Kronika II, 24:25 - BAIBLO ALOO NGMAMI KLƆUKLƆU Ɔ

²⁵ A plaa Yoash wawɛɛ nitsɛ. Benɛ he nyɛli ɔmɛ kpale a se ɔ, e tsɔli ɔmɛ a ti nihi enyɔ so ngɔ wo e he, nɛ a gbe lɛ ngɔ wo sa mi. A pee nɔ́ nɛ ɔ kɛ ye osɔfo Yehoyada binyumu ɔ nɛ e gbe ɔ he lue. A pu Yoash ngɛ David ma a mi mohu, se a pu we lɛ ngɛ matsɛmɛ ɔmɛ a pu he ɔ.

Kronika II, 24:25 ပူးပေါင်းရင်းမြစ်များ

Matsɛmɛ I, 15:27

Ahiya binyumu Baasha nɛ je Isakar wɛtso ɔ mi ɔ so Nadab yi nɔ, nɛ e gbe lɛ ngɛ Filisti bi a ma nɛ a tsɛɛ Gibeton ɔ. Jamɛ a be ɔ, Nadab kɛ e tabo ɔ ho ya sa Gibeton ma a yi.

Kronika II, 21:16

Kɛkɛ nɛ Yawɛ sú Filisti bi ɔmɛ, kɛ Arabia bi ɔmɛ nɛ a ngɛ Sudan bi ɔmɛ a kasa nya a kɛ wo Yehoram he.

Kronika II, 22:6

Lɔ ɔ he ɔ, e kpale e se kɛ ho Yezreel ma a mi ya konɛ e ya tsa e he. Yuda matsɛ, Ahazia, Yehoram binyumu ɔ hu bú e nɔ nɛ e ya slaa lɛ.

Kronika II, 22:9

A hla Ahazia kɛ kpa si kɛ ya si a ya nu lɛ ngɛ Samaria, he nɛ e ya laa e he ngɛ ɔ. A ngɔ lɛ kɛ ba Yehu ngɔ, nɛ a ba gbe lɛ. Se kɛ̃ ɔ, bumi nɛ a ngɛ kɛ ha e nɛ̃, Matsɛ Yehoshafat he je ɔ, a pu lɛ; ejakaa Yehoshafat sɔmɔ Yawɛ kɛ e tsui tsuo. Nɛ e pee ja a, nɔ ko pa be Ahazia weku ɔ mi hu nɛ ma nyɛ maa ye matsɛ.

Kronika II, 24:16

A pu lɛ ngɛ matsɛmɛ ɔmɛ a pu he ɔ ngɛ David ma a mi. A pee nɔ́ nɛ ɔ kɛ wo e hɛ mi nyami ngɛ ní tsumi nɛ e tsu kɛ ha Israel ma a, kɛ Mawu we ɔ he.

Kronika II, 24:26

Nihi nɛ so ngɔ wo e he ɔ ji nɛ ɔmɛ nɛ: Zabad, Amon yo ko nɛ a tsɛɛ lɛ Shimeat ɔ binyumu, kɛ Yehozabad, Moab yo ko nɛ a tsɛɛ lɛ Shimrit ɔ binyumu.

Kronika II, 25:27

Kɛ je be mi nɛ Amazia je Yawɛ se ɔ, e ma mi bi ɔmɛ so ngɔ wo e he ngɛ Yerusalem. Nyagbenyagbe ɔ, e tu fo kɛ ho Lakish ma a mi ya; se e he nyɛli ɔmɛ nyɛɛ e se, nɛ a ya gbe lɛ ngɛ lejɛ ɔ.

Kronika II, 25:3

Benɛ e matsɛ yemi ɔ ba da si ɔ, e gbe e tsɔli ɔmɛ nɛ gbe matsɛ ɔ nɛ ji e tsɛ ɔ.

Kronika II, 28:27

Matsɛ Ahaz ba gbo, nɛ a pu lɛ ngɛ Yerusalem; se a pu we lɛ ngɛ matsɛmɛ ɔmɛ a pu he ɔ. E bi Hezekia ba ye matsɛ ngɛ e se.

La 10:14

Se moo lɛɛ o ngɛ nɔ́ tsuaa nɔ́ hyɛe. Niinɛ, o ngɛ haomi ɔ, kɛ aywilɛho ɔ hyɛe, nɛ o maa pee he nɔ́ ko kɛ̃. Nɔ nɛ e fi lɛ ɔ, o nɔ lɛ e ngɔɔ e hɛ kɛ fɔɔ. Mo ji awusahi a he piɛlɔ.

Kpojemi 16:6

Ejakaa adesa pue o ni klɔuklɔu ɔmɛ, kɛ gbali ɔmɛ a muɔ si. Enɛ ɔ he je ɔ, o ha mɛ muɔ ke a nu. Ee, nɔ́ pɛ nɛ sa mɛ ji nɛ ɔ nɛ!”