Kronika II, 24:24 - BAIBLO ALOO NGMAMI KLƆUKLƆU Ɔ

²⁴ Siria tabo ɔ, a he pi kulaa. Se Yawɛ ngɔ Yuda ta buli babauu ɔ ngɔ wo a dɛ mi; ejakaa ma a kua Yawɛ, a nɛmɛ a Mawu ɔ. Blɔ nɔ nɛ a gu kɛ gbla Yoash tue ji nɛ ɔ nɛ.

Kronika II, 24:24 ပူးပေါင်းရင်းမြစ်များ

Matsɛmɛ II, 12:17

Jamɛ a be ɔ, Siria matsɛ, Hazael ya tua Gat, nɛ e ngɔ ma a; nɛ e to e yi mi kaa e ma ya tua Yerusalem hulɔ.

Kronika II, 16:7

Jamɛ a be ɔ mi ɔ, gbalɔ Hanani ba Yuda matsɛ, Asa ngɔ, nɛ e ba de lɛ ke, “Akɛnɛ o ngɔ o hɛ ngɔ fɔ Siria matsɛ ɔ nɔ, nɛ o ngɔɛ o hɛ ngɔ fɔɛ Yawɛ, o Mawu ɔ nɔ he je ɔ, Siria matsɛ tabo ɔ tu fo kɛ je o he.

Kronika II, 22:8

Benɛ Yehu nyɛɛ Ahab weku li ɔmɛ, kɛ e huɛmɛ ɔmɛ a se nɛ e ngɛ mɛ gbee ɔ, e ya na Yuda ganɔ komɛ, kɛ Ahazia nyɛmimɛ ɔmɛ a bimɛ nɛ nyɛɛ Ahazia se kɛ ya slaa Yoram ɔ. Yehu gbe mɛ tsuo pɛpɛɛpɛ.

Kronika II, 24:20

Kɛkɛ nɛ Mawu mumi ɔ ba osɔfo Yehoyada binyumu Zakaria nɔ. E ho ya da si ngɛ he nɛ ma a maa na lɛ ngɛ, nɛ e de mɛ ke, “Yawɛ Mawu ɔ ngɛ nyɛ bie ke, mɛni he je nyɛ kua e mlaa amɛ a nɔ yemi, nɛ nyɛɛ kɛ haomi ba nyɛ nɔ nɛ ɔ! Nyɛ kua Yawɛ, lɔ ɔ he ɔ, lɛ hu e kua nyɛ!”

Kronika II, 28:5

Akɛnɛ Matsɛ Ahaz pee yayami he je ɔ, Yawɛ, e Mawu ɔ ha nɛ Siria matsɛ ɔ ba ye e nɔ kunimi, nɛ e nuu Yuda bi babauu nyɔguɛ kɛ ho Damasko ya. Jehanɛ hu, Yawɛ ha nɛ Israel matsɛ, Peka, Remalia binyumu ɔ ba ye Ahaz nɔ, nɛ e gbe Yuda ta buli kpakpahi akpe lafa kɛ nyingmi enyɔ ligbi kake. Yawɛ, a nɛmɛ a Mawu ɔ ngmɛ blɔ nɛ a pee nɔ́ nɛ ɔ, ejakaa Yuda ma a kua lɛ.

Yesaya 13:5

A je tsitsaa je mi nyagbe he ɔmɛ tsuo kɛ ma. Yawɛ kɛ e mi mi fumi ɔ ma kpata zugba a tsuo hɛ mi.

Yesaya 30:17

Nyɛ he nyɛli ɔmɛ a ta bulɔ kake too maa wo nyɛ ta buli akpe fo; nɛ a nihi enuɔ pɛ maa wo nyɛ tsuo fo. Nyɛ tabo ɔ tsuo ma wo fo, nɛ nɔ́ nɛ maa piɛ ngɛ se ji aflangaa tso nɛ maa si ngɛ yoku yi mi!

Yeremia 37:10

Ke e ba mi kaa nyɛ ye Babilonia tabo ɔ tsuo nɔ, nɛ e piɛ nihi nɛ plaa kɛ pueɔ si ngɛ a bo tsuhi a mi po, jamɛatsɛmɛ ɔmɛ maa te si nɛ a maa sã ma nɛ ɔ kɛ̃.”

Mose III, 26:25

Ma ha ta ma ba tua nyɛ; ma ngɔ ta a kɛ gbla nyɛ tue. Ke nyɛ bua nyɛ he nya kɛ laa nyɛ he ngɛ ma amɛ a mi ɔ, ma ha hiɔ nɛ be tsa ba maa sɛ nyɛ kpɛti; ma ngɔ nyɛ ngɔ wo nyɛ he nyɛli ɔmɛ a dɛ mi.

Mose III, 26:37

Nyɛ maa nɔɔ nyɛ sibi a nɔ kaa nɔ́ nɛ ta nya fo nyɛ ngɛ tue, pohu nɔ ko nyɛɛ we nyɛ se. Nyɛ be nyɛe maa da nyɛ he nyɛli ɔmɛ a nya.

Mose III, 26:8

Nyɛ ti ni enuɔ maa fie nyɛ he nyɛli lafa, nɛ nihi lafa maa fie nyɛ he nyɛli akpe nyɔngma; nyɛ maa ye mɛ tsuo a nɔ kunimi.

Habakuk 1:12

Yawɛ, mo ji Mawu kɛ je blema lokoo. Ye Mawu ji mo, o ngɛ klɔuklɔu, nɛ o ngɛ daa kɛ daa. Yawɛ ye Mawu kɛ ye yi baalɔ; mo nitsɛ nɛ o hla Babilonia bi ɔmɛ, nɛ o ha a te si wo wɔ, konɛ a nyɛ nɛ a gbla wa tue.

Zefania 1:2

Yawɛ ke, “Ma kpata nɔ́ tsuaa nɔ́ hɛ mi ngɛ je ɔ mi:

Mose V, 28:25

“Yawɛ ma ha nyɛ he nyɛli ɔmɛ maa ye nyɛ nɔ. Nyɛ maa gu he kake kɛ ya tua mɛ, se a maa gbɛ nyɛ ngɔ fĩa basaa, nɛ zugba a nɔ matsɛ yemi ɔmɛ tsuo maa ye gbeye ngɛ nɔ́ nɛ ba nyɛ nɔ ɔ he.

Mose V, 28:48

Lɔ ɔ he ɔ, nyɛ ma sɔmɔ nyɛ he nyɛli ɔmɛ nɛ Yawɛ ma ha nɛ a te si kɛ wo nyɛ ɔ. Hwɔ kɛ kuma maa ye nyɛ; nyɛ maa hɛɛ nyɛ he gu, nɛ nɔ́ tsuaa nɔ́ maa hia nyɛ. Nyɛ he nyɛli maa wa nyɛ yi mi wawɛɛ kɛ yaa si a ma kpata nyɛ hɛ mi pɛsɛpɛsɛ.

Mose V, 32:30

Kɛ pee kɛɛ nɛ nɔ kake maa fie nihi akpe? Kɛ pee kɛɛ nɛ nihi enyɔ pɛ maa wo nihi akpe nyɔngma fo? Yawɛ, a Mawu ɔ kua mɛ; a Mawu ngua a ngmɛɛ a he.