Kronika II, 24:7 - BAIBLO ALOO NGMAMI KLƆUKLƆU Ɔ

⁷ (Jamɛ a yo yiwutsotsɛ ɔ nɛ a tsɛɛ lɛ Atalia a, e se nyɛɛli ɔmɛ ya ku Yawɛ we ɔ, nɛ a muɔ ní klɔuklɔuhi nɛ ngɛ lejɛ ɔ kɛ ho Baal piɛ ɔ mi ya.)

Kronika II, 24:7 ပူးပေါင်းရင်းမြစ်များ

Matsɛmɛ II, 11:1

Benɛ Matsɛ Ahazia nyɛ Atalia na le kaa a gbe e binyumu ɔ, e ha nɛ a kpata matsɛ we mi bimɛ ɔmɛ tsuo a hɛ mi.

Matsɛmɛ II, 12:4

Ligbi ko ɔ, Yoash de osɔfo ɔmɛ ke sika tsuo pɛpɛɛpɛ nɛ ma a kɛ baa Yawɛ we ɔ kaa nike ní klɔuklɔu ɔ, a ngɔ kɛ to. Lɔ ɔ ji sika nɛ nyumu tsuaa nyumu haa be mi nɛ a kane lɛ, sika nɛ nɔ tsuaa nɔ haa kɛ kpɔɔ e susuma, kɛ sika nɛ nɔ ko haa kɛ jeɔ lɛ nitsɛ e tsui mi.

Kronika II, 21:17

A ba tua Yuda, nɛ a ha ní ngɛ matsɛ we ɔ. A nuu matsɛ ɔ yi ɔmɛ, kɛ e binyumu ɔmɛ tsuo nyɔguɛ kɛ je. Matsɛ ɔ binyumu sekpɛ ɔ nɛ a tsɛɛ lɛ Ahazia a pɛ ji nɔ nɛ piɛ ngɛ se.

Kronika II, 22:3

Ahazia hu ya wo Ahab nane nɛ e kɛ pee yayami; ejakaa e nyɛ ji nɔ nɛ woɔ lɛ ga.

Kronika II, 24:4

Benɛ Yoash ye matsɛ ɔ be saii ɔ, e to e yi mi kaa e ma dla Yawɛ we ɔ, nɛ e pee lɛ ehe.

Ester 7:6

Manyɛ Ester he nɔ ke, “Wa he nyɛlɔ, kɛ nɔ nɛ ngɛ wɔ yi mi wae ɔ ji yiwutsotsɛ nɛ ɔ nɛ a tsɛɛ lɛ Haman ɔ!” Haman kɛ sawale hyɛ matsɛ ɔ, kɛ manyɛ ɔ a hɛ mi gaa.

Abɛ Womi 10:7

E ji gbaami kaa a ma kai nimli kpakpahi daa; yayami peeli lɛɛ e kɛ we nɛ hɛ jeɔ a nɔ.

Daniel 5:23

O bui Nyɔmtsɛ ɔ nɛ ngɛ hiɔwe ɔ fɛɛ. Kplu ɔmɛ nɛ a ya muɔ ngɛ e we ɔ, o ya ngɔ kɛ ba hiɛ ɔ. O ma nimeli ɔmɛ, o yi ɔmɛ, kɛ o plã amɛ nu dã ngɛ kplu ɔmɛ a mi, nɛ nyɛ je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi. Mawuhi nɛ a hyɛ we nɔ́, nɛ a nui nɔ́, nɛ a li nɔ́ ko nɔ́ ko ɔ, nyɛ je a yi. Se Mawu ɔ nɛ ngɛ he wami ngɛ o nɔ́ tsuaa nɔ́ nɔ, nɔ nɛ ke e de ke o gbo, kɛkɛ nɛ o ma gbo, aloo ke e ke o hi je mi, nɛ o yi ma na wami ɔ, jamɛ a Mawu ɔ lɛɛ nyɛ wui e hɛ mi nyami.

Hosea 2:10

Ma kpa bo ngɛ e he ngɛ e pla amɛ a hɛ mi paa; nɛ nɔ ko nɔ ko be nyɛe ma kpɔ lɛ.

Hosea 2:13

Ma gbla Gomer tue ngɛ níhi nɛ e pee be ko ɔ a he. Ke pee ɔ, Gomer ma dla e he saminyayoo kɛ nguɛ ní, kɛ june kpakpa, nɛ e ma ya sã tsopa kɛ e he via ha Baal. E ma dla e he saminyayoo kikɛ nɛ ɔ, nɛ e ma ya hi e pla amɛ a nɔ kpae; kɛkɛ ɔ, e hɛ maa je ye nɔ pɛsɛpɛsɛ. Ma gbla e tue ngɛ ní nɛ ɔmɛ a he. Yawɛ lɛ de.

2 Tesalonikabi 2:8

Kɛkɛ ɔ, a ma je dikalɔ ɔ kpo paa. Se ke Nyɔmtsɛ Yesu ba a, e kɛ mumi nɛ maa je e nya mi ɔ maa gbe lɛ, nɛ e hɛ mi kpɛmi ɔ ma kpata dikalɔ ɔ hɛ mi pɛsɛpɛsɛ.

Kpojemi 2:20

Se kɛ̃ ɔ, i kɛ mo ngɛ sane. O ngmɛ blɔ nɛ Yezebel, jamɛ a yo ɔ nɛ tsɛɔ e he gbalɔ ɔ ngɛ ye ma a ní tsɔɔe. E kɛ tsɔɔmi nɛ ɔ sisi mɛ, nɛ a ya ngɛ yo kɛ nyumu yakayaka fiɛmi fiɛe; nɛ a ngɛ wɔ nya ní hu yee.

Manyadali 2:11

Israel bi ɔmɛ pee yayami kɛ si Yawɛ nɛ a ya sɔmɔ Baalhi.