Kronika II, 24:22 - BAIBLO ALOO NGMAMI KLƆUKLƆU Ɔ

²² Matsɛ Yoash hɛ je si himi kpakpa nɛ Zakaria tsɛ Yehoyada kɛ lɛ hi ɔ nɔ, nɛ e gbe e binyumu Zakaria. Benɛ Zakaria miɔ nɛ e ma gbo ɔ, e de ke “Yawɛ nɛ hyɛ nɔ́ nɛ nyɛ ngɛ pee ɔ nɛ e gbla nyɛ tue!”

Kronika II, 24:22 ပူးပေါင်းရင်းမြစ်များ

Mose I, 42:22

Ruben de mɛ ke, “Tse i de nyɛ ke nyɛ ko pee jokuɛ ɔ yayami ko nɛ nyɛ bui mi tue; e gbenɔ ɔ he tue gblami nɛ wa ngɛ nae nɛ ɔ nɛ.”

Mose I, 9:5

Ke nɔ ko pue nɔmlɔ adesa muɔ si ɔ, a maa gbla e tue. Lohwe tsuaa lohwe nɛ maa gbe nɔmlɔ adesa a, ma gbe lɛ.

La 10:14

Se moo lɛɛ o ngɛ nɔ́ tsuaa nɔ́ hyɛe. Niinɛ, o ngɛ haomi ɔ, kɛ aywilɛho ɔ hyɛe, nɛ o maa pee he nɔ́ ko kɛ̃. Nɔ nɛ e fi lɛ ɔ, o nɔ lɛ e ngɔɔ e hɛ kɛ fɔɔ. Mo ji awusahi a he piɛlɔ.

La 109:4

I suɔ mɛ, nɛ i faa kue kɛ haa mɛ, se mɛɛ lɛɛ a poɔ ye nya yaka gu.

La 9:13

Yawɛ, mo nɛ o jeɔ mi kɛ jeɔ gbenɔ dɛ mi. Hyɛ bɔ nɛ ye he nyɛli ngɛ mi haoe ha nɛ o na mi mɔbɔ,

Abɛ Womi 17:13

Nɔ nɛ ngɔɔ yayami kɛ toɔ kpakpa nane mi ɔ, yayami be e we mi tae gblegbleegble.

Yeremia 11:20

Kɛkɛ nɛ i sɔle ke, “Yawɛ Tabohiatsɛ lee, kojolɔ nɛ yeɔ dami sane; mo nɛ o hyɛɛ nɔmlɔ adesa tsui mi kɛ e juɛmi mi fitsofitso. I to ye sane ɔ kɛ wo o dɛ; lɔ ɔ he ɔ, i ngɛ mo hyɛe konɛ o wo nimli nɛ ɔmɛ hiɔ bɔ nɛ sa mɛ.”

Yeremia 51:56

A ba kpata Babilon hɛ mi; a nuu Babilon ta buli ɔmɛ, nɛ a ku a kɛ̃ɛ̃ ɔmɛ. Mawu nɛ woɔ yayami he hiɔ ji mi, ma gbla Babilon tue bɔ nɛ sa lɛ.

Luka 11:51

Kɛ je Habel nɔ kɛ yaa su Zakaria nɛ a gbe ngɛ bɔ sami la tɛ ɔ, kɛ he klɔuklɔu ɔ a kpɛti ɔ nɔ ɔ, ee, i ngɛ nyɛ dee ke a ma bi a muɔ si ngɛ yi nɔ bi nɛ ɔmɛ a dɛ!

Yohane 10:32

Se Yesu de mɛ ke, “I pee ní kpakpahi babauu nɛ nyɛ na. Níhi nɛ i pee ɔ, Tsɛ ɔ nɛ tsɔɔ mi. Te nɔ́ nɛ he nɛ nyɛ ngɛ hlae nɛ nyɛɛ fia mi tɛ ɔ.”

2 Timoteo 4:14

Aleksandro, sɔlɔ ɔ ye mi sane yaya ko; nɔ́ yeyee nɛ e pee mi ɔ, Nyɔmtsɛ ɔ nɛ wo lɛ hiɔ.

2 Timoteo 4:16

Kekleekle nɛ i ya fa ye he ngɛ kojomi he ɔ, nɔ ko nɔ ko kɛ mi yɛ. Mɛ tsuo a si mi; Mawu kó gbla a tue ngɛ enɛ ɔ he.

Yoshua 22:23

Ke wa bui Yawɛ tue, nɛ wa ma wɔ nitsɛmɛ wa bɔ sami la tɛ, nɛ́ waa sã sami bɔhi, loo ngma bɔhi, loo tue mi jɔmi bɔhi ngɛ nɔ ɔ, lɛɛ Yawɛ nitsɛ nɛ gbla wa tue!

Kpojemi 18:20

Hiɔwe! Mo nya kaa a kpata Babilon hɛ mi! Nyɛ ni klɔuklɔuhi, bɔfohi, kɛ gbali, nyɛ nya! Ejakaa Mawu bu lɛ fɔ ha nyɛ ngɛ nɔ́ nɛ e pee nyɛ ɔ he!

Kpojemi 19:2

E yeɔ dami sane; e gblaa nɔ tue bɔ nɛ sa! Yo ajuama kpanaku ɔ nɛ ngɔ yahomi kɛ ngɛ je ɔ puɛe ɔ, e bu lɛ fɔ. Mawu gbla e tue, ejakaa e gbe lɛ Mawu ɔ tsɔli ɔmɛ.”

Manyadali 8:35

Ngɛ kpakpa babauu nɛ Yerubaal (nɛ ji Gideon) pee Israel bi ɔmɛ ɔ nane mi ɔ, Israel pee otlumu ngɛ Gideon we mi bimɛ ɔmɛ a nɔ.