Kronika II, 24:18 - BAIBLO ALOO NGMAMI KLƆUKLƆU Ɔ

¹⁸ Nɔ́ nɛ ɔ ha nɛ a jɔɔ Yawɛ, a nɛmɛ a Mawu ɔ we ɔ yami, nɛ a ya ja amagahi, kɛ yo mawu ɔ nɛ a tsɛɛ Ashera a. Yayami nɛ a pee nɛ ɔ ha nɛ Yawɛ mi mi fu Yuda, kɛ Yerusalem.

Kronika II, 24:18 ပူးပေါင်းရင်းမြစ်များ

Yoshua 22:20

Anɛ nyɛ kaii we Zera binyumu Akan lo? Benɛ Akan tɔ mlaa nɛ kɔɔ níhi nɛ sa kaa a kpata a hɛ mi ɔ he ɔ, a gbla Israel ma a tsuo tue; pi Akan nɔ kake pɛ nɛ gbo ngɛ yayami nɛ ɔ he.”

Efesobi 5:6

Nyɛ ko ha nɛ nɔ ko nɛ pee nyɛ kuasia; ejakaa nihi nɛ gboɔ tue, nɛ a peeɔ yayamihi kaa kikɛ nɛ ɔ, Mawu kɛ mi mi la gblaa a tue wawɛɛ.

Kronika II, 24:4

Benɛ Yoash ye matsɛ ɔ be saii ɔ, e to e yi mi kaa e ma dla Yawɛ we ɔ, nɛ e pee lɛ ehe.

Kronika II, 19:2

Gbalɔ Yehu, Hanani binyumu ɔ ba kpee matsɛ ɔ, nɛ e de lɛ ke, “Anɛ e da ha mo kaa o ya piɛ yiwutsotsɛmɛ a he, nɛ o kɛ ni nɛmɛ nɛ a sume Yawɛ nɛ bɔ lo? Nɔ́ nɛ o pee nɛ ɔ ha nɛ Yawɛ mi mi fu mo.

Kronika II, 32:25

Se kpakpa nɛ ɔ nɛ a pee Hezekia a, e nɛ Yawɛ si, nɛ e je we Yawɛ yi kɛ to nane mi; mohu ɔ, e wo e he nɔ. Enɛ ɔ he je ɔ, Yawɛ mi mi fu lɛ, kɛ Yuda, kɛ Yerusalem.

Kronika II, 28:13

A de ta buli ɔmɛ ke, “Nyɛ ko ngɔ ta nyɔguɛ ɔmɛ kɛ ba hiɛ ɔ! Wɔ nitsɛmɛ hu wa pee yayami kɛ si Yawɛ; wa wo e mi mi la, nɛ tue gblami fɔɔ si ha wɔ momo. Jehanɛ, nyɛ pa ngɛ pee konɛ wa yayami ɔ nɛ hiɛ kɛ be nɔ!”

Matsɛmɛ I, 14:23

Mɛ hu a po piɛhi, nɛ a puɛ amagahi ngɛ ma a mi, ngɛ yokuhi a nɔ, kɛ tsohi nɛ bɔ kusuu a sisi; amaga amɛ ekomɛ daa si ha a yo mawu ɔ nɛ a tsɛɛ lɛ Ashera a.

Hosea 5:14

Imi Yawɛ, ma tsɔtslɔɔ Israel kɛ Yuda a mi ngɔ pue si kaa jata peeɔ nɔ́. Ma ngɔ mɛ kɛ ho; nɛ nɔ ko nɔ ko be nyɛe ma kpɔ mɛ ngɛ ye dɛ.

Kronika II, 29:8

Enɛ ɔ he je ɔ, Yawɛ mi mi fu Yuda kɛ Yerusalem, nɛ nɔ́ nɛ e pee mɛ ɔ ha nɛ nɔ tsuaa nɔ he mi po, nɛ a ye gbeye. Nyɛ nitsɛmɛ nyɛ na nɔ́ nɛ ɔ kɛ nyɛ hɛngmɛ.

Kronika II, 21:13

Mohu ɔ, o ya wo Israel matsɛmɛ ɔmɛ a nane, nɛ o ha nɛ Yuda ma a, kɛ Yerusalem tsuo ja amagahi kaa bɔ nɛ Ahab, kɛ ni nɛmɛ nɛ nyɛɛ e se ɔ ha nɛ Israel ma a pee ɔ pɛpɛɛpɛ. O nyɛminyumuhi nɛ a hi pe mo ɔ hu, o gbe mɛ.

Matsɛmɛ I, 14:9

O pee yayami kulaa pe ni nɛmɛ nɛ ye tsɛ kɛ sɛ o hlami ɔ. O kua mi; O ya pee mawu kpa komɛ, nɛ o puɛ amagahi, nɛ o kɛ nɔ́ nɛ ɔ wo ye mi mi la.

Samuel II, 24:1

Yawɛ mi mi fu Israel ekohu, nɛ e ha David kɛ haomi ba ma a nɔ. Yawɛ de lɛ ke, “Yaa nɛ o ya kane Israel kɛ Yuda!”

Manyadali 5:8

Benɛ Israel bi ɔmɛ ya hla mawu hehi ɔ, ta te si ngɛ zugba a nɔ. Se Israel nyumuhi akpe nyingmi eywiɛ ɔmɛ ɔ, a nɛ tsɛ̃i, loo akplɔ ngɛ nɔ kake po dɛ mi.

Mose II, 34:13

Dɛbi, nyɛɛ hule a bɔ sami la tɛ ɔmɛ; nyɛɛ gbɛ a wɔ piɛ ɔmɛ, nɛ nyɛɛ ywia a yo wɔ ɔ nɛ a tsɛɛ lɛ Ashera a we amaga amɛ.

Mose II, 34:12

Hyɛ saminya nɛ o kɛ ma he nɛ nyɛ yaa a mi bi ɔmɛ kó so somi ko, nɛ lɔ ɔ ba plɛ klama nɛ a tsɔ mo.

Kronika II, 24:17

Se benɛ Yehoyada gbo se ɔ, Yuda ganɔ ɔmɛ ba a he si ha Matsɛ Yoash, nɛ lɛ hu e nu a munyu.

Yeremia 17:2

Nyɛ bimɛ ɔmɛ jaa amagahi, kɛ yo mawu Ashera amaga amɛ ngɛ bɔ sami la tɛ ɔmɛ a nɔ ngɛ tso kusuu tsuaa tso kusuu sisi, kɛ yoku ɔmɛ

Manyadali 8:33

Benɛ Gideon gbo ɔ, Israel bi ɔmɛ kua Mawu ekohu, nɛ a ngɔ Baal Berit ngɔ pee a mawu.

Kronika II, 12:1

Benɛ Rehoboam matsɛ yemi ɔ ba da si ɔ, e kɛ e ma a tsuo kua Yawɛ mlaa a nɔ yemi.

Kronika II, 12:2

Enɛ ɔ he je ɔ, Yawɛ gbla e tue. Matsɛ Rehoboam yi nɔ jeha nɛ ji enuɔ ɔ mi ɔ, Egipt matsɛ, Shishak ba tua Yerusalem.

Kronika II, 22:4

Ahazia pee yayami, ejakaa e tsɛ gbenɔ se ɔ, Ahab weku li ji ni nɛmɛ nɛ woɔ lɛ ga; nɛ mɛ lɛ a kpata e nane.

Kronika II, 25:15

Nɔ́ nɛ ɔ ha nɛ Yawɛ mi mi fu Amazia, nɛ e tsɔ gbalɔ ko kɛ ba e ngɔ. Gbalɔ ɔ ba bi lɛ ke, “Ma se mawuhi nɛ a nyɛ we nɛ a je mɛ nitsɛmɛ a ma mi bi kɛ je o dɛ mi ɔ, mɛni he je o ngɛ mɛ jae?”

Kronika II, 34:25

A kua mi, nɛ a sã bɔhi kɛ ha mawu kpahi, nɛ a kɛ níhi nɛ a pee nɛ ɔ tsuo wo ye mi mi la. Ye mi mi fu Yerusalem wawɛɛ nitsɛ, nɛ nɔ́ ko be hie peemi ngɛ he.