Kronika II, 24:20 - BAIBLO ALOO NGMAMI KLƆUKLƆU Ɔ

²⁰ Kɛkɛ nɛ Mawu mumi ɔ ba osɔfo Yehoyada binyumu Zakaria nɔ. E ho ya da si ngɛ he nɛ ma a maa na lɛ ngɛ, nɛ e de mɛ ke, “Yawɛ Mawu ɔ ngɛ nyɛ bie ke, mɛni he je nyɛ kua e mlaa amɛ a nɔ yemi, nɛ nyɛɛ kɛ haomi ba nyɛ nɔ nɛ ɔ! Nyɛ kua Yawɛ, lɔ ɔ he ɔ, lɛ hu e kua nyɛ!”

Kronika II, 24:20 ပူးပေါင်းရင်းမြစ်များ

Mose IV, 14:41

Se Mose de ke, “Mɛni he je nyɛ pa ngɛ Yawɛ fami ɔ nɔ tue gboe ɔ? Nɔ́ nɛ ɔ be hie.

Yeremia 5:25

Se nyɛ ní peemi ní yayami ɔmɛ tsake ní nɛ ɔmɛ; nyɛ yayami ɔmɛ ha nɛ ní kpakpa nɛ ɔmɛ bɔ nyɛ.

Kronika II, 20:14

Kɛkɛ nɛ Mawu mumi ɔ ba Levi no ko nɔ ngɛ gua a mi. A tsɛɛ lɛ Yahaziel; Zakaria binyumu ji lɛ. E je Asaf weku ɔ mi, nɛ e nɛmɛ ji Matania, Yeyel, kɛ Benaya.

Mateo 23:35

Kɛkɛ ɔ, nimli kpakpahi tsuo nɛ a pue a muɔ si ngɛ je nɛ ɔ mi, kɛ maa je Habel nɛ a pue e muɔ si yaka gu ɔ nɔ kɛ yaa su Barakia binyumu Zakaria nɛ nyɛ gbe lɛ ngɛ sɔlemi we ɔ, kɛ bɔ sami la tɛ ɔ a kpɛti ɔ nɔ ɔ a he ɔ, a maa gbla nyɛ tue.

Kronika I, 12:18

Tlukaa a, Mawu mumi ɔ ba a ti nɔ kake nɔ. A tsɛɛ lɛ Amasai, nɛ lɛ ji nɔ nɛ ba pee ta buli “Nyingmi etɛ ɔmɛ” a nyatsɛ. Amasai kpa ngmlaa, nɛ e de ke, “Ishai binyumu David lee! Wa ngɛ o se oo, wa ngɛ o se! David lee, mo he manye, mo he manye! David he piɛli, nyɛ he manye, nyɛ he manye! Ejakaa, o Mawu ɔ piɛɔ o he.” Kɛkɛ nɛ David he mɛ, nɛ e pee mɛ e we asafoatsɛmɛ.

Yeremia 5:19

Yeremia, ke a bi mo ke mɛni he je lɛ imi Yawɛ, a Mawu ɔ kɛ mɛ ye sane yaya kaa kikɛ nɛ ɔ, de mɛ ke, kaa bɔ nɛ a je ye se nɛ a ya sɔmɔ ma se mawuhi ngɛ mɛ nitsɛmɛ a zugba nɔ ɔ, jã nɔuu kɛ̃ lɛ a ma ya sɔmɔ nibwɔhi ngɛ ma se zugba nɔ.”

Yeremia 4:18

Yuda, mo nitsɛ o je mi babɛ, kɛ o ni peepee lɛ ngɔ haomi nɛ ɔ kɛ ba o nɔ ɔ nɛ. E ngɛ kaa tsopa ko nɛ mo nitsɛ o nu, nɛ e doomi ɔ ya su o tsui he tɔɔ.

Yeremia 2:19

Mo nitsɛ o ní yayami ɔmɛ maa gbla o tue; o se yami ɔ ma ka o hɛ mi. O ma ba na paa kaa kuami nɛ o kua imi, Yawɛ o Mawu ɔ, kɛ ye hɛ mi atuã nɛ o tsɔ ɔ ji nɔ́ ko nɛ hí kulaa; e ngɛ kaa nɔ́ ko nɛ dooɔ kaa agba. Imi, Nyɔmtsɛ Yawɛ Tabohiatsɛ ɔ lɛ i de.”

Kronika II, 23:11

Jehanɛ, Yehoyada je matsɛbi ɔ kpo, nɛ e fi lɛ jlasi, nɛ e ngɔ mlaa womi ɔ ngɔ wo e dɛ mi. Bɔ nɛ a pee kɛ wo lɛ matsɛ ji nɛ ɔ nɛ. Yehoyada kɛ e binyumu ɔmɛ pɔ Yoash nu, nɛ ma a he ose ke, “Matsɛ yi nɛ na wa oo!”

Kronika I, 28:9

Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.

Manyadali 6:34

Kɛkɛ nɛ Yawɛ mumi ɔ ba Gideon nɔ, nɛ e kpa titimati kɛ tsɛ Abiezer bi ɔmɛ ke a ba piɛ e he.

Luka 11:51

Kɛ je Habel nɔ kɛ yaa su Zakaria nɛ a gbe ngɛ bɔ sami la tɛ ɔ, kɛ he klɔuklɔu ɔ a kpɛti ɔ nɔ ɔ, ee, i ngɛ nyɛ dee ke a ma bi a muɔ si ngɛ yi nɔ bi nɛ ɔmɛ a dɛ!

Mose V, 31:17

Ke e ba mi ja a, ye mi mi ma fu. I ma kua mɛ, nɛ a hɛ mi ma kpata. Haomihi nɛ ngɛ gbeyegbeye maa ba a nɔ, nɛ lɔ ɔ loko a ma kpa si kaa ní nɛ ɔmɛ ngɛ a nɔ bae, ejakaa imi a Mawu ɔ, i kua mɛ.

Kronika II, 24:24

Siria tabo ɔ, a he pi kulaa. Se Yawɛ ngɔ Yuda ta buli babauu ɔ ngɔ wo a dɛ mi; ejakaa ma a kua Yawɛ, a nɛmɛ a Mawu ɔ. Blɔ nɔ nɛ a gu kɛ gbla Yoash tue ji nɛ ɔ nɛ.

Kronika II, 29:8

Enɛ ɔ he je ɔ, Yawɛ mi mi fu Yuda kɛ Yerusalem, nɛ nɔ́ nɛ e pee mɛ ɔ ha nɛ nɔ tsuaa nɔ he mi po, nɛ a ye gbeye. Nyɛ nitsɛmɛ nyɛ na nɔ́ nɛ ɔ kɛ nyɛ hɛngmɛ.

Yeremia 26:2

Yawɛ de mi ke, “Yaa nɛ o ya da si ngɛ kue ɔ mi ngɛ Yawɛ we ɔ. Nihi nɛ jeɔ Yuda ma amɛ tsuo a mi kɛ baa lejɛ ɔ nɛ a ba jaa mi ɔ, de mɛ níhi tsuo nɛ i fa mo ke o fiɛ ha mɛ ɔ. Ko si ekoeko.

Kronika II, 12:5

Kɛkɛ nɛ gbalɔ Shemaya ba Rehoboam, kɛ Yuda ganɔ ɔmɛ a ngɔ ngɛ Yerusalem. Blɔɔ Yuda ganɔ nɛ ɔmɛ ya ye Shishak gbeye, nɛ a tu fo kɛ je a ma amɛ a mi ba bua a he nya ngɛ Yerusalem. Shemaya de mɛ ke, “Bɔ nɛ Yawɛ de ji nɛ ɔ nɛ: ‘Nyɛ kua mi, lɔ ɔ he ɔ, imi hu i ngmɛɛ nyɛ he kɛ wo Shishak dɛ mi.’ ”

Kronika II, 25:16

Se benɛ gbalɔ ɔ ngɛ munyu tue kɛ mwɔɔ ɔ, Amazia po munyu ngɛ e nya, nɛ e bi lɛ ke, “Kɛ je mɛni be lɛ wa wo mo matsɛ ga wolɔ? Jɔɔ mo; ke pi ja a, ma ha a gbe mo piɔ!” Kɛkɛ nɛ gbalɔ ɔ kpa. Se loko e maa pee dii ɔ, e de matsɛ ɔ ke, “Jehanɛ lɛɛ i le kaa Mawu to e yi mi kaa e ma kpata o hɛ mi; ejakaa o bui ye ga womi ɔ tue, nɛ o ya tsu nɔ́ nɛ ɔ.”

Amos 5:10

Nihi nɛ kaa nihi a hɛ mi ngɛ kojomi he, kɛ nihi nɛ tuɔ anɔkuale sisiisi ɔ, nyɛ nyɛɛ mɛ, nɛ nyɛ sume mɛ.