Kronika II, 25:23 - BAIBLO ALOO NGMAMI KLƆUKLƆU Ɔ

²³ Israel matsɛ, Yehoash nu Yuda matsɛ Amazia, nɛ e kɛ lɛ ba Yerusalem. Benɛ a ba su Yerusalem ɔ, Yehoash ha nɛ a ku Yerusalem gbogbo ɔ gugue lafa ngɔ pue si kɛ je Efraim agbo ɔ nya, kɛ ya si kɔ nya agbo ɔ nya.

Kronika II, 25:23 ပူးပေါင်းရင်းမြစ်များ

Nehemia 8:16

Lɔ ɔ he ɔ, ni ɔmɛ ya poo tso, nɛ a ba ma gbahi ngɛ a tsu ɔmɛ a yi mi, kɛ a we ɔmɛ a mi, kɛ Mawu we ɔ kpo ɔ nɔ, kɛ ma kpe he ɔmɛ nɛ ngɛ Nyu Agbo ɔ kɛ Efraim Agbo ɔ, nya a.

Kronika II, 21:17

A ba tua Yuda, nɛ a ha ní ngɛ matsɛ we ɔ. A nuu matsɛ ɔ yi ɔmɛ, kɛ e binyumu ɔmɛ tsuo nyɔguɛ kɛ je. Matsɛ ɔ binyumu sekpɛ ɔ nɛ a tsɛɛ lɛ Ahazia a pɛ ji nɔ nɛ piɛ ngɛ se.

Yeremia 31:38

Yawɛ ke, “Be ma nɛ a maa ma Yerusalem ehe ekohu kɛ ha mi, kɛ je Hananel mɔ ɔ bonyoku je, kɛ yaa si kɔ̃ nya agbo ɔ he.

Nehemia 12:39

Wa tsa nɔ kɛ ya gu Efraim Agbo ɔ nɔ, Yeshana Agbo ɔ nɔ, Lo Agbo ɔ nɔ, Hananel Mɔ ɔ he, kɛ Lafa Mɔ ɔ he, hluu kɛ ya su To Agbo ɔ nɔ. Wa ba gbe nya ngɛ Buli Agbo ɔ nya.

Kronika II, 26:9

Uzia fia gbogbo ngɔ wo Yerusalem he, nɛ e ma mɔ gagaagahi ngɛ kɔ̃ nya agbo ɔ, kɛ kɔ̃ agbo ɔ a nɔ, kɛ he nɛ gbogbo ɔ lɔgɔ si ngɛ ɔ.

Kronika II, 22:1

Arabia bi komɛ ya gbe Matsɛ Yehoram binyumu ɔmɛ tsuo pɛpɛɛpɛ, nɛ a si jokuɛyo ɔ nɛ a tsɛɛ lɛ Ahazia a pɛ. Lɔ ɔ he ɔ, Yerusalem ma mi bi ɔmɛ wo Ahazia matsɛ konɛ e ye e tsɛ ɔ se.

Luka 14:11

Ejakaa nɔ tsuaa nɔ nɛ woɔ e he nɔ ɔ, a maa ba lɛ si, nɛ nɔ nɛ baa e he si ɔ, a ma wo e nɔ.”

Obadia 1:3

O he nɔ womi ɔ sisi mo. O matsɛ ma a, a fia gbogbo kɛ wo he ngɛ tɛ sa nɔ; o hi he ngɛ yo ɔmɛ a nɔ tsitsaa, lɔ ɔ he ɔ, o deɔ ngɛ o yi mi ke, ‘Mɛnɔ po ma nyɛ maa gbla mi kɛ ba zugba?’

Daniel 4:37

“Enɛ ɔ he je ɔ imi Nebukadnezar, i ngɛ matsɛ nɛ ngɛ hiɔwe ɔ yi jee; i ngɛ e hɛ mi nyami woe, nɛ i ngɛ jajee kaa e kle agbo. E peeɔ nɔ́ tsuaa nɔ́ saminyayoo, nɛ e blɔ ɔmɛ hu da. Nihi nɛ woɔ a he nɔ ɔ, e nyɛɔ baa mɛ si.”

Abɛ Womi 29:23

Nɔ nɛ woɔ e he nɔ ɔ, a maa ba lɛ si; se nɔ nɛ baa e he si ɔ, a maa wo e hɛ mi nyami.

Abɛ Womi 16:18

Nɔ nɛ woɔ e he nɔ ɔ, e hɛ mi kpataa; nɔ nɛ tsɔɔ e he ɔ, e blɔ nya jeɔ e dɛ.

Kronika II, 36:10

Benɛ jeha su ɔ, Matsɛ Nebukadnezar tsɔ nɛ a ba ngɔ lɛ kɛ ho Babilonia ya; a muɔ Yawɛ we ɔ mi june ɔmɛ hu kɛ je. Nebukadnezar wo Yehoyakin nyɛminyumu Zedekia matsɛ ngɛ Yuda, kɛ Yerusalem a nɔ.

Kronika II, 36:6

Benɛ Yehoyakim ngɛ matsɛ yee ɔ, Babilonia matsɛ, Nebukadnezar hia ta ba tua Yuda, nɛ e nu Yehoyakim kɛ ho Babilonia ya, ngɛ pã mi.

Kronika II, 33:11

Enɛ ɔ he je ɔ, Yawɛ ha nɛ Asiria tabo ɔ asafoatsɛmɛ ɔmɛ ba tua Yuda. A kɛ gbowehi nu Manase nɛ a wo lɛ kɔsɔkɔsɔ, nɛ a ngɔ lɛ kɛ ho Babilon ya.

Kronika II, 22:6

Lɔ ɔ he ɔ, e kpale e se kɛ ho Yezreel ma a mi ya konɛ e ya tsa e he. Yuda matsɛ, Ahazia, Yehoram binyumu ɔ hu bú e nɔ nɛ e ya slaa lɛ.

Matsɛmɛ II, 14:13

Israel matsɛ, Yehoash nu Yuda matsɛ, Amazia nyɔguɛ. Lɔ ɔ se ɔ, e ho Yerusalem ya nɛ e ya ku Yerusalem gbogbo ɔ gugue lafa, kɛ je Efraim agbo ɔ nya kɛ ya si kɔ nya agbo ɔ nya.

Kronika II, 25:22

Israel ye Yuda nɔ kunimi, nɛ Yuda ta buli ɔmɛ tsuo tu fo kɛ ho a wehi a mi ya.

Kronika II, 32:5

Matsɛ ɔ dla Yerusalem ma a he fami ní ɔmɛ; gbogbohi nɛ ku ɔ, e kpale fia mɛ ekohu, nɛ e ma mɔhi ngɛ a nɔ; e fia gbogbo enyɔne hulɔ kɛ wo ma a he. Jehanɛ se hu, e dla Milo mɔ ɔ nɛ ngɛ David ma a mi ɔ, nɛ e sɔ kɛ̃ɛ̃hi kɛ tsɛ̃ihi babauu.