Kronika II, 25:8 - BAIBLO ALOO NGMAMI KLƆUKLƆU Ɔ

⁸ Ke o susu kaa ke a ba piɛ o he nɛ o he maa wa a, o sisi o he pɛ. Ejakaa ke nɔ ko maa ye kunimi ngɛ ta mi, loo a maa ye e nɔ ɔ, e je Mawu; Mawu ma ha nɛ o he nyɛli ɔmɛ maa ye o nɔ.”

Kronika II, 25:8 ပူးပေါင်းရင်းမြစ်များ

Kronika II, 14:11

Asa fa kue ha Yawɛ e Mawu ɔ ke, “Yawɛ lee, mo nɛ o piɛɔ nihi nɛ a he wa, kɛ ni nɛmɛ nɛ a he wɛ tsuo a he! Yawɛ, wa Mawu, moo piɛ wa he koo! Ejakaa wa ngɔ wa hɛ ngɔ fɔ o nɔ. Wa ba ngɛ o biɛ mi, konɛ waa kɛ asafo babauu nɛ ɔ ba kpe. Yawɛ, mo ji wa Mawu; ko ha nɛ nɔmlɔ adesa nɛ ye o nɔ kunimi.”

Kronika II, 20:6

nɛ e fa kue ke, “Yawɛ, wa nɛmɛ a Mawu lee, mo pɛ ji Mawu ngɛ hiɔwe, nɛ o yeɔ je ma amɛ tsuo a nɔ. O kle agbo; o ngɛ he wami, nɛ nɔ ko be nyɛe maa da o hɛ mi.

Filipibi 4:19

Ye Mawu ɔ ma ha nyɛ níhi tsuo nɛ hia nyɛ ɔ kɛ maa je e ní babauu nɛ hɛ mi ngɛ nyami ɔ mi kɛ gu Kristo Yesu nɔ.

Hagai 2:8

Ye níhi ji je ɔ mi sika tsu, kɛ sika hiɔ tsuo.

Fiɛlɔ 11:9

Nihewi, nyɛ fiɛ nyɛ yi nɔ ngɛ nyɛ nihe mi; nyɛɛ pee nyɛ suɔmi nya ní, nɛ nyɛ na bua jɔmi. Se nyɛ na nɛ nyɛɛ le kaa Mawu maa kojo nyɛ ngɛ ní nɛ ɔmɛ tsuo a he.

Fiɛlɔ 9:11

Nɔ́ kake hu nɛ i na ngɛ je nɛ ɔ mi ji: tsa pi nihi nɛ le fo tumi wawɛɛ ji nihi nɛ yeɔ kekleekle blɔ he be tsuaa be; pi katsɛmɛ ji ni nɛmɛ nɛ yeɔ kunimi ngɛ ta mi daa. Pi ní leli tsuo a dɛ nɛ niye ní ngɛ; pi juɛmitsɛmɛ tsuo ji matsɛmɛ, nɛ gali hu, pi mɛ tsuo nɛ a hɛ mi baa nyami. Haomi baa mɛ tsuo a nɔ fiee.

Abɛ Womi 10:22

Mawu gbaami lɛ peeɔ nɔ niatsɛ; dengme gbomi kɛ nɔ́ ko nɔ́ ko piɛ we he ha nɔ.

La 62:11

Pi si kake pɛ nɛ Mawu tu munyu nɛ ɔ; e de si abɔ ke, he wami ɔ, lɛ Mawu ɔ e ngɔ e jee.

La 33:16

Pi ta buli babauu nɛ haa matsɛ yeɔ kunimi; ta bulɔ be nyɛe maa ngɔ e kã kɛ he lɛ nitsɛ e yi wami.

La 33:10

Ke je ma amɛ so kikɛ nɛ ɔ, Yawɛ tsakeɔ a yi mi tomi ɔmɛ, nɛ a nyɛ we nɛ a kɛ tsuɔ ní.

La 24:1

Je ɔ, Yawɛ nɔ́. Zugba a, kɛ e mi ní, kɛ nimli nɛ ngɛ zugba a nɔ ɔ, Yawɛ níhi ji mɛ tsuo.

La 20:7

Ni komɛ fĩaa kɛ fɔɔ a ta zugba lɛhi a nɔ; ni komɛ hu fĩaa kɛ fɔɔ a we okpɔngɔhi a nɔ; se wɔɔ lɛɛ Yawɛ, wa Mawu ɔ biɛ mi wa fĩaa ngɛ.

Hiob 9:13

Mawu mi mi fumi se pui. E he nyɛli ɔmɛ nɛ te si wo lɛ ɔ, e kpata a hɛ mi. Mɛ lɛ a ya piɛ wo mi lohwe ngua a nɛ a tsɛɛ lɛ Rahab ɔ he ɔ nɛ.

Hiob 5:18

Ke Mawu plaa mo ɔ, e fiɔ pa a nɔ; ke e fia mo nɔ́ ɔ, e tsaa mo.

Kronika II, 18:14

Benɛ Mikaya ba su Matsɛ Ahab ngɔ ɔ, matsɛ ɔ bi lɛ ke, “Mikaya, anɛ i kɛ Matsɛ Yehoshafat waa ya nɛ wa ya tua Ramot nɛ ngɛ Gilead ɔ, aloo wa ko ya?” Mikaya he nɔ ke, “Yawɛ maa ngɔ ma a kɛ wo o dɛ mi. Yaa nɛ o ya tua ma a, nɛ o maa ye kunimi.”

Kronika II, 1:12

Enɛ ɔ he je ɔ, i ha mo nile, kɛ nɔ́ sisi numi. Jehanɛ, ma wo mo ní, nɛ ma ha mo june, kɛ biɛ nɛ matsɛ ko matsɛ ko na we hyɛ. O se hu matsɛ ko matsɛ ko be nae kɛ mo maa sɔ.”

Samuel I, 14:6

Yonatan de niheyo ɔ nɛ hɛɛ e ta hwumi ní ɔmɛ ke, “Ha waa ho mɔmlɔtɔtsɛmɛ ɔmɛ a sito he ɔ ya. Eko piɔ, Yawɛ ma tsu nyakpɛ ní ha wɔ; ejakaa nɔ́ ko nɔ́ ko tsi Yawɛ nya kaa e kɛ nihi fuu, loo bɔɔ ma he nihi a yi wami.”

Manyadali 7:7

Yawɛ de Gideon ke, “Ma ngɔ nyumuhi lafa etɛ ɔmɛ nɛ nu nyu ɔ kaa bɔ nɛ gbe nuɔ nyu ɔ kɛ he nyɛ yi wami, nɛ ma ngɔ Midian bi ɔmɛ kɛ wo a dɛ mi. Ma a nɛ piɛ ɔ, ha nɛ nɔ tsuaa nɔ nɛ ho e we mi ya.”

Mose V, 8:18

Nyɛ kai kaa Yawɛ, nyɛ Mawu ɔ ji nɔ nɛ haa nyɛ he wami nɛ nyɛ kɛ naa ní. E ngɛ enɛ ɔmɛ pee, ejakaa e ngɛ anɔkuale yee kɛ mwɔɔ ngɛ somi nɛ e kɛ nyɛ nɛmɛ ɔmɛ so ɔ he.

Mateo 26:45

Jehanɛ ɔ lɛɛ e kpale kɛ ba e kaseli ɔmɛ a ngɔ, nɛ e ba de mɛ ke, “Nyɛ he mi jɔ nyɛ nɛ nyɛ ngɛ mahe hwɔe kɛ mwɔɔ? Hyɛ! Ngmlɛfia a su ta, nɛ a maa ngɔ Nɔmlɔ Bi ɔ kɛ wo yayami peeli a dɛ mi.

Kronika II, 26:7

Mawu piɛ e he nɛ e kɛ ye Filisti bi, Arabia bi nɛ ngɛ Gurbaal ɔ, kɛ Meun bi ɔmɛ a nɔ kunimi.

La 89:43

Ee, o ha nɛ e ta hwumi ní ɔmɛ pee yaka, nɛ e nyɛ we ta a nya nɛ e da.