wɔ, ejakaa wa pee Yawɛ, wa Mawu ɔ suɔmi nya ní. Yawɛ ha wɔ he jɔmi, kɛ tue mi jɔmi ngɛ he tsuaa he kɛ bɔle si.” Lɔ ɔ he ɔ, a po ma amɛ, nɛ níhi a mi hi ha mɛ saminya.