Kronika II, 25:7 - BAIBLO ALOO NGMAMI KLƆUKLƆU Ɔ

⁷ Se gbalɔ ko ba e ngɔ, nɛ e ba de lɛ ke, “Nɛnɛ, o kɛ Israel tabo ɔ ko ya ta, ejakaa Yawɛ je a se; Yawɛ je Efraim bi nɛ ɔmɛ tsuo a se.

Kronika II, 25:7 ပူးပေါင်းရင်းမြစ်များ

Samuel II, 12:1

Kɛkɛ nɛ Yawɛ tsɔ Natan ya de David ligbi ko ke, “Nyumuhi enyɔ hi ma ko mi; nɔ kake ɔ, niatsɛ ji lɛ, se nɔ kake ɔ lɛɛ ohiatsɛ ji lɛ.

Matsɛmɛ I, 12:28

Matsɛ Yeroboam susu nɔ́ nɛ ɔ he saminya. Lɔ ɔ se ɔ, e kɛ sika tsu puɛ na bi enyɔ, nɛ e de ma a ke, “Bɔ nɛ nyɛ nyɛɛ kɛ ya Yerusalem ɔ ba hiɛ! Israel ma, nyɛ mawu ɔmɛ nɛ je nyɛ kɛ je Egipt zugba a nɔ ɔ, mɛ ji nɛ ɔmɛ nɛ!”

Matsɛmɛ I, 13:1

Ligbi ko ɔ, Yawɛ tsɔ gbalɔ ko kɛ je Yuda kɛ ho Betel ya. Benɛ e ya su lejɛ ɔ, Yeroboam daa si ngɛ bɔ sami la tɛ ɔ he nɛ e yaa sã tsopa kɛ e he via.

Matsɛmɛ II, 4:9

Yo ɔ de e huno ke, “Jehanɛ i yɔse kaa nyumu ɔ nɛ pɔɔ wa ngɔ hiɛmɛ nɛ ɔ gumi ɔ, Mawu nɔmlɔ klɔuklɔu ji lɛ.

Kronika II, 13:12

Mawu nitsɛ ji wa hɛ mi nyɛɛlɔ. E we osɔfo ɔmɛ ngɛ hiɛ ɔ kɛ a titimati ɔmɛ. Ke a kpa titimati ɔmɛ pɛ kɛkɛ pe wa he ose kɛ gba ta kɛ wo nyɛ ɔ nɛ. Nyɛ Israel ma, nyɛ ko gba ta kɛ wo Yawɛ, nyɛ nɛmɛ a Mawu ɔ! Nyɛ be kunimi yee!”

Kronika II, 19:2

Gbalɔ Yehu, Hanani binyumu ɔ ba kpee matsɛ ɔ, nɛ e de lɛ ke, “Anɛ e da ha mo kaa o ya piɛ yiwutsotsɛmɛ a he, nɛ o kɛ ni nɛmɛ nɛ a sume Yawɛ nɛ bɔ lo? Nɔ́ nɛ o pee nɛ ɔ ha nɛ Yawɛ mi mi fu mo.

Kronika II, 25:6

Amazia kɛ sika hiɔ nɛ jiɔmi ji kilo akpe etɛ kɛ e nya lafa eywiɛ ya bɔ ta buli akpe lafa hu apaa ngɛ Israel ba piɛ ni ɔmɛ a he.

Hosea 9:13

Imi Hosea, i na ngɛ nina mi nɛ Israel ngɔ e bimɛ ɔmɛ ngɔ ha kaa lohwehi nɛ a maa gbe. Bitsɛmɛ ɔmɛ nitsɛmɛ maa ngɔ a bimɛ ɔmɛ ya ha nɔ gbeli.

1 Timoteo 6:11

Se moo lɛɛ Mawu nɔmlɔ ji mo; lɔ ɔ he ɔ, bɔɔ ní nɛ ɔmɛ a he mɔde: dami sane yemi, Mawu suɔmi nya ní peemi, hemi kɛ yemi, suɔmi, tsui si tomi, kɛ he si bami.

2 Timoteo 3:17

Kɛkɛ ɔ, Mawu tsɔlɔ ɔ maa hi kɛ pi si, nɛ e he maa su kɛ tsu nɔ́ kpakpa.