Kronika II, 25:19 - BAIBLO ALOO NGMAMI KLƆUKLƆU Ɔ

¹⁹ Mo Amazia, nɛ o gbe Edom bi ɔmɛ he je ɔ, o ngɛ o he nɔ woe. I ngɛ mo ga woe ke o hi si ngɛ o we mi. Mɛni sane o ngɛ hlae nɛ o je ɔ? Anɛ o li kaa nɔ́ nɛ ɔ kɛ haomi maa ba o kɛ o ma Yuda tsuo nyɛ nɔ lo?”

Kronika II, 25:19 ပူးပေါင်းရင်းမြစ်များ

Kronika II, 25:20

Se Amazia tsi e tue. Mamoo Mawu suɔmi nya ji kaa a ye Amazia nɔ kunimi, ejakaa e ya ja Edom amaga amɛ.

Kronika II, 26:16

Se benɛ Uzia tsɛ yemi ɔ ba he si ɔ, e wo e he nɔ, nɛ nɔ́ nɛ ɔ ha nɛ e hɛ mi kpata. E ya sã tsopa kɛ e he via ngɛ tsopa kɛ e he via sami la tɛ ɔ nɔ ngɛ Yawɛ we ɔ, nɛ e kɛ nɔ́ nɛ ɔ tɔ̃ Yawɛ, e Mawu ɔ nɔ.

Kronika II, 32:25

Se kpakpa nɛ ɔ nɛ a pee Hezekia a, e nɛ Yawɛ si, nɛ e je we Yawɛ yi kɛ to nane mi; mohu ɔ, e wo e he nɔ. Enɛ ɔ he je ɔ, Yawɛ mi mi fu lɛ, kɛ Yuda, kɛ Yerusalem.

Kronika II, 35:21

Se Neko ngɔ sɛ gbi nɛ ɔ mane Yosia ke, “Ta nɛ i gba nɛ ɔ kɔ we mo, Yuda matsɛ, o he. Tsa pi mo nɛ i kɛ na; pe i ba nɛ i kɛ ye he nyɛli ɔmɛ nɛ ba hwu, nɛ Mawu de mi ke ma pee esɔ. Mawu kɛ mi ngɛ. Lɔ ɔ he ɔ, koo te si ngɔ wo mi nɛ e ko ba kpata o hɛ mi.”

Abɛ Womi 13:10

Nɔ buimi ɔ, haomi kɛkɛ e kɛ baa. Ní leli ji ni nɛmɛ nɛ buɔ ga womi tue.

Abɛ Womi 16:18

Nɔ nɛ woɔ e he nɔ ɔ, e hɛ mi kpataa; nɔ nɛ tsɔɔ e he ɔ, e blɔ nya jeɔ e dɛ.

Abɛ Womi 18:6

Kuasia nya mi munyu woɔ pɛ, kunɔ lɛ nyɛɛɔ se.

Abɛ Womi 20:3

Nɔ nɛ bu ngɛ e he ɔ, e yuu e he kɛ jee pɛ he. Kuasiahi lɛ a hii pɛe kpamisa.

Abɛ Womi 26:17

Nɔ nɛ kɛ e he woɔ pɛ nɛ kɔ we e he mi ɔ, e ngɛ kaa nɔ ko nɛ na gbe nɛ bee nɛ e nu gbe ɔ tue.

Abɛ Womi 28:25

Nɔ nɛ hɛ tsuɔ ɔ, pɛ wolɔ ji lɛ. Se nɔ nɛ ngɔɔ e he kɛ fɔɔ Yawɛ nɔ ɔ, níhi a mi hii ha lɛ.

Yeremia 9:23

Yawɛ ke, “Ní lelɔ nɛ ko fĩa kɛ fɔ e nile nɔ, nɔ nɛ ngɛ he wami ɔ, e ko fĩa kɛ fɔ e he wami nɔ, niatsɛ nɛ ko fĩa kɛ fɔ e níhi a nɔ.

Daniel 11:12

Nɔ́ nɛ ɔ ma ha nɛ e ma wo e he nɔ, nɛ e maa gbe nimli babauu nitsɛ. Se kɛ̃ ɔ, e kunimi yemi ɔ se be kɛe.

Habakuk 2:4

Enɛ ɔ ji sɛ gbi ɔ nɛ: ‘Yayami peeli a hɛ mi ma kpata; se dali lɛɛ, akɛnɛ a yeɔ Mawu anɔkuale ɔ, a yi ma na wami.’ ”

Luka 14:31

“Ke matsɛ ko, kɛ e ta buli akpe nyɔngma yaa nɛ e kɛ matsɛ kpa, kɛ lɛ hu e ta buli akpe nyingmi enyɔ ya hwu ta a, bɔ nɛ e maa pee ji nɛ ɔ nɛ. Kekleekle ɔ, e maa hi si, nɛ e ma susu e yi mi nɛ e hyɛ kaa e ma nyɛ nɛ e kɛ matsɛ kpa a nɛ hwu lo.

1 Korintobi 1:29

E pee enɛ ɔ, konɛ nɔ ko nɔ ko kó fĩa ngɛ e hɛ mi.

Mose V, 8:14

nyɛɛ hyɛ saminya nɛ nyɛ ko wo nyɛ he nɔ, nɛ nyɛ hɛ ba je Yawɛ, nyɛ Mawu ɔ nɔ. Lɛ nɛ je nyɛ kɛ je Egipt, he nɛ a ye nyɛ nyɔguɛ ngɛ ɔ.

Yakobo 4:6

Se mɔbɔ nɛ Mawu naa wɔ ɔ nya wa kulaa pe lɔ ɔ po. Kaa bɔ nɛ ngmami ɔ deɔ ɔ, “Nihi nɛ woɔ a he nɔ ɔ, Mawu baa mɛ si; se ni nɛmɛ nɛ baa a he si ɔ lɛɛ e dlooɔ mɛ.”

1 Petro 5:5

Ja nɔuu, nyɛ nihewi ɔmɛ hu, nyɛɛ ba nyɛ he si ha nikɔtɔma amɛ. Nyɛ tsuo pɛpɛɛpɛ nyɛ sɔmɔ nyɛ sibi kɛ he si bami. Ejakaa ngmami ɔ ke, “Nihi nɛ woɔ a he nɔ ɔ, Mawu kɛ mɛ toɔ ní; se nihi nɛ baa a he si ɔ, Mawu dlooɔ mɛ.”