Kronika II, 24:27 - BAIBLO ALOO NGMAMI KLƆUKLƆU Ɔ

²⁷ Yoash binyumu ɔmɛ a he sanehi, gbamihi nɛ a gba kɛ si lɛ, kɛ bɔ nɛ e dla Yawɛ we ɔ nɛ e pee lɛ ehe ekohu ɔ, a ngma ní nɛ ɔmɛ tsuo ngɛ Matsɛmɛ ɔmɛ a Womi ɔ sisi tsɔɔmi womi ɔ mi. Yoash binyumu Amazia ba ye matsɛ ngɛ e tsɛ ɔ se.

Kronika II, 24:27 ပူးပေါင်းရင်းမြစ်များ

Kronika II, 25:1

Amazia ba bɔni tsɛ yemi benɛ e ye jeha nyingmi enyɔ kɛ enuɔ, nɛ e hi Yerusalem kɛ ye matsɛ jeha nyingmi enyɔ kɛ nɛɛ. E nyɛ biɛ ji Yehoadin, nɛ e je Yerusalem ma a mi.

Kronika II, 24:12

Matsɛ ɔ kɛ Yehoyada ngɔ sika a kɛ ha nihi nɛ a tu Yawɛ we ɔ dlami ní tsumi ɔ ngɔ wo a dɛ ɔ. Mɛ hu a ya bɔ tɛ gbali, kapitɛhi, dade ga ní tsuli, kɛ akɔblee ga ní tsuli apaa konɛ a ba dla Yawɛ we ɔ.

Kronika II, 20:34

Ní kpahi tsuo nɛ Yehoshafat pee kɛ je e matsɛ yemi ɔ sisije kɛ ya si nyagbe ɔ, a ngma ngɛ Hanani binyumu Yehu Blema Sanehi Womi ɔ mi. Israel Matsɛmɛ ɔmɛ a Blema Sanehi Womi ɔ mi fa ji womi nɛ ɔ nɛ.

Kronika II, 16:11

Asa he sanehi kɛ je sisije kɛ ya si nyagbe ɔ, a ngma ngɛ Yuda kɛ Israel Matsɛmɛ ɔmɛ a Blema Sanehi Womi ɔ mi.

Kronika II, 13:22

Abiya he sane kpahi nɛ piɛ, níhi nɛ e de, kɛ níhi nɛ e pee tsuo ɔ, a ngma ngɛ gbalɔ Ido blema sanehi womi ɔ mi.

Kronika II, 9:29

Salomo he sane kpahi nɛ piɛ, kɛ je sisije kɛ ya si nyagbe ɔ, a ngma ngɛ blema sanehi womi nɛ ɔmɛ a mi: gbalɔ Natan he sane, Ahiya nɛ je Shilo ɔ gbami ɔ, kɛ gbalɔ Ido nina amɛ nɛ kɔɔ Israel matsɛ, Yeroboam hu tsɛ yemi he.

Kronika I, 3:12

Amazia, Uzia, Yotam,

Matsɛmɛ II, 12:18

Nike ní klɔuklɔuhi tsuo nɛ Yehoshafat, Yehoram, kɛ Ahazia, nɛ ji Yuda matsɛmɛ nɛ nyɛɛ Yoash hɛ mi ɔ gbaa nɔ kɛ ha Yawɛ ɔ, Matsɛ Yoash ngɔ. E kɛ lɛ nitsɛ e ní klɔuklɔu ɔmɛ, kɛ sika tsuo nɛ a na ngɛ Yawɛ we ɔ, kɛ matsɛ we ɔ nito he ɔmɛ piɛ he, nɛ e tsɔ nɛ a ngɔ ya ha Siria matsɛ, Hazael. Kɛkɛ nɛ Hazael kpale e se kɛ je Yerusalem.

Kronika II, 24:26

Nihi nɛ so ngɔ wo e he ɔ ji nɛ ɔmɛ nɛ: Zabad, Amon yo ko nɛ a tsɛɛ lɛ Shimeat ɔ binyumu, kɛ Yehozabad, Moab yo ko nɛ a tsɛɛ lɛ Shimrit ɔ binyumu.