Kronika II, 25:12 - BAIBLO ALOO NGMAMI KLƆUKLƆU Ɔ

¹² nɛ a nuu a ti nihi akpe nyɔngma hu hɛ ngmengmle. A ngɔ ni nɛmɛ nɛ a nuu hɛ ngmengmle ɔ kɛ ya tɛ sa ko yi mi ngɛ Sela ma a mi, nɛ a tsitsɛɛ a yi se kɛ wo kɔ̃ ɔ mi, nɛ tɛ sa amɛ tsɔtslɔɔ a mi dukuduku.

Kronika II, 25:12 ပူးပေါင်းရင်းမြစ်များ

Kronika II, 20:10

“Amlɔ nɛ ɔ, Amon bi, Moab bi, kɛ Edom bi ba tua wɔ. Benɛ wa nɛmɛ ɔmɛ je Egipt kɛ ma a, o kplɛɛ we nɛ a ya gu jamɛ a zugba amɛ a nɔ. Enɛ ɔ he je ɔ, wa nɛmɛ ɔmɛ ya lɔgɔ mɛ, nɛ a kpataa we a hɛ mi.

Kronika I, 20:3

Ma a mi bi ɔmɛ nitsɛmɛ lɛɛ David muɔ mɛ kɛ ba nɛ e ba ha mɛ ní tsumi kpakpataa komɛ nɛ a kɛ sau, dade kpakplaa kɛ gbiɛ slɔɔtohi tsuɔ. David pee Amon bi ɔmɛ a ma kpa amɛ tsuo kikɛ nɛ ɔ nɔuu. Lɔ ɔ se ɔ, e kɛ e we bi ɔmɛ kpale kɛ ba Yerusalem.

Samuel II, 12:31

Ma a mi bi ɔmɛ nitsɛmɛ lɛɛ e muɔ mɛ kɛ ba nɛ e ba ha mɛ ní tsumi kpakpataa komɛ nɛ a kɛ sauhi kɛ dade gbiɛ slɔɔtohi tsuɔ. Jehanɛ se hu, e nyɛ ni ɔmɛ a nɔ nɛ a sã bliikisi. David pee Amon bi ɔmɛ a ma kpa amɛ tsuo kikɛ nɛ ɔ nɔuu. Lɔ ɔ se ɔ, David kɛ ma a tsuo kpale kɛ ba Yerusalem.

Kronika II, 25:11

Jehanɛ, Amazia ba na he wami he, nɛ e nyɛɛ e ma a hɛ mi kɛ ya Ngo kɔ̃ ɔ mi. A kɛ Edom bi ɔmɛ ya hwu ta ngɛ lejɛ ɔ, nɛ a gbe Edom ta buli akpe nyɔngma,

Kronika II, 25:13

Jamɛ a be ɔ mi ɔ, Israel ta buli ɔmɛ nɛ Amazia ha we nɛ a piɛ a he kɛ ya ta a ho ya tua Yuda ma amɛ nɛ ngɛ Samaria kɛ Bet Horon a kpɛti ɔ, nɛ a gbe nyumuhi akpe etɛ, nɛ a ha níhi babauu.

Kronika II, 25:15

Nɔ́ nɛ ɔ ha nɛ Yawɛ mi mi fu Amazia, nɛ e tsɔ gbalɔ ko kɛ ba e ngɔ. Gbalɔ ɔ ba bi lɛ ke, “Ma se mawuhi nɛ a nyɛ we nɛ a je mɛ nitsɛmɛ a ma mi bi kɛ je o dɛ mi ɔ, mɛni he je o ngɛ mɛ jae?”

La 141:6

Ke a ngɔ a matsɛmɛ ɔmɛ kɛ wo nihi nɛ ma kpata a hɛ mi a dɛ mi ɔ, ma a ma na maa le kaa Yawɛ munyu ɔ, anɔkuale sisiisi.